Kpojiemɔ 2:2 - ŊMALƐ KRƆŊKRƆŊ LƐ

² Mile onitsumɔi lɛ kɛ odeŋmegbomɔ lɛ kɛ ohiɛmiamɔ lɛ, kɛ bɔ ni okpɛ̃lɛɛɛ mɛi fɔ̃ji lɛ; mile akɛ oka mɛi ni kɛɔ akɛ bɔfoi ji amɛ shi amɛjeee bɔfoi lɛ ni ona akɛ amalelɔi ji amɛ.

Ṅmãle̱ Kroṅkroṅ Le̱

² *Mile onitšumo̱i le̱ ke̱ odeṅmegbomo̱ le̱ ke̱ otšuišiṅmē̃ le̱, ke̱ bo̱ni okplẽẽ meifõdši le̱, ni †oka mei ni kē̱o̱ ake̱ bo̱foi dšiame̱ ni ame̱dšee le̱, ni ona ake̱ amalelo̱i dšiame̱, *K. 9. 13. 19; 3,1. 8. 15. †1 Ioh. 4,1.

Kpojiemɔ 2:2 Iomraidhean Croise

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Mateo 7:23

Ni no lɛ magba mli makɛɛ amɛ akɛ, ‘Mileee nyɛ kwraa, nyɛjea minɔ nyɛyaa, nyɛ mɛi ni nyɛtsuɔ nibii ni ejaaa gbɛ!’ ”

Yohane 6:6

Shi enɛ lɛ ekɛɛ ekɛka lɛ, ejaakɛ lɛ diɛŋtsɛ ele nɔ ni ebaafee.

Galatabii 1:7

shi jeee Sanekpakpa kroko ni, fe akɛ mɛi komɛi ni yɔɔ ni hãa nyɛjwɛŋmɔ futuɔ, ni amɛtaoɔ akɛ amɛtsɔ̃ Kristo Sanekpakpa lɛ hiɛ amɛbu shi.

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

1 Tesalonikabii 1:3

Ni wɔkaiɔ nyɛhemɔkɛyeli nitsumɔ lɛ kɛ nyɛsuɔmɔ mɔdɛŋbɔɔ lɛ kɛ nyɛhiɛ ni kã wɔNuŋtsɔ Yesu Kristo nɔ lɛ mli hiɛmiamɔ lɛ yɛ Nyɔŋmɔ ni ji wɔTsɛ lɛ hiɛ.

1 Tesalonikabii 5:21

Nyɛkaa nii fiaa nyɛkwɛa, ni nɔ ni hi lɛ nyɛmɔa no mli.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

Kpojiemɔ 2:5

No hewɔ lɛ, kaimɔ he ni ojɛ ogbee shi lɛ, ni otsake otsui, ni otsu tsutsu nitsumɔi lɛ. Shi kɛ jeee nakai lɛ, maba onɔ oya ni matsi okanetso lɛ kɛaajɛ egbɛhe lɛ, belɛ ja oshwa ohe.

Kpojiemɔ 2:6

Shi kɛ̃lɛ oyɛ nɔ ko, ni no ji akɛ onyɛɔ Nikolaimɛi lɛ anitsumɔi lɛ ni mi hu minyɛɔ lɛ.

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Kpojiemɔ 3:15

Mile onitsumɔi lɛ; mile akɛ obɛ ŋanii ni obɛ klakla hu. Mina ni kulɛ ofee ŋanii loo ofee klakla!

Kpojiemɔ 3:8

Mile onitsumɔi lɛ; naa, mikɛ shinaa ni agbele ema ohiɛ ni mɔ ko nyɛŋ aŋa; ejaakɛ hewalɛ fioo oyɔɔ shi oye miwiemɔ lɛ nɔ, ni okwako migbɛi lɛ.