Kpojiemɔ 3:1 - ŊMALƐ KRƆŊKRƆŊ LƐ

¹ “Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Ṅmãle̱ Kroṅkroṅ Le̱

¹ Ni Sarde asafo le̱ bo̱fo le̱, ṅmã oya-hãle̱ ake̱: Nii ní *moni yo̱ Nyoṅmo̱ mumo̱i kpawo le̱ ke̱ †ṅulamii kpawo le̱ kē̱ ne̱: Mile onitšumo̱i le̱ ake̱ ohĩe gbei ake̱ ohĩe kã, ši ogbo. *5,6. †1,16.

Kpojiemɔ 3:1 Iomraidhean Croise

Luka 15:24

ejaakɛ mibi nɛɛ gbo, ni ehiɛ etsɛ̃ ekoŋŋ; elaaje, ni ana lɛ.’ Ni amɛbɔ̃i nyamɔ.

Luka 15:32

shi esa akɛ wɔnya ni wɔmii ashɛ wɔhe, ejaakɛ onyɛmi nɛɛ gbo, ni ehiɛ etsɛ̃ ekoŋŋ, elaaje, ni ana lɛ.’ ”

Yohane 1:16

Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Yohane 1:33

Ni mi lɛ mileee lɛ, shi mɔ ni tsu mi akɛ mibaptisi yɛ nu mli lɛ, lɛ nɔŋŋ ekɛɛ mi akɛ, ‘Mɔ nɔ ni ooona akɛ Mumɔ lɛ yiɔ ni ehiɔ enɔ lɛ, lɛ ji mɔ ni baptisiɔ yɛ Mumɔ Krɔŋkrɔŋ mli lɛ.’

Yohane 20:22

Ni be ni ekɛɛ nakai lɛ, emu eshwie amɛnɔ, ni ekɛɛ amɛ akɛ, “Nyɛhea Mumɔ Krɔŋkrɔŋ lɛ!

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Efesobii 2:1

Nyɛ hu kulɛ gbohii ji nyɛ yɛ nyɛ nɔtɔmɔi kɛ nyɛhe eshai lɛ amli.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Kolosebii 2:13

Ni nyɛ ni nyɛ ji gbohii yɛ nyɛnɔtɔ̃mɔi lɛ kɛ nyɛheloofoo lɛ mli lɛ, ehã nyɛ kɛ lɛ fɛɛ wala, ni ekɛ nyɛnɔtɔ̃mɔi lɛ fɛɛ efa nyɛ.

1 Timoteo 5:6

Shi yoo okulafo ni bɔɔ ahoshwi lɛ, ehiɛ kã nɛ, shi egbo.

Yakobo 2:26

Ejaakɛ tamɔ bɔ ni gbɔmɔtso ni mumɔ bɛ mli lɛ ji gbonyo lɛ, nakai nɔŋŋ hemɔkɛyeli ni nitsumɔi bɛ he lɛ hu ji hemɔkɛyeli ni egbo.

1 Petro 1:11

Ni amɛsaa amɛtao amɛna be lɛ ni Kristo Mumɔ ni yɔɔ amɛmli lɛ tsɔ̃ɔ lɛ, be mli ni eyeɔ amanehului ni baaba Kristo nɔ kɛ anunyam ni baaba yɛ nomɛi asɛɛ lɛ ahe odase etoɔ lɛ, kɛ bɔ ni nakai be lɛ yɔɔ.

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:16

Ehiɛ ŋulamii kpawo yɛ eninejurɔ, ni tsi kɛ enaa nta ni naa ba jɛ edaaŋ, ni ehiɛ tamɔ hulu ni miitso kɛ ehewalɛ fɛɛ.

Kpojiemɔ 1:20

Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 2:19

Mile onitsumɔi lɛ kɛ osuɔmɔ lɛ kɛ ohemɔkɛyeli lɛ kɛ osɔ̃ɔmɔ lɛ kɛ ohiɛmiamɔ lɛ, ni mile onitsumɔi lɛ akɛ sɛɛkpee nii lɛ fe tsutsunii lɛ tete.

Kpojiemɔ 2:2

Mile onitsumɔi lɛ kɛ odeŋmegbomɔ lɛ kɛ ohiɛmiamɔ lɛ, kɛ bɔ ni okpɛ̃lɛɛɛ mɛi fɔ̃ji lɛ; mile akɛ oka mɛi ni kɛɔ akɛ bɔfoi ji amɛ shi amɛjeee bɔfoi lɛ ni ona akɛ amalelɔi ji amɛ.

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 3:15

Mile onitsumɔi lɛ; mile akɛ obɛ ŋanii ni obɛ klakla hu. Mina ni kulɛ ofee ŋanii loo ofee klakla!

Kpojiemɔ 3:2

Ohiɛ atsɛ̃, ni owaje nii ni eshwɛ ni heɔ agboi lɛ. Ejaakɛ minako onitsumɔi lɛ akɛ amɛye emuu yɛ miNyɔŋmɔ lɛ hiɛ.

Kpojiemɔ 3:8

Mile onitsumɔi lɛ; naa, mikɛ shinaa ni agbele ema ohiɛ ni mɔ ko nyɛŋ aŋa; ejaakɛ hewalɛ fioo oyɔɔ shi oye miwiemɔ lɛ nɔ, ni okwako migbɛi lɛ.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.