यर्मिया 2:7 - नेवाः बाइबल

⁷ जिं छिमित यक्‍व सइगु भिंगु बुँ दुगु देशय् अन्‍न बाली व मेमेगु भिंगु नसा नयेमा धकाः हया। तर वये धुंकाः छिमिसं जिगु थ्‍व देशयात अशुद्ध यात, अले जिगु सर्बययात घच्‍चाइपुगु यानादिल।

यर्मिया 2:7 Iomraidhean Croise

नहेम्‍याह 9:25

पखाः ग्‍वयातःगु शहरत व लखं लाःगु देश इमिसं त्‍याकाकाल। भिंगु भिंगु सामान दुगु छेँ, म्‍हुयातःगु तुं, दाखया क्‍यब, जैतूनया सिमा व मेमेगु फलया सिमा यक्‍व हे इमिसं थःगु ल्‍हातय् लाकल। प्‍वाः जाय्‌क नयाः इपिं ल्‍ह्वन, इपिं छिगु फुक्‍क भिंगु ज्‍याया कारणं लय्‌तायाच्‍वन।

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

यशैया 19:25

दक्‍व शक्ति दुम्‍ह परमप्रभुं इमित थथे धयाः आशिष बियादी, “मिश्र जिमि प्रजा, अश्‍शूर जिगु ल्‍हाःया ज्‍या अले इस्राएल जिगु सर्बय छिपिं धन्‍य खः।”

यर्मिया 16:18

इमिगु अधर्म व पापया निंतिं जिं इमित निदुगं सजाँय बी, छाय्‌धाःसा इमिसं जिगु देशयात इमिगु घच्‍चाइपुगु द्यःतय्‌गु ज्‍यालगय् मजूगु मूर्तिं अशुद्ध याःगु दु। अले जिगु सर्बययात इमिसं थःगु घच्‍चाइपुगु मूर्तिं जाय्‌कूगु दु।”

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:2

“नांगा डाँडाय् मिखा ब्‍व। उपिं मध्‍ये छं मभिंगु ज्‍या मयाःगु गुगु थाय् दु? चाचाःहिलाः जुइम्‍ह छम्‍ह मनू मरुभूमिइ च्‍वनाच्‍वं थें छं लँय् च्‍वनाः थः प्रेमीत पियाच्‍वन। छं देशयात थःगु व्‍यभिचार व मभिंगु ज्‍यां अशुद्ध याःगु दु।

यर्मिया 3:9

व लज्‍या मचाःम्‍ह व्‍यभिचारिणी जूगुलिं देश नं अशुद्ध जुल। वं ल्‍वहं व सिँनापं नं व्‍यभिचार यात।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।

यर्मिया 32:30

“इस्राएल व यहूदायापिं मनूतय्‌सं थः ल्‍याय्‌म्‍ह जूबलय् निसें हे जिगु मिखाय् मभिंगु ज्‍या जक यानावयाच्‍वंगु दु। धात्‍थें हे इस्राएलीतय्‌सं थःगु ल्‍हातं दय्‌कूगु मूर्तिं जितः तंचाय्‌केगु बाहेक मेगु छुं याःगु मदु, परमप्रभुं धयादी।

इजकिएल 20:24

छाय्‌धाःसा इमिसं जिगु नियम मानय् मयात, जिगु विधितय्‌त हेला यात, अले जिगु विश्रामबारयात अशुद्ध यात। इमिगु मिखा थः पुर्खातय्‌गु मूर्तितपाखे वनाच्‍वन।

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 20:6

उखुन्‍हु हे जिं इपिंलिसें जिं इमित मिश्र देशं लिगनाः हयाः जिं इमिगु निंतिं ल्‍ययागु छगू देशय् हये धकाः नं पाफया। व मेगु फुक्‍क देश स्‍वयाः बांलाः, अन दुरु व कस्‍ति बाः वयाच्‍वंगु।

इजकिएल 23:35

“उकिं परमप्रभु परमेश्‍वरं थथे धयादी – छं जितः ल्‍वःमंकल, अले छंगु जँधूफाःया ल्‍युने जितः तल, उकिं छं थःगु महापाप व व्‍यभिचारया लिच्‍वः भोगे यायेमाली।”

इजकिएल 36:17

“अय् सीमानिम्‍ह मनू, इस्राएलया मनूत थःगु देशय् च्‍वनाच्‍वंबलय् इमिसं थःगु पहःचहः व ज्‍यां उकियात अशुद्ध याःगु खः। इमिगु पहःचहः नं जिगु मिखाय् छम्‍ह मिसा थी मज्‍यूबलय्‌या अशुद्धता थें खः।

होशे 9:3

इपिं परमप्रभुया देशय् च्‍वनी मखु। एफ्राइम मिश्र देशय् लिहांवनी। अश्‍शूरय् अशुद्धगु नसा नइ।

मीका 2:10

दँ, वना हे छ्व, थ्‍व थाय् छिमिगु आराम कायेगु थाय् मखु, छाय्‌धाःसा थ्‍व देश अशुद्ध जूगु दु, छुं उपाय मदय्‌क थ्‍व नाश जूगु दु।

गन्‍ती 13:27

इमिसं मोशायात कन, “छिं जिमित छ्वयादीगु देशय् जिपिं वना। धात्‍थें हे अन दुरु व कस्‍ति बाः वयाच्‍वंगु जुयाच्‍वन, अले अनयागु फलफुल थ्‍व हे खः।

व्‍यवस्‍था 21:23

वयागु सीम्‍ह चच्‍छि हे थामय् यख्‍खानातये मते अय्‌नं उखुन्‍हु हे वयात थुनाः बीमाः छाय्‌धाःसा यख्‍खाःम्‍ह न्‍ह्याम्‍हं नं परमेश्‍वरपाखें सराः लाःम्‍ह खः। परमप्रभु छिमि परमेश्‍वरं छिमिगु अधिकारय् बियादीगु देशयात अशुद्ध याये मते।

व्‍यवस्‍था 32:9

परमप्रभुया थःगु ब्‍व वय्‌कःया मनूत खः, याकूब वय्‌कःया सर्बयया ब्‍व खः।

व्‍यवस्‍था 6:18

परमप्रभुयागु मिखाय् छु छु पाय्‌छि व भिं जू व हे जक या, अले छिमिगु भिं जुइ। अले छिमि पुर्खानापं परमप्रभुं पाफयाः बचं बियादीगु थें छिमिसं व भिंगु देश त्‍याकाकाये फइ।