Zefania 1:3 - ŊMALƐ KRƆŊKRƆŊ LƐ

³ “Mibakpãtã gbɔmɔ kɛ kooloo hiɛ; mibakpãtã loofɔji kɛ ŋshɔŋ loi fɛɛ ahiɛ, mibakpãtã yiwalɔi ahiɛ; mibaplene gbɔmɛi yɛ shikpɔŋ lɛ nɔ, Mi, Yehowa, mikɛɛ.

Ṅmãle̱ Kroṅkroṅ Le̱

³ Makpãtã gbomo ke̱ kolo hĩe; makpãtã ṅwei lofõdši ke̱ ṅšo̱ṅlōi ahĩe, ke̱ *pãmpii ke̱ meifõdši fẽ, ni maplenẽ gbomei ke̱-adše̱ šikpoṅ le̱ no̱! Iehowa kē̱. *Mat. 13,41.

Zefania 1:3 Iomraidhean Croise

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yesaia 6:12

Yehowa aaakpala maŋbii lɛ kɛaatee shɔŋŋ, ni hei pii aaakamɔ shi efoji yɛ shikpɔŋ lɛ nɔ.

Yeremia 12:4

Mɛɛ beyinɔ nɔŋŋ po shikpɔŋ lɛ nɔ aaagbi, ni ŋa lɛ nɔ jwɛi aaaŋalã kɛyashi? Shikpɔŋ lɛ nɔ bii lɛ anifɔ̃ɔjianii ehã enɔ kooloi kɛ loofɔji fɛɛ etã; ejaakɛ amɛkɛɔ akɛ, “Enaŋ bɔ ni wɔnaagbee aaatamɔ.”

Yeremia 50:3

“Ejaakɛ maŋ ko efã ta kɛjɛ kooyigbɛ kɛmiiba ebatua Babilon, ni ebaahã Babilon atsɔ̃ amaŋfɔ̃ bɔ ni gbɔmɔ ni jio, kooloo ni jio, fɛɛ baajo foi ashi jɛi, ni nɔ ko nɔ ko ehiŋ jɛi.”

Yeremia 7:20

No hewɔ lɛ, mi, Yehowa, bɔ ni mikɛɔ nɛ, ‘Naa, mimli baafu, ni mimli baawo Sɔlemɔ we nɛɛ, gbɔmɛi kɛ kooloi kɛ ŋa nɔ tsei kɛ ŋmɔshi niyenii fɛɛ la. Mimlila lɛ naa baawa tamɔ la ni miitso, ni anyɛŋ agbe.’ ”

Yeremia 9:10

Kɛkɛ ni mikɛɛ akɛ, “Mawo yara mafo gɔji lɛ waa, ni maye ŋkɔmɔ yɛ ŋa nɔ kooloi aniyelihei lɛ ahewɔ, ejaakɛ jɛi fɛɛ eŋãla, ni mɔ ko tsɔ̃ɔɔ jɛi kɛhooo dɔŋŋ. Anuuu tsinai agbee yɛ jɛi; ni jwɛiaŋ loofɔji kɛ kooloi tete ejo foi kɛshi jɛi amɛtee.”

Ezekiel 44:12

Akɛni Levibii lɛ sɔmɔ Israelbii lɛ yɛ amɛwɔji lɛ anaa, ni no hã Israel we lɛ fee esha hewɔ lɛ, mi, Nuŋtsɔ Yehowa, mikã mihe kitã akɛ mibagbala amɛtoi.

Ezekiel 7:19

Amɛjwiɛtɛi lɛ amɛaashɛrɛ amɛshwie blohuiaŋ, ni amɛaabu amɛshika lɛ akɛ nɔ ko ni anyaŋeɔ. Amɛjwiɛtɛi kɛ amɛshika lɛ nyɛŋ amɛyiwala ahere yɛ Yehowa mlifu gbi lɛ nɔ. Nomɛi haŋ amɛtɔrɔ, ni ehaŋ amɛmusu ayimɔ obɔ̃bɔ̃, ejaakɛ amɛjwiɛtɛi kɛ shika lɛ etsɔ̃ pampi ehã amɛ.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Hosea 14:8

Israelbii kɛ wɔji naŋ nɔ ko feemɔ dɔŋŋ. Mibabo amɛsɔlemɔ toi. Mibatsɔ̃ tso ni eyi baa kpalaaa mahã amɛ, ni mibabaa amɛyi; nyɛjɔɔmɔi fɛɛ baajɛ mi midɛŋ.”

Hosea 4:3

Enɛ hewɔ lɛ, shikpɔŋ lɛ nɔ baagbi, ni enɔ nibii fɛɛ baagboi. Ŋaŋ kooloi kɛ loofɔji kɛ nuŋ loi tete baagboi.”

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Mateo 23:39

Ejaakɛ miikɛɛ nyɛ akɛ, kɛjɛ be nɛɛ nɔ kɛyaa nɛɛ nyɛnaŋ mi dɔŋŋ kɛyashi beyinɔ ni nyɛaakɛɛ akɛ, ‘Ajɔɔ mɔ ni baa yɛ Nuŋtsɔ lɛ gbɛi mli lɛ.’ ”

Kpojiemɔ 2:14

Shi kɛ̃lɛ mikɛ bo yɛ sane fioo yɛ ohe, no ji akɛ oyɛ mɛi yɛ jɛi ni hiɛ Bileam tsɔ̃ɔmɔ lɛ mli; Bileam ni tsɔ̃ɔ Balak akɛ etsɔ̃ Israelbii lɛ atsɔ̃ne ni amɛye wɔji afɔleshãanii ni amɛbɔ ajwamãŋ lɛ.