२ तिमोथी 2:8 - नेवाः बाइबल

⁸ दाऊदया सन्‍तान, सिनाः म्‍वानावःम्‍ह येशू ख्रीष्‍टयात लुमंकी। जिं न्‍यंकागु भिंगु खँ थ्‍व हे खः।

२ तिमोथी 2:8 Iomraidhean Croise

मत्ती 1:1

अब्राहाम व दाऊदया सन्‍तान येशू ख्रीष्‍टया पुर्खा थथे दु –

लूका 24:46

वय्‌कलं धयादिल – “मुक्ति बीम्‍ह ख्रीष्‍ट सिनाः हानं स्‍वन्‍हु दय्‌काः म्‍वाना वयेमाः धकाः च्‍वयातःगु दु।

प्रेरित 13:23

“थ्‍व हे मनूया कुलं परमेश्‍वरं इस्राएलयात मुक्ति बीम्‍ह येशूयात छ्वयाहयादिल। थथे छ्वयाहये धकाः वय्‌कलं न्‍हापा हे बचं बियादीगु खः।

प्रेरित 2:24

अय्‌नं परमेश्‍वरं वय्‌कःयात कालयागु पन्‍जां त्‍वःतकाः म्‍वाकादिल। वय्‌कःयात कालं ज्‍वना तयेगु ला जुइ हे फइ मखुगु खँ खः।

प्रेरित 2:30

दाऊद छम्‍ह अगमवक्ता जूगुलिं, परमेश्‍वरं वया हे छम्‍ह सन्‍तानयात सिंहासनय् तयादी धकाः पाफयादीगु खँ स्‍यूगुलिं,

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

१ कोरिन्‍थी 15:1

यःपिं दाजुकिजापिं, छिमिसं आः तक नं विश्‍वास यानाः मानय् यानाच्‍वंगु जिं न्‍यंकागु भिंगु खँ आः हानं छिमित लुमंकाबी मास्‍ति वल।

१ कोरिन्‍थी 15:4

धर्मशास्‍त्रय् च्‍वया तः थें सीम्‍ह ख्रीष्‍टयात थुनाबिल, अले स्‍वन्‍हु दय्‌काः हानं म्‍वाना झाल।

२ थेसलोनिकी 2:14

थुकियागु निंतिं हे वय्‌कलं जिमिगुपाखें भिंगु खँ न्‍यंकाः छिमित झी प्रभु येशू ख्रीष्‍टनापं तुं तःधंकेत सःतादीगु खः।

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

२ तिमोथी 2:7

जिं धयागु खँ थुइकेगु कुतः या, छाय्‌धाःसा प्रभुं हे छन्‍त थुइके फय्‌कादी।

प्रकाश 5:5

अले छम्‍ह थकालिं जितः धाल – “ख्‍वय् मते, यहूदा कुलयाम्‍ह सिंह, दाऊदया तःधंम्‍ह सन्‍तानं थ्‍व भ्‍वंथू फ्‍यनेत व थुकी च्‍वंगु न्‍हय्‌गू छाप प्‍वलेत त्‍याकाः वये धुंकल।”