Kpojiemɔ 7:2 - ŊMALƐ KRƆŊKRƆŊ LƐ

² Ni mina bɔfo kroko miikwɔ kɛmiijɛ hulu shiteehe kɛmiiba, ni ehiɛ Nyɔŋmɔ hiɛkãalɔ lɛ naasɔomɔnɔ, ni ebo kɛ gbee ni wa ekɛɛ bɔfoi ejwɛ lɛ ni ahã amɛ hegbɛ akɛ amɛfee shikpɔŋ lɛ kɛ ŋshɔ lɛ efɔŋ lɛ

Ṅmãle̱ Kroṅkroṅ Le̱

² Ni mina bo̱fo kroko mīkwo̱ ke̱-mīdše̱ hũlũ šitēhe ke̱-mība, ni ehĩe Nyoṅmo̱ hĩekãlo̱ le̱ nāso̱omo̱nõ; ni eblo̱ ke̱ gbē wā ekē̱ bo̱foi edſe̱ le̱ ní ahãame̱ hegbe̱ ake̱ ame̱fe šikpoṅ le̱ ke̱ ṅšo̱ le̱ efõṅ le̱

Kpojiemɔ 7:2 Iomraidhean Croise

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

Salomo Lalai 8:6

Sɔomɔ minaa owo otsui mli tamɔ adikiɔ nine he lɛ. Okɛ yoo ko yoo ko akala, ja mi pɛ. Ejaakɛ suɔmɔ he wa tamɔ gbele; ni awuŋayeli hu yi wa tamɔ gbele. Ehereɔ tamɔ la, ni etsoɔ grigri.

Yesaia 41:2

Namɔ ji mɔ ni tee mɔ ko shi kɛjɛ bokãgbɛ, mɔ ni yeɔ kunim yɛ he fɛɛ he ni eyaa lɛ? Namɔ hãa eyeɔ maŋtsɛmɛi kɛ majimaji anɔ lɛ? Ekɛ eklante lɛ hãa amɛtsɔ̃ɔ tamɔ mlu, ni egãi lɛ gbɛɔ amɛ eshwãa tamɔ tutuu yɛ kɔɔyɔɔ hiɛ.

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

Maleaki 3:1

Yehowa, Taiatsɛ lɛ, kɛɛ akɛ, “Naa, miitsu mibɔfo lɛ kɛtsɔ̃ mihiɛ koni ebasaa gbɛ lɛ eto mi. Kɛkɛ lɛ Nuŋtsɔ ni nyɛtaoɔ lɛ lɛ baaba Sɔlemɔ we lɛ trukaa. Kpãŋmɔ Bɔfo lɛ ni nyɛshwe lɛ aahu lɛ aaashɛ shi.”

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Mateo 26:63

Shi Yesu etswaaa esɛŋ. Ni osɔfonukpa lɛ kɛɛ lɛ akɛ, “Mina Nyɔŋmɔ, hiɛkãalɔ lɛ, akɛ kɛji bo ji Kristo, Nyɔŋmɔ Bi lɛ, kɛɛmɔ wɔ!”

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

2 Korintobii 1:22

lɛ nɔŋŋ esɔo wɔnaa, ni ekɛ Mumɔ lɛ ehã wɔ akɛ yibaafoo nɔ yɛ wɔtsuii amli hu.

Efesobii 1:13

Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

5 Mose 5:26

Ejaakɛ mɛɛ gbɔmɔ adesa enu Nyɔŋmɔ hiɛkãalɔ lɛ gbee ni miiwie kɛjɛ la teŋ tamɔ wɔnu nɛɛ, ni eyi ena wala dã?

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Hebribii 12:22

Shi moŋ Zion Gɔŋ lɛ kɛ Nyɔŋmɔ hiɛkãalɔ lɛ maŋ; ŋwɛi Yerusalɛm lɛ, kɛ ŋwɛi bɔfoi akpeiakpei abɔ ahenaabuamɔ lɛ,

Kpojiemɔ 1:3

Ajɔɔ mɔ ni kaneɔ gbalɛ wiemɔi lɛ kɛ mɛi ni nuɔ lɛ, kɛ mɛi ni yeɔ nibii ni aŋma yɛ mli lɛ anɔ lɛ; ejaakɛ be lɛ eshɛ etã.

Kpojiemɔ 10:1

Ni mina bɔfo hewalɔ kroko jɛ ŋwɛi miikpeleke shi, ni eha atatu, ni kwaabuɛtɛ yɛ eyiteŋ, ni ehiɛ tamɔ hulu, ni enaji tamɔ la akulashiŋi.

Kpojiemɔ 10:4

Ni be ni nyɔŋmɔ shiimɔi kpawo lɛ wo amɛgbei lɛ, kulɛ miiŋma; ni minu gbee ko jɛ ŋwɛi miikɛɛ akɛ, “Sɔomɔ nii ni nyɔŋmɔshiimɔi kpawo lɛ wie lɛ anaa oto, ni oka ŋma.”

Kpojiemɔ 16:12

Ni bɔfo ni ji ekpaa lɛ fɔse etɔ lɛ mli nii lɛ ewo Eufrate Faa agbo lɛ mli. Ni emli nu lɛ gbi, koni akɛsaa gbɛ ahã maŋtsɛmɛi ni jɛ hulu shiteehe lɛ.

Kpojiemɔ 5:2

Ni mina bɔfo hewalɔ ko miishiɛ kɛ gbee wulu akɛ, “Namɔ ji mɔ ni sa akɛ egbele wolo lɛ naa ni etserɛ enaasɔomɔi lɛ?”

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.

Kpojiemɔ 9:14

ni miikɛɛ bɔfo ni ji ekpaa lɛ ni hiɛ tɛtɛrɛmantɛrɛ lɛ akɛ, “Fɛnemɔ bɔfoi ejwɛ lɛ ni afimɔ amɛ yɛ Eufrate Faa kpeteŋkple lɛ naa lɛ!”

Kpojiemɔ 9:4

ni akɛɛ amɛ akɛ amɛkafee shikpɔŋ lɛ nɔ jwɛi loo baaŋmɔŋ loo tso ko efɔŋ ko, akɛ ja gbɔmɛi ni bɛ Nyɔŋmɔ naasɔomɔnɔ lɛ okadi yɛ amɛhiɛŋtsei anɔ lɛ kɛkɛ.

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.