१ तिमोथी 4:2 - नेवाः बाइबल

² धर्मयागु ख्‍वाःपालं पुयाः मखुगु खँ ल्‍हाना जुइपिन्‍सं थथे याना जुइ। थुमिगु मतिइ मिइ छुयातःगु नँयागु नालुं पुकातये धुंकल।

१ तिमोथी 4:2 Iomraidhean Croise

१ राजा 13:18

बेथेलयाम्‍ह बुराम्‍ह अगमवक्तां धाल, “जि नं छि थें हे छम्‍ह अगमवक्ता खः। अले परमप्रभुया उजंपाखें छम्‍ह स्‍वर्गदूतं जितः थथे धाल, ‘वयात छेँय् यंकाः नकि त्‍वंकि।’” तर वं वलिसें मखुगु खँ ल्‍हाःगु खः।

१ राजा 22:22

“परमप्रभुं न्‍यनादिल, ‘गथे याना?’ “आत्‍मां लिसः बिल, ‘जि वनाः वया फुक्‍क अगमवक्तातय्‌गु म्‍हुतुइ मखुगु खँ ल्‍हाइगु आत्‍मा जुये।’ “परमप्रभुं धयादिल, वयात हेय्‌केत छ ताःलाइ। ‘हुँ, वनाः अथे हे या।’”

यशैया 9:15

थकालिपिं व हनेबहःपिं मनूत छ्यं खः, अले मखुगु खँ स्‍यनीपिं अगमवक्तात न्‍हिप्‍यं खः।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 23:26

मखुगु व थःगु हे मनया छलया अगमवाणी ल्‍हाइपिं थुपिं फताहा अगमवक्तातय्‌गु मनय् गुबलय् तक थ्‍व खँ दयाच्‍वनी?

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

यर्मिया 5:21

हे मूर्ख व बुद्धि मदुपिं मनूत, छिपिं मिखा दयाः नं मखंपिं, न्‍हाय्‌पं दयाः नं मताःपिं, थ्‍व खँ न्‍यँ!

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 7:15

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ।

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

एफिसी 4:19

इमिके लज्‍या धयागु तकं मदये धुंकल। अले मभिंगु लँय् जुयाः इपिं लाः लाः थे याना जुयाच्‍वंगु दु।

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

प्रकाश 16:14

अजू चायापुगु चिं यायेफुपिं भूत आत्‍मात थुपिं हे खः। दक्‍वसिबय् तःधंम्‍ह व शक्ति दुम्‍ह परमेश्‍वरयागु तःधंगु दिनय् ल्‍वायेत थुमिसं सारा संसारय् च्‍वंपिं जुजुपिन्‍त मुंका जुइ।