Kpojiemɔ 8:3 - ŊMALƐ KRƆŊKRƆŊ LƐ

³ Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.

Ṅmãle̱ Kroṅkroṅ Le̱

³ Ni bo̱fo kroko ba ni ebadamo̱ afo̱lešãlate̱ le̱ he, ni ehĩe *šika tšofã-ke̱-ṅma šānõ, ni aṅõ tšofã-ke̱-ṅma babaō ahãle̱, koni eṅõ-fata kroṅkroṅbii le̱ fe aso̱lemo̱i le̱ ahe ye̱ šika afo̱lešãlate̱ le̱ ni mã maṅtše̱sẽi le̱ hĩe le̱ no̱. *5,8.

Kpojiemɔ 8:3 Iomraidhean Croise

1 Maŋtsɛmɛi 7:50

Akɛ shika ŋmiiŋmi fee kãi kɛ lalakãi kɛ likɔlikɔi kɛ lajee ŋɛsui; He Krɔŋkrɔŋ Fe Fɛɛ lɛ kɛ Sɔlemɔtsu lɛ naa shinai lɛ asɛɛ sai lɛ hu shika akɛfee.

Lalai 141:2

Hã mifaikpamɔ afee tamɔ tsofakɛŋma yɛ ohiɛ; ni miniji anɔholemɔ afee tamɔ gbɛkɛ afɔle!

2 Mose 40:26

Ekɛ shika tsofakɛŋmashãa latɛ lɛ ma Kpee Buu lɛ mli yɛ muhɔɔ lɛ kponɔgbɛ,

Yesaia 6:6

Kɛkɛ ni serafim lɛ ateŋ mɔ kome filiki kɛba miŋɔɔ. Ehiɛ ŋai ni miitso ni ekɛ abɛɛle yakɔ yɛ afɔleshãa latɛ lɛ nɔ.

Ezekiel 41:22

Ekwɔlɛ ji ninetalɔi etɛ̃, ni ekɛlɛ ji ninetalɔi enyɔ, kɛ elɛɛmɔ hu ninetalɔi enyɔ. Ekoji lɛ kɛ eshishi lɛ kɛ nɔ ni akɛha he lɛ tso akɛfee. Nuu lɛ kɛɛ mi akɛ, “Enɛ ji okplɔ̃ ni maa Yehowa hiɛ lɛ.”

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

4 Mose 4:11

“Shika afɔleshãa latɛ lɛ, amɛlɛɛ mama bluu lɛ mli amɛkɛha nɔ, koni amɛkɛ abotia wolo aha mama bluu lɛ hu nɔ; ni no sɛɛ lɛ akɛ tsei bloblobii ni akɛwoɔ latɛ lɛ ahɔlɔ amɛfɔji lɛ amli.

4 Mose 7:62

Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma

Luka 1:10

Ni tsofakɛŋmashãa be lɛ mli lɛ, maŋ muu lɛ fɛɛ miisɔle yɛ agbo lɛ naa.

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.

Kpojiemɔ 10:1

Ni mina bɔfo hewalɔ kroko jɛ ŋwɛi miikpeleke shi, ni eha atatu, ni kwaabuɛtɛ yɛ eyiteŋ, ni ehiɛ tamɔ hulu, ni enaji tamɔ la akulashiŋi.

Kpojiemɔ 14:18

Ni bɔfo kroko ni yɔɔ la nɔ hewalɛ je kpo kɛjɛ afɔleshãa latɛ lɛ mli, ni ebo etsɛ mɔ ni hiɛ nikpamɔ kakla ni naa ba lɛ kɛ gbee ni wa akɛ, “Okɛ okakla ni naa ba lɛ awo mli ni okpa shikpɔŋ lɛ nɔ waintso yibii lɛ ejaakɛ ewaintso yibii lɛ etsu!”

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 6:9

Ni be ni etse naasɔomɔ ni ji enumɔ lɛ, mina mɛi ni agbe yɛ Nyɔŋmɔ wiemɔ lɛ kɛ odase ni amɛye lɛ hewɔ lɛ asusumai yɛ afɔleshãa latɛ lɛ shishi.

Kpojiemɔ 7:2

Ni mina bɔfo kroko miikwɔ kɛmiijɛ hulu shiteehe kɛmiiba, ni ehiɛ Nyɔŋmɔ hiɛkãalɔ lɛ naasɔomɔnɔ, ni ebo kɛ gbee ni wa ekɛɛ bɔfoi ejwɛ lɛ ni ahã amɛ hegbɛ akɛ amɛfee shikpɔŋ lɛ kɛ ŋshɔ lɛ efɔŋ lɛ

Kpojiemɔ 8:4

Ni tsofakɛŋma lɛ lasu lɛ te shi yɛ Nyɔŋmɔ hiɛ kɛjɛ bɔfo lɛ dɛŋ, ni krɔŋkrɔŋbii lɛ asɔlemɔi lɛ fata he.

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.

Kpojiemɔ 9:13

Ni bɔfo ni ji ekpaa lɛ kpã etɛtrɛmantrɛ lɛ, ni minu gbee ko kɛjɛ shika afɔleshãa latɛ ni ma Nyɔŋmɔ hiɛ lɛ akloŋtoi ejwɛ lɛ mli