यर्मिया 24:1 - नेवाः बाइबल

¹ बेबिलोनया जुजु नबूकदनेसरं यहूदाया जुजु यहोयाकीमया काय् यहोयाकीन व यहूदाया भारदारत, कारिगरत व नँकःमिततय्‌त ज्‍वनाः यरूशलेमं बेबिलोनय् यंके धुंकाः परमप्रभुं जितः परमप्रभुया देगःया न्‍ह्यःने तयातःगु यःमरिया निगः दाला क्‍यनादिल।

यर्मिया 24:1 Iomraidhean Croise

२ राजा 24:10

अबलय् बेबिलोनयाम्‍ह जुजु नबूकदनेसरया हाकिमतय्‌सं यरूशलेमय् हमला यानाः उकियात घेरय् यात।

२ इतिहास 36:10

बसन्‍तया इलय् नबूकदनेसर जुजुं यहोयाकीनयात ज्‍वनाः देगःया मू वंगु सामाननापं बेबिलोनय् यंकल। अले नबूकदनेसरं वया कका सिदकियाहयात यरूशलेमया व यहूदाया मेगु फुक्‍क थाय्‌या जुजु दय्‌कल।

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यर्मिया 13:19

यहूदाया दच्‍छिनया शहरया ध्‍वाखा तिनातःगु दु। सुनानं उपिं ध्‍वाखात चाय्‌के फइ मखु। यहूदायापिं सकलें मनूतय्‌त ज्‍वनाः देशं पिने यंकूगु दु।

यर्मिया 27:20

गुगु सामान बेबिलोनया जुजु नबूकदनेसरं यहोयाकीमया काय्, यहूदाया जुजु यहोयाकीनयात यरूशलेमं ज्‍वनाः यहूदा व यरूशलेमयापिं ततःधंपिं मनूतलिसें बेबिलोनय् यंकूबलय् मयंकूगु खः,

यर्मिया 28:4

जिं यहोयाकीमया काय् यहूदाया जुजु यहोयाकीन व यहूदां ज्‍वनाः बेबिलोनय् यंकूपिं मेपिं सकसित नं हाकनं थ्‍व थासय् लित हये,’ परमप्रभुं धयादी, ‘छाय्‌धाःसा जिं बेबिलोनयाम्‍ह जुजुया जुवा त्‍वथुलाबी।’”

यर्मिया 29:1

नबूकदनेसरं यरूशलेमं ज्‍वनाः बेबिलोनय् यंकूपिं मध्‍ये म्‍वानाच्‍वंपिं थकालित, पुजाहारीत, अगमवक्तात व फुक्‍कं मनूतय्‌त यर्मिया अगमवक्तां यरूशलेमं छ्वःगु पौया खँ थ्‍व हे खः।

यर्मिया 29:2

(जुजु यहोयाकीन, राजमाता, दरबारयापिं हाकिमत, यहूदा व यरूशलेमयापिं नायःत, कारिगरत व सःपिं मिस्‍त्रीतय्‌त यरूशलेमं ज्‍वना यंके धुंकाः थ्‍व पौ च्‍वःगु खः।)

यर्मिया 37:1

योशियाहया काय् सिदकियाहयात बेबिलोनयाम्‍ह जुजु नबूकदनेसरं यहूदायाम्‍ह जुजु ल्‍यःगु खः। वं यहोयाकीमया काय् यहोयाकीनया पलेसा राज्‍य यात।

इजकिएल 17:4

वं व कचायात त्‍वथुलाः ब्‍यापारीतय्‌गु छगू देशय् यंकाः ब्‍यापार याइपिनिगु छगू शहरय् पित।

इजकिएल 19:9

इमिसं वयात हुकं पन्‍जलय् तयाः बेबिलोनयाम्‍ह जुजुयाथाय् हल। इस्राएलया डाँडा डाँडाय् वयागु सः गुबलें ताये मदय्‌मा धकाः इमिसं वयात कुनातल।

आमोस 3:7

धात्‍थें हे परमप्रभु परमेश्‍वरं थः दास अगमवक्तातय्‌त थःगु योजना मक्‍यंसे छुं नं यानादी मखु।

आमोस 7:1

परमप्रभु परमेश्‍वरं जितः छगू दर्शन क्‍यनादिल – जुजुया ब्‍वयागु बाली लये धुंकाः अले न्‍हूगु बाली सयावये धुंकाः वय्‌कलं छबथां क्‍वःबुइँचात सृष्‍टि यानादीगु जिं खना।

आमोस 7:4

परमप्रभु परमेश्‍वरं जितः थ्‍व क्‍यनादिल, मिं न्‍याय यायेत परमप्रभु परमेश्‍वरं क्‍वछिनादिल। व मिं ततःजाःगु समुन्‍द्रयात गंकाः जमिनयात नं भस्‍म यानाबिल।

आमोस 7:7

वय्‌कलं जितः थ्‍व नं क्‍यनादिल, का दुगु गँचा तयाः दय्‌कातःगु अंगः लिकसं थःगु ल्‍हातय् का दुगु गँचा ज्‍वनाः प्रभु दनाच्‍वंगु जिं खना।

जकरिया 1:20

अनंलि परमप्रभुं जितः प्‍यम्‍ह कारिगर क्‍यनादिल।

जकरिया 3:1

अले स्‍वर्गदूतं जितः परमप्रभुया दूतया न्‍ह्यःने दनाच्‍वंम्‍ह दकलय् तःधंम्‍ह पुजाहारी यहोशूयात क्‍यनादिल। अन यहोशूया जवपाखे वयात दोष बीत शैतान दनाच्‍वंगु दु।