१ तिमोथी 3:2 - नेवाः बाइबल

² बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 3:2 Iomraidhean Croise

यशैया 56:10

इस्राएलया फुक्‍क पिवाःत कांपिं खः। इपिं फुक्‍कं ज्ञां मदुपिं खः। इपिं उइ मफुपिं खाखः खिचात थें खः। इपिं ग्‍वारातुली अले म्‍हगस खनी। इपिं द्येने जक मास्‍तिवय्‌काच्‍वनी।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

लूका 2:36

अबलय् अन हन्‍ना धाःम्‍ह अगमवादिनी मिसा छम्‍ह दु। व आशेर कुलयाम्‍ह फनुएल धाःम्‍ह मनूया म्‍ह्याय् खः। ब्‍याहा यानाः वया भाःतनाप न्‍हय्‌दँ तक जक ह्वने खन। आः ला व बुरी जुइ धुंकल।

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

१ तिमोथी 3:12

थथे ग्‍वाहालि याइम्‍ह नं छम्‍ह हे मिसालिसे ब्‍याहा याःम्‍ह जुइमाः। अले व नं थः मस्‍तय्‌त कजय् याये फुम्‍ह व छेँ कःघाये फुम्‍ह जुइमाः।

१ तिमोथी 3:8

ग्‍वाहालि याइपिं नं अथे हे भिंपिं व दुग्‍यंपिं जुइमाः। इपिं निता खँ मल्‍हाइपिं, अय्‌लाखं काय्‌का जुइ मखुपिं, अले धिबायागु लोभ मयाइपिं जुइमाः।

१ तिमोथी 4:3

थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

१ तिमोथी 5:22

हथाय् चायाः सुयातं छेनय् ल्‍हाः तयाः मण्‍डलीयागु ज्‍याय् तये मते, छाय्‌धाःसा व मनू मभिंम्‍ह जूसा वयागु पाप छन्‍त नं लाइ। थःत पापपाखें तापाक हे ति।

१ तिमोथी 5:9

छम्‍ह जक मिजंनाप ब्‍याहा याःम्‍ह, खुइदँ दये धुंकूम्‍ह भाःत मदय्‌ धुंकूपिं मिसायात

२ तिमोथी 2:24

प्रभुया च्‍यः जुयाः सुंनाप ल्‍वाः जुइ मज्‍यू, बरु फुक्‍कसितं माया याइम्‍ह, बांलाक स्‍यनेकने याये फुम्‍ह, न्‍ह्यागु खं सह याये फुम्‍ह,

तीतस 2:2

बुरातय्‌सं थातं च्‍वनेगु, हनेबहः जुइक सना जुइगु, थःत कःघाना च्‍वनेगु, विश्‍वास यानाच्‍वनेगु, माया यायेगु व न्‍ह्यागु खँय् नं सह यानाच्‍वनेगु यायेमाः धकाः स्‍यनेकने या।

हिब्रू 13:2

पाहां वःपिन्‍त दुकाय्‌त थाकुचाय् मते। थथे यानाः गुलिसिनं सि हे मस्‍युसे स्‍वर्गदूततय्‌त दुकाःगु दु।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

१ पत्रुस 4:9

पाहां वःपिं मनूतय्‌त छिमिसं दुनुगलंनिसें लसकुस या।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।