Kpojiemɔ 3:9 - ŊMALƐ KRƆŊKRƆŊ LƐ

⁹ Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.

Ṅmãle̱ Kroṅkroṅ Le̱

⁹ Na, mike̱ meikomei ni dše̱ satan kpēhe le̱ ni kē̱o̱ ake̱ *Iudafoi dšiame̱ ši ebe̱ mli ši malemo̱ moṅ ame̱maleo̱ le̱ mīhã; na, mahã †ameba ni ameba koto onãdši anā, ní ame̱le ake̱ mi le̱ mīsumo̱o. *2,9. †Ies. 60,14; 49,23.

Kpojiemɔ 3:9 Iomraidhean Croise

Ester 8:17

Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

2 Mose 11:8

Nakai be lɛ otsuji fɛɛ aaakpeleke shi aaaba miŋɔɔ, ni amɛaabakoto mi amɛkɛɛ, Jee biɛ ni oya, bo kɛ maŋ lɛ fɛɛ ni yɔɔ oshishi lɛ, ni no sɛɛ lɛ matee.’ ”

Yesaia 43:4

Akɛni ojara wa ha mi, ni ohiɛ yɛ nyam, ni misumɔɔ osane hewɔ lɛ, maŋɔ gbɔmɛi maha yɛ onajiaŋ ni maŋɔ majimaji maha kɛtsake bo.

Yesaia 45:14

Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 60:14

Mɛi ni wa bo yi lɛ abii lɛ hu aaaba abakoto bo; ni mɛi fɛɛ ni gbe ohe guɔ aaaba abakula onaji anaa. Amɛaatsɛ bo ‘Yehowa maŋ wulu,’ ‘Israel Mɔ Krɔŋkrɔŋ lɛ Zion lɛ.’

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

1 Samuel 2:36

Ni mɔ fɛɛ mɔ ni mahã ashwɛ yɛ owe lɛ aaaba abakoto gbɔmɔ nɛɛ koni ebaba edɛŋ jwiɛtɛi loo aboloo akwaabɔ, ni ekɛɛ lɛ akɛ, ‘Miikpa bo fai ni ohã mi osɔfo nitsumɔ lɛ mli nii lɛ eko matsu bɔ ni afee ni mana midaaŋ ŋmaa kɛkɛ.’ ”