२ तिमोथी 1:6 - नेवाः बाइबल

⁶ अय्‌जूगुलिं जिं छन्‍त हानं लुमंका च्‍वना – जिं छंगु छेनय् ल्‍हाः तयाबलय् परमेश्‍वरं बियादीगु वरदानयात छं बांलाक छ्यला च्‍वँ।

२ तिमोथी 1:6 Iomraidhean Croise

प्रस्‍थान 35:26

अले मनदुपिं व ज्‍या सःपिं फुक्‍क मिस्‍तय्‌सं च्‍वलेचिया सँया तँय निल।

प्रस्‍थान 36:2

अले मोशां बजलेल, ओहोलीआब व परमप्रभुं खुबी बियादीपिं व ज्‍या यायेत मनदुपिं फुक्‍कसित सःतल।

यशैया 43:26

न्‍हापा छु जूगु खः व जितः लुमंकाब्‍यु, झीपिं थुपिं खँया बारे अदालतय् वनेनु, छ दोष मदुम्‍ह ठहरय् जुइत थःगु खँ ति।

लूका 19:13

वने न्‍ह्यः थः झिम्‍ह च्‍यःतय्‌त सःताः झिगू असर्फि बियाः धाल – ‘जि मवतले थ्‍व धिबां व्‍यापार याना च्‍वँ।’

प्रेरित 19:6

वं इमिगु छेनय् ल्‍हाः तयेवं इपिं पवित्र आत्‍मां जाल। अले इमिसं थीथी भाषां नवात वनापं अगमवाणी नं धाल।

प्रेरित 6:6

इमित प्रेरिततय्‌थाय् न्‍ह्यःने हल। अले इमिसं प्रार्थना यानाः इमिगु छेनय् ल्‍हाः तल।

१ थेसलोनिकी 5:19

पवित्र आत्‍मायागु इच्‍छायात त्‍यलेत स्‍वये मते।

१ तिमोथी 4:14

थकालिपिन्‍सं छन्‍त छेनय् ल्‍हाः तयाः न्‍हापां हे क्‍वःछिनातःगु वरदानयात सितिं छ्वये मते।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

२ तिमोथी 2:14

परमेश्‍वरया नामय् इमित थ्‍व खँय् ख्‍याच्‍वः ब्‍यु। म्‍वाःमदुगु खँय् ल्‍वाना जुइ मते, थुकिं इमित हे स्‍यंकी।

२ तिमोथी 4:2

परमेश्‍वरयागु वचन न्‍यंकि। भिंगु इलय् नं मभिंगु इलय् नं न्‍यंकि, न्‍ह्यागु जूसां सह यानाः मनूतय्‌त इमिगु दोष क्‍यनाः स्‍यनेकने या, ब्‍वःब्‍यु, अले साहस नं ब्‍यु।

हिब्रू 6:2

बप्‍तिस्‍मा कायेगु, छेनय् ल्‍हाः तयाः प्रार्थना यायेगु, सीपिं हानं म्‍वाना वइगु, अले दकलय् लिपा याइगु न्‍याययागु खँ जक झीसं लिसा लिसा कयाः स्‍यनाच्‍वने मजिल।

२ पत्रुस 1:12

अय्‌जूगुलिं थ्‍व खँ फुक्‍कं छिमिसं स्‍यू, अले छिमिसं विश्‍वास यानाच्‍वंगु सत्‍य खँय् छिपिं क्‍वात्तुक च्‍वनाच्‍वंगु दु धकाः स्‍यूसां जिं छिमित लुमंके बीत थ्‍व खँ च्‍वयाच्‍वनागु खः।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

यहूदा 1:5

परमेश्‍वरं इस्राएलीतय्‌त मिश्र देशं लिगना हयादिल। अय्‌नं लिपा वय्‌कःयात विश्‍वास मयाःपिं मनूतय्‌त नाश यानादिल। थ्‍व खँ छिमिसं बांलाक सि हे स्‍यू। अथेसां छिमित थ्‍व खँ लुमंकाबी मास्‍ति वल।