१ तिमोथी 2:3 - नेवाः बाइबल

³ झीत मुक्ति बियादीम्‍ह परमेश्‍वरयात थथे याइगु यः। अले थ्‍व भिंगु ज्‍या नं खः।

१ तिमोथी 2:3 Iomraidhean Croise

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

लूका 1:47

मुक्ति बीम्‍ह परमेश्‍वर खनाः जिगु मन तसकं लय्‌ताः,

रोमी 14:18

थुकथं ख्रीष्‍टयागु सेवा यानाजुइम्‍ह मनूयात परमेश्‍वरं स्‍याबास बियादी, अले वं थथे याना जूगु खनाः मनूतय्‌सं नं थ्‍व भिंम्‍ह मनू खः धकाः धाइ।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

१ तिमोथी 5:4

काय्‌म्‍ह्याय्‌पिं व छय्‌पिं दुम्‍ह भाःत मदय्‌ धुंकूपिं मिसातय्‌गु सुसाःकुसाः वया काय्‌म्‍ह्याय्‌पिं व छय्‌पिन्‍त हे याकेब्‍यु। इमिसं थःगु छेँय् निं धर्म याये सय्‌के ब्‍यु, अले मांबौयागु त्‍यासा पुले ब्‍यु, छाय्‌धाःसा परमेश्‍वर थज्‍याःगु ज्‍यां लय्‌तायादी।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

१ पत्रुस 2:20

मभिंगु ज्‍या यानाः सजाँय फये मालीबलय् सहः यात धाःसा थुकी तःधंगु खँ छु दु धकाः? तर छिमिसं भिंगु ज्‍या यानाः नं दुःखकष्‍ट फये मालीबलय् सहः यात धाःसा व परमेश्‍वरयात नालेबःह जुइ।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।