यर्मिया 21:2 - नेवाः बाइबल

² “जिमिगु निंतिं आः परमप्रभुयाके न्‍यनादिसँ, छाय्‌धाःसा बेबिलोनया जुजु नबूकदनेसरं जिमित हमला यानाच्‍वंगु दु। न्‍हापा न्‍हापा परमप्रभुं झीगु निंतिं अजू चायापुगु ज्‍या यानादीगु थें आः नं यानादी ला? गुकिं यानाः व झीथासं लिहांवनी ला।”

यर्मिया 21:2 Iomraidhean Croise

उत्‍पत्ति 10:10

वं थःगु राज्‍ययात दक्‍वसिबय् न्‍हापां बेबिलोन, एरेक, अक्‍कद व कल्‍नेहंनिसें न्‍ह्याकल। थ्‍व फुक्‍क शिनार देशय् लाः।

२ राजा 1:3

तर परमप्रभुया दूतं तिश्‍बी एलियायात धाल, “सामरियाया जुजुया दूततय्‌त नापलाः हुँ। अले इमित थथे धा, ‘एक्रोनया द्यः बाल-जिबबयात न्‍यंवनेत छु इस्राएलय् छम्‍ह नं परमेश्‍वर मदु ला?’

२ राजा 17:24

अश्‍शूरयाम्‍ह जुजुं बेबिलोन, कूता, अव्‍वा, हमात व सपर्बेम शहरं मनूत हयाः इस्राएलीतय्‌गु थासय् सामरियाया शहर शहरय् तल। इमिसं उपिं शहरत अधीनय् कयाः अन च्‍वन।

२ इतिहास 32:21

परमप्रभुं छम्‍ह स्‍वर्गदूत छ्वयाहयादिल, वं अश्‍शूरी सेनाया सिपाइँत व नायःतय्‌त स्‍यात। उकिं जुजु सनहेरीब लज्‍या चायाः थःगु हे देशय् लिहां वन। अले व थः द्यःया देगलय् दुहां वंबलय् वया थः हे काय्‌पिन्‍सं वयात तरवारं स्‍यानाबिल।

प्रस्‍थान 9:28

मलः जूगु व प्‍वँ गाःगु अप्‍वः जुइ धुंकल। आः परमप्रभुयात इनाप या। जिं छिमित वनेबी, छिमित पने मखु।”

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यर्मिया 15:11

परमप्रभुं धयादिल, “हे यर्मिया, धात्‍थें हे जिं छन्‍त छंगु भिंया निंतिं बचय् याये। धात्‍थें हे जिं दुःख व संकटया इलय् छिमि शत्रुतय्‌त छलिसें बिन्‍ति याकेबी।

यर्मिया 21:3

अले यर्मियां इमित धाल, “छिमिसं सिदकियाहयात थथे धा,

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 37:17

तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”

यर्मिया 37:3

अय्‌नं सिदकियाह जुजुं शेलेम्‍याहया काय् यहूकल व मासेयाहया काय् सपन्‍याह पुजाहारीयात यर्मिया अगमवक्तायाथाय् थथे धाय्‌के छ्वल, “जिमिगु निंतिं परमप्रभु झी परमेश्‍वरयात प्रार्थना यानाब्‍यु।”

यर्मिया 37:7

“परमप्रभु, इस्राएलयाम्‍ह परमेश्‍वरं थथे धयादी – छन्‍त जिथाय् न्‍यनेत छ्वयाहःम्‍ह यहूदाया जुजुयात थथे धा, ‘छन्‍त ग्‍वाहालि यायेत वःगु फारोया सेना हाकनं मिश्रय् हे लिहांवनी।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

न्‍यायकर्ता 20:27

इस्राएलीतय्‌सं परमप्रभुयाके न्‍यन। उबलय् परमेश्‍वरया बाचाया सनू बेथेलय् दुगु जुल।

१ शमूएल 10:22

अले हाकनं इमिसं परमप्रभुयात न्‍यन, “छु व मनू थन वःगु दु ला?” परमप्रभुं लिसः बियादिल, “व अन सामान तया तःथाय् दथुइ सुलाच्‍वंगु दु।”

१ शमूएल 28:15

शमूएलं शाऊलयात धाल, “छाय् छं जितः सःताः पंगः यानागु?” शाऊलं लिसः बिल, “जि तसकं दुःखय् लाःगु दु। पलिश्‍तीतय्‌सं जितः हय्‌कयाच्‍वंगु दु। परमेश्‍वरं जितः त्‍वःतूगु दु। वय्‌कलं न अगमवक्तातपाखें न म्‍हगसपाखें हे जितः लिसः बियादीगु दु। अथे जुयाः जिं छु यायेमाली धकाः न्‍यनेत छन्‍त सःतागु खः।”

१ शमूएल 28:6

अले शाऊलं परमप्रभुयाके न्‍यन, “जिं छु यायेगु?” तर परमप्रभुं वयात नं म्‍हगसपाखें, नं “ऊरीमं” नं अगमवक्तातपाखें छुं नं लिसः बियादिल।