२ तिमोथी 1:9 - नेवाः बाइबल

⁹ थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

२ तिमोथी 1:9 Iomraidhean Croise

मत्ती 1:21

मरियमं काय् छम्‍ह बुइकी, अले छं व मचायागु नां येशू ति, छाय्‌धाःसा वय्‌कलं थः मनूतय्‌त इमिगु पापं छुतय् यानादी।”

लूका 10:21

अबलय् हे पवित्र आत्‍मां जायाः वय्‌कलं लय्‌तायाः धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल। धात्‍थें हे खः बाः, छितः थ्‍व हे भिं ताल।”

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 17:9

“छिं जितः बियादीपिनिगु निंतिं जिं प्रार्थना यानागु खः, छाय्‌धाःसा इपिं फुक्‍कं छिकपिनि हे खः। जिं संसारयागु निंतिं प्रार्थना मयाना।

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।

रोमी 11:14

थुकथं जिमि यहूदी दाजुकिजापिं मध्‍ये गुम्‍हं गुम्‍हय्‌सित बचय् यायेत जिं इमित नुगः मुइके बी।

रोमी 11:29

छाय्‌धाःसा वय्‌कलं ल्‍यय् धुंकूपिन्‍त त्‍वःतादी मखु, अले बियादी धुंकूगु वरदान लित कयादी मखु।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

रोमी 3:20

व्‍यवस्‍थाय् च्‍वयातःगु नियम पालन यानाः सुं हे मनू धर्मी जुइ फइ मखु। व्‍यवस्‍थां ला पाप छु खः धकाः क्‍यनाबी।

रोमी 9:11

अले निम्‍हं काय् बुइ न्‍ह्यः हे, अले भिंगु मभिंगु ज्‍याखँ मयाःनिबलय् हे थःत यःथें परमेश्‍वरं ल्‍ययादिल।

रोमी 9:24

थथे सःतेत ल्‍ययातःपिं झीपिं हे खः। यहूदीत जक मखु, यहूदीमखुपिन्‍त नं वय्‌कलं सःतादिल।

१ कोरिन्‍थी 1:18

परमेश्‍वरयात म्‍हमस्‍यूपिं मनूतय्‌त ला ख्रीष्‍ट क्रूसय् सिनादिल धयागु खँ मूर्ख खँ खः। झी बचय् यानातःपिन्‍त ला ख्रीष्‍ट क्रूसय् सिनादीगु खँ परमेश्‍वरयागु शक्ति खः।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

एफिसी 2:5

झीपिं सीपिं मनूत थें पापी जुया च्‍वंसां ख्रीष्‍टं झीगु पाप क्षमा यानादिल। परमेश्‍वरयागु तःधंगु दया मायां छिमित थथे मुक्ति बियादीगु खः।

एफिसी 3:11

परमेश्‍वरं न्‍हापांनिसें हे ग्‍वसाः ग्‍वयादीगु थ्‍व ज्‍या झी प्रभु ख्रीष्‍ट येशूपाखें पूवंकादिल।

फिलिप्‍पी 3:14

परमेश्‍वरं येशू ख्रीष्‍टपाखें सःताः बीत तयादीगु स्‍वर्गया सिरपाः कायेत जि निशानापाखे ब्‍बाँय् वने।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।