Kpojiemɔ 9:3 - ŊMALƐ KRƆŊKRƆŊ LƐ

³ Ni baalabii jɛ lasu lɛ mli kɛba shikpɔŋ lɛ nɔ; ni ahã amɛ hewalɛ tamɔ hewalɛ ni shikpɔŋ nɔ nyɔŋmɔŋkrakroi yɔɔ lɛ;

Ṅmãle̱ Kroṅkroṅ Le̱

³ Ni bālabii dše̱ lasũ le̱ mli ke̱-ba šikpoṅ le̱ no̱; ni ahãame̱ hewale̱ tamo̱ hewale̱ ni nyoṅmo̱ṅkrakroi yo̱ ye̱ šikpoṅ le̱ no̱ le̱;

Kpojiemɔ 9:3 Iomraidhean Croise

1 Maŋtsɛmɛi 12:11

Agbɛnɛ eyɛ mli akɛ mitsɛ hã nyɛtsu nii keketee moŋ nɛ, shi mi lɛ, mahã nyɛtsu nii keketee fe nakai. Mitsɛ kɛ kpelebii yi nyɛ, shi mi lɛ, mikɛ dade kpelebi baayi nyɛ!’ ”

2 Kronika 10:11

Mitsɛ tere nyɛ jatsu ni tsii; shi mibaŋmɛ jatsu lɛ nɔ, ni ebaatsii aahu fe mitsɛ nɔ lɛ. Ekɛ kpãa yi nyɛ, shi mi lɛ mikɛ kpelebi baagwao nyɛ.’ ”

2 Kronika 10:14

Maŋtsɛ Rehoboam ŋɔ oblahii lɛ aŋaawoo lɛ, ni ekɛɛ akɛ, “Mitsɛ tere nyɛ jatsu ni tsii, shi mijatsu lɛ baatsii aahu fe mitsɛ nɔ lɛ. Mitsɛ kɛ kpãa yi nyɛ; shi mi lɛ mikɛ kpelebi baagwao nyɛ.”

Yesaia 33:4

Aaaha nyɛnomŋɔɔnii tamɔ baalabii; ni abaake kɛba onɔ tamɔ otukpɛi.

Ezekiel 2:6

‘Ni bo, gbɔmɔ adesa, kaashe amɛ gbeyei, ni kaashe amɛwiemɔi lɛ hu gbeyei. Eyɛ mli akɛ oyɛ ŋmei kɛ kpitikpitii ateŋ, ni ota nyɔŋmɔŋkrakroi anɔ moŋ nɛ, shi kɛ̃lɛ, kaashe amɛdaaŋ wiemɔi gbeyei ni kaahã hiŋmɛi ni amɛkɛbaakwɛ bo lɛ miihao bo; ejaakɛ atuatselɔi amaŋ ni.

Yoel 1:4

Baalabii baha wɔŋmɔshinii; nɔ ni ku kome shwɛ lɛ, ku ni nyiɛ sɛɛ baye.

Yoel 2:25

Nii ni baalabii kɛ otukpɛi kɛ gɔgɔmii lɛ eye, yɛ afii ni amɛba lɛ mli lɛ, mato nyɛ najiaŋ. Mi mihã baalabii ta babaoo lɛ ba batua nyɛ.

Nahum 3:15

Bɔ fɛɛ bɔ ni fee lɛ nyɛbaanyɔnyɔɔ, kɛjeee yɛ la mli lɛ no lɛ yɛ ta mli. Abaaplene nyɛ tamɔ baalabii kpãtãa ŋmɔshinii ahiɛ. Nyɛhãa nyɛyi afaa tamɔ baalabii, nyɛyi afaa tamɔ otukpɛi.

Nahum 3:17

Nyɛlumɛi lɛ tamɔ agãi, ni nyɛtsɛmɛi lɛ tamɔ baalabii ni basɔ̃mɔɔ afabaŋi ahe gbi nɔ ni fɛi miiye. Kɛji hulu lɛ te shi pɛ amɛfliki kɛtee, ni aleee he ni amɛyaa.

Luka 10:19

Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko.

5 Mose 8:15

Lɛ ji mɔ ni kpala nyɛ kɛtsɔ̃ shiaŋa kpeteŋkple ni nɔ yɔɔ gbeyei lɛ nɔ lɛ, he ni onufui ni naa jaraa kɛ nyɔŋmɔŋkrakroi kɛ nu hɔmɔ yɔɔ lɛ. Lɛ ehã nu tue kɛjɛ tswɛrɛbo tɛsaa mli hã nyɛ, ni nyɛna nyɛnu;

Kpojiemɔ 9:5

Ni ahãaa amɛ hegbɛ akɛ amɛgbe amɛ, shi moŋ akɛ amɛpiŋ amɛ nyɔji enumɔ. Ni amɛnaajaramɔ tamɔ nyɔŋmɔŋkrakro naajaramɔ, kɛ etsɛ̃ mɔ lɛ.

Kpojiemɔ 9:7

Ni baalabii lɛ asubaŋ tamɔ okpɔŋɔi ni asaa ahã ta, ni nibii komɛi fimɔ amɛyitsei tamɔ shika akekrei, ni amɛhiɛiaŋ tamɔ gbɔmɛi ahiɛiaŋ;

Kojolɔi 7:12

Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.