२ तिमोथी 4:7 - नेवाः बाइबल

⁷ जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

२ तिमोथी 4:7 Iomraidhean Croise

हितोपदेश 23:23

सत्‍य, बुद्धि, दुग्‍यां व भिंगु खँ कायेगु स्‍व! थुमित मी मते।

गन्‍ती 8:25

अय्‌नं नेय्‌दँ दये धुंकाः इमिसं न्‍हिन्‍हिं यायेमाःगु ज्‍या त्‍वःतेमाः। अले हानं ज्‍या मयायेमाः।

लूका 11:28

अले वय्‌कलं लिसः बियादिल – “अथे मखु, परमेश्‍वरयागु वचन न्‍यनाः व थें याइम्‍ह हे धन्‍यम्‍ह खः।”

लूका 8:15

अले भिंगु चा दुथाय् लाःगु पुसा इपिं खः – सुनां परमेश्‍वरयागु वचन भिंगु मतिं न्‍यनाः नुगलय् दुने थ्‍यंक स्‍वथना तइ। अले थुमिसं क्‍वात्तुक विश्‍वास यानाः फल सय्‌की।”

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 4:34

वय्‌कलं धयादिल – “जितः छ्वयाहया दीम्‍हय्‌सिगु ज्‍या सिधय्‌केगु, अले वय्‌कलं धाःथें यानाजुइगु हे जिगु नसा खः।

प्रेरित 13:25

यूहन्‍नां थःगु ज्‍या सिधय्‌काः थथे धाःगु खः – ‘छिमिसं जि सु धकाः ताय्‌का च्‍वना? जि व हे मखु। जि लिपा छम्‍ह झायाच्‍वंगु दु। जि ला वय्‌कःयागु लाकां पुतु फ्‍यनेत नं मल्‍वः।’”

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

गलाती 2:2

परमेश्‍वरं जितः अन वने हे माः धकाः धयादीगुलिं जि वनागु खः। जिं न्‍हापा यानागु व आः यानाच्‍वनागु ज्‍या सितिं मवनेमा धकाः यहूदीमखुपिन्‍त भिंगु खँ न्‍यंकागु खँ मण्‍डलीया थकालिपिन्‍त जक कना।

फिलिप्‍पी 1:30

छिमिसं न्‍हापा खंगु व आः न्‍यनाच्‍वंगु जिगु दुःखकष्‍ट छिमिसं नं फयाच्‍वंगु दु।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 1:14

झीगु दुने च्‍वनादीम्‍ह पवित्र आत्‍मायागु ग्‍वाहालिं छन्‍त लःल्‍हाना बियातःगु सत्‍य खँयात बांलाक नुगलय् तयाति।

२ तिमोथी 3:10

छं जिं स्‍यनेकने यानागु, जिगु चालचलन, जिगु लक्ष्य, जिगु विश्‍वास, जिं गथे सह यानाच्‍वना, जिं गुलि माया यानाच्‍वना,

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

प्रकाश 3:8

“छिमिसं यानाच्‍वंगु ज्‍याखँ जिं स्‍यू। स्‍व, जिं छिमिगु न्‍ह्यःने लुखा चाय्‌का बियागु दु। थ्‍व लुखा सुनानं ति फइ मखु। छिपिं यक्‍व शक्ति मदुपिं मनूत खःसां जितः त्‍वमतुसे विश्‍वास यानाच्‍वंगु दु धकाः जिं स्‍यू।

प्रकाश 6:11

अले इपिं फुक्‍कसितं छपाः छपाः तुयुगु लं बिल। इपिं थें तुं स्‍याके मानिपिं परमेश्‍वरया दासत व इमि दाजुकिजापिन्‍त नं मस्‍यातले पियाच्‍वँ धकाः इमित धाल।

न्‍यायकर्ता 3:2

इस्राएलीतय् लडाइँ याये मसःपिं लिपाया सन्‍तानतय्‌त लडाइँ यायेगु स्‍यनेत वय्‌कलं थथे यानादीगु खः।