२ तिमोथी 3:11 - नेवाः बाइबल

¹¹ जितः गुलि दुःखकष्‍ट बिल, जिं गुलि सास्‍ती नये माल, एन्‍टिओखियाय्, आइकोनियनय् अले लुस्‍त्राय् जितः छु छु जुल धयागु फुक्‍कं छं स्‍यू। गज्‍याः गज्‍याःगु दुःखकष्‍ट जिं फये माल अले प्रभुं फुक्‍क दुःखकष्‍टं जितः बचय् याना तयादिल।

२ तिमोथी 3:11 Iomraidhean Croise

उत्‍पत्ति 48:16

जितः दुःखय् ग्‍वाहालि यानादीम्‍ह स्‍वर्गदूतं थ्‍व मस्‍तय्‌त आशिष बियादीमा। अले थुमिपाखें हे जिगु नां, जिमि बाज्‍या अब्राहाम व बाः इसहाकयागु नां ल्‍यनाच्‍वने मा। पृथ्‍वीइ थुमि सन्‍तान यक्‍व दयाः न्‍यनावनेमा।”

२ शमूएल 22:1

परमप्रभुं दाऊदयात शाऊल व मेपिं इमि फुक्‍क शत्रुतपाखें बचय् यानादीबलय् वं परमप्रभुया न्‍ह्यःने हाःगु भजन थथे दु,

२ शमूएल 22:49

अले जितः जिमि शत्रुतय्‌पाखें त्‍वःतकादिल। जितः जिमि शत्रुत स्‍वयाः तःधंकादिल। जितः मनू स्‍याना जुइपिनिपाखें बचय् यानादिल।

भजनसंग्रहया सफू 34:19

भिं मनूतय्‌त यक्‍व दुःख वयेफु, अय्‌नं परमप्रभुं इपिं फुक्‍कसित फुक्‍क दुःखं उद्धार यानादी।

भजनसंग्रहया सफू 37:40

परमप्रभुं इमित ग्‍वाहालि यानादी अले बचय् यानादी, वय्‌कलं इमित मभिंपिं मनूतय्‌पाखें बचय् यानातयादी, छाय्‌धाःसा इपिं वय्‌कःया शरणय् वइ।

भजनसंग्रहया सफू 91:14

परमप्रभुं धयादी, “सुनां जितः माया याइ इमित जिं बचय् याये, अले सुनां जितः परमप्रभु धकाः स्‍वीकार याइ इमित जिं रक्षा याये।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

दानिएल 6:27

वय्‌कलं त्‍वःतकादी अले बचय् यानादी, वय्‌कलं आकाशय् व पृथ्‍वीइ चिं व अजू चाइपुगु ज्‍या यानादी। वय्‌कलं दानिएलयात सिंहया म्‍हुतुपाखें बचय् यानादिल।”

प्रेरित 13:14

इपिं पर्गां तुं पिसिदिया जिल्‍लाय् लाःगु एन्‍टिओखियाय् वन। विश्रामबार खुन्‍हु धर्मशास्‍त्र स्‍यनीगु छेँय् वनाः अन न्‍यना च्‍वंपिं लिसे फ्‍यतूवन।

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 14:8

अबलय् लुस्‍त्राय् छम्‍ह लंग्राम्‍ह मनू दु। बूसांनिसें लंग्रा जूगुलिं गुबलें न्‍यासि वने मनंनि।

प्रेरित 20:19

फक्‍व क्‍वमिलु जुयाः मिखां ख्‍वबि हाय्‌काः जक मखु, यहूदीतय्‌सं स्‍यायेत स्‍वःबलय् नं जिं प्रभुयागु सेवा याना हे च्‍वना।

प्रेरित 23:10

अले अन तसकं हे ल्‍वापु जुल। इमिसं पावलयात स्‍यानाबी धकाः ग्‍यानाः तःधंम्‍ह कप्‍तानं सिपाइँतय्‌त “पावलयात अनं किल्‍लाय् हजि” धकाः उजं बिल।

प्रेरित 26:17

जिं छन्‍त यहूदीतय् नायःतय्‌गु ल्‍हातं व यहूदीमखुपिनिगु ल्‍हातं बचय् यानातये।

प्रेरित 26:22

अय्‌नं थौं तक परमेश्‍वरं जितः ग्‍वाहालि यानादीगु हे दु। अय्‌जूगुलिं जिं थन दनाः चिधंपिं, तःधंपिं, सकसितं साक्षी बियाच्‍वनागु दु। अगमवक्तां व मोशां जुइतिनि धकाः धाःगु खँ जक जिं कनाच्‍वनागु खः, मेगु छुं नं मधया।

प्रेरित 9:16

अले हानं जिं वयात जिगु नांया निंतिं गुलि तक वं दुःखकष्‍ट सी मालीतिनि धकाः क्‍यनेतिनि।”

रोमी 15:31

यहूदियाय् च्‍वंपिं विश्‍वास मयाःपिं मनूतय्‌पाखें जि बचय् जुइमा धकाः व यरूशलेमय् जिगु सेवा अन च्‍वंपिं विश्‍वासीतय्‌त ययेमा धकाः परमेश्‍वरयात प्रार्थना या।

२ कोरिन्‍थी 1:5

ख्रीष्‍टं यक्‍व दुःखकष्‍ट सियादी थें तुं जिमिसं नं दुःखकष्‍ट सियाच्‍वनागुलिं थ्‍व हे ख्रीष्‍टपाखें जिमित नं सान्‍त्‍वना दइतिनि।

२ कोरिन्‍थी 1:7

थथे जिमिसं छिमिके थ्‍व हे आशा यानाच्‍वनागु दु। गथे जिमिसं दुःखकष्‍ट सियाच्‍वना अथे हे छिमिसं नं दुःखकष्‍ट सियाच्‍वंगुलिं जिमित सान्‍त्‍वना दुगु थें छिमित नं सान्‍त्‍वना दइ।

२ कोरिन्‍थी 12:10

थथे जूगुलिं ख्रीष्‍टयागु निंतिं बमलाःसां, बेइज्‍जत याःसां, मछिंसां, दुःखकष्‍ट जूसां, स्‍यंकेत स्‍वःसां, जि तसकं लय्‌ताः। गुबलय् जि बमलाइ अबलय् जितः बल्‍लाकी।

२ तिमोथी 4:7

जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

२ पत्रुस 2:9

भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।