Kpojiemɔ 7:3 - ŊMALƐ KRƆŊKRƆŊ LƐ

³ akɛ, “Nyɛkafea shikpɔŋ lɛ loo ŋshɔ lɛ loo tsei lɛ efɔŋ ko kɛyashi beyinɔ ni wɔkɛ naasɔomɔnɔ aaakadi wɔNyɔŋmɔ lɛ tsuji lɛ ahiɛŋtsei anɔ dã.”

Ṅmãle̱ Kroṅkroṅ Le̱

³ ake̱: Nyekafea šikpoṅ le̱ lo ṅšo̱ le̱ lo tšei le̱ efõṅ ko ke̱-yaši beyino̱ ni *wo̱ke̱ nāso̱omo̱nõ aakadi wo̱-Nyoṅmo̱ le̱ tšũdši le̱ ahĩeṅtšei ano̱ dã. *Ezek. 9,4. 6.

Kpojiemɔ 7:3 Iomraidhean Croise

2 Mose 12:13

Lá lɛ aaatsɔ̃ shĩai amli ni nyɛyɔɔ lɛ ahe okadi. Kɛji mina lá lɛ pɛ mateke nyɛ, ni mikpataŋ nyɛhiɛ be ni matswia Ijipt gbɔmɛi kɛ kooloi nii lɛ.

2 Mose 12:23

Ejaakɛ Yehowa baaho koni eyatswia Ijiptbii nii. Kɛji ena lá lɛ yɛ shinaatsei enyɔ lɛ kɛ eyiteŋ nɔ lɛ he pɛ, Yehowa baateke nyɛshiai lɛ, ni eŋmɛŋ hiɛkpãtãlɔ lɛ gbɛ ni ebote nyɛshĩai lɛ amli koni ebatswia nyɛ nii.

Yesaia 27:8

Okɛ amɛ ye bɔ ni ja gbɛ kɛtsɔ̃ amɛnomŋɔɔ nɔ. Yehowa kɛ kɔɔyɔɔ ni naa wa lɛ loo amɛ kɛtee be ni bokã kɔɔyɔɔ lɛ tswa lɛ.

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Yesaia 6:13

Ni kɛji eshwɛ maŋbii lɛ amlijaa nyɔŋma mli ekome tete yɛ shikpɔŋ lɛ nɔ lɛ, aaaku sɛɛ akpãtã amɛhiɛ. Shi amɛaatsɔ tamɔ tso kpele ni atoo agbee shi ni eshwɛ ekuku yɛ su mli. Tso kuku nɛɛ lɛ dumɔ wu krɔŋkrɔŋ ni.”

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

Ezekiel 9:6

Nyɛgbea onukpai kɛ oblahii kɛ oblayei kɛ gbekɛbii kɛ yei blublu, shi mɔ fɛɛ mɔ ni akadi ehiɛnaa lɛ, lɛ lɛ nyɛkataa ehe. Nyɛjea shishi kɛjɛa mihe krɔŋkrɔŋ lɛ.” No hewɔ lɛ, amɛbɔi kɛjɛ onukpai lɛ ni yɔɔ Sɔlemɔ we lɛ hiɛ lɛ anɔ.

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 3:26

Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Daniel 6:16

No hewɔ lɛ, maŋtsɛ lɛ fã, ni atee ayaŋɔ Daniel kɛba, ni ashɛ lɛ afɔ̃ jatai abu lɛ mli. Maŋtsɛ lɛ kɛɛ Daniel akɛ, “ONyɔŋmɔ lɛ ni osɔmɔɔ anɔkwale mli lɛ; lɛ eeejie bo.”

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 3:33

Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ.

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Kpojiemɔ 13:16

Ni ehã akadiɔ mɛi fɛɛ, mɛi bibii kɛ mɛi wuji, niiatsɛmɛi kɛ ohiafoi, odehei kɛ nyɔji yɛ amɛninejurɔ loo amɛhiɛŋtsei anɔ.

Kpojiemɔ 13:17

Koni mɔ ko nyɛŋ ehe nii aloo ehɔ̃ɔ nii, akɛ ja mɔ ni yɔɔ naakpɛɛ okadi lɛ yɛ ehe, ni ji kooloo lɛ gbɛi loo yibɔ ni damɔ shi hã egbɛi lɛ.

Kpojiemɔ 14:1

Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha kɛ nyɔŋmai ejwɛ kɛ ejwɛ ni aŋma egbɛi kɛ eTsɛ gbɛi yɛ amɛhiɛŋtsei anɔ fata ehe.

Kpojiemɔ 14:9

Ni bɔfo kroko ni ji etɛ̃ nyiɛ amɛsɛɛ, ni ekɛ gbee wulu kɛɛ, “Kɛji mɔ ko ja kooloo lɛ kɛ emãgã lɛ, ni ehe ekadi lɛ yɛ ehiɛŋtso nɔ loo enine nɔ lɛ,

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Kpojiemɔ 22:4

ni amɛaana ehiɛ, ni egbɛi lɛ aaahi amɛhiɛŋtsei anɔ.

Kpojiemɔ 6:6

Ni minu gbee ko yɛ hiɛkãalɔi ejwɛ lɛ ateŋ miikɛɛ, “Ŋmaa susumɔnɔ kome denario, ni abele susumɔnii etɛ̃ denario; ni mu kɛ wain lɛ kaata he!”

Kpojiemɔ 7:1

Nii nɛɛ asɛɛ lɛ mina ŋwɛi bɔfoi ejwɛ damɔ shikpɔŋ koji ejwɛ lɛ anɔ, ni amɛhiɛ shikpɔŋ lɛ nɔ kɔɔyɔi ejwɛ lɛ amli, koni kɔɔyɔɔ ko akatswa yɛ shikpɔŋ lɛ nɔ loo ŋshɔ nɔ loo tso ko nɔ.

Kpojiemɔ 7:2

Ni mina bɔfo kroko miikwɔ kɛmiijɛ hulu shiteehe kɛmiiba, ni ehiɛ Nyɔŋmɔ hiɛkãalɔ lɛ naasɔomɔnɔ, ni ebo kɛ gbee ni wa ekɛɛ bɔfoi ejwɛ lɛ ni ahã amɛ hegbɛ akɛ amɛfee shikpɔŋ lɛ kɛ ŋshɔ lɛ efɔŋ lɛ

Kpojiemɔ 9:4

ni akɛɛ amɛ akɛ amɛkafee shikpɔŋ lɛ nɔ jwɛi loo baaŋmɔŋ loo tso ko efɔŋ ko, akɛ ja gbɔmɛi ni bɛ Nyɔŋmɔ naasɔomɔnɔ lɛ okadi yɛ amɛhiɛŋtsei anɔ lɛ kɛkɛ.