२ तिमोथी 2:1 - नेवाः बाइबल

¹ अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

२ तिमोथी 2:1 Iomraidhean Croise

हाग्‍गै 2:4

परमप्रभुं धयादी, ‘हे यरूबाबेल, साहस या! हे यहोसादाकया काय्, दकलय् तःधंम्‍ह पुजाहारी यहोशू, साहस या!’ परमप्रभुं धयादी, ‘देशय् दक्‍व मनूत साहस यानाः ज्‍या न्‍ह्याकि। छाय्‌धाःसा जि छिपिंलिसे दु,’ दक्‍व शक्ति दुम्‍ह परमप्रभुं घोषणा यानादी।

१ कोरिन्‍थी 16:13

होश‍यानाच्‍वँ, बल्‍लाक विश्‍वास याना च्‍वँ, अले मग्‍यासे बल्‍लाका च्‍वँ।

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 1:2

विश्‍वासय् जिम्‍ह काय् थें जुयाच्‍वंम्‍ह तिमोथीयात ज्‍वजलपा। परमेश्‍वर बाः व झी प्रभु येशू ख्रीष्‍टयापाखें छन्‍त दया माया व शान्‍ति दयेमा।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

२ तिमोथी 1:2

जि यःम्‍ह काय् तिमोथीयात थ्‍व पौ च्‍वयाच्‍वना। झी परमेश्‍वर बाः व प्रभु ख्रीष्‍ट येशूं छन्‍त दया माया यानाः शान्‍ति बियादीमा।

२ तिमोथी 1:7

परमेश्‍वरं झीत भयया आत्‍मा मखु, बरु झीत शक्ति, माया व थःत कःघाये फइगु आत्‍मा बियादीगु दु।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

यहोशू 1:7

“बल्‍ला व तसकं साहसी जु! जिम्‍ह दास मोशां छन्‍त ब्‍यूगु फुक्‍क व्‍यवस्‍था बांलाक मानय् या। उकिं जवय् खवय् फस्‍वये मते! अले छ न्‍ह्याथाय् वंसां अन ताःलाइ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।