Kpojiemɔ 2:1 - ŊMALƐ KRƆŊKRƆŊ LƐ

¹ “Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Ṅmãle̱ Kroṅkroṅ Le̱

¹ Efeso asafo le̱ bo̱fo le̱, ṅmã oyahãle̱ ake̱: Nii ní moni *hĩe ṅulamii kpawo le̱ ye̱ eninedšŭrõ ní enyieo̱ šikakanetšei kpawo le̱ ateṅ le̱ kē̱ ne̱: *1,13. 16. 20.

Kpojiemɔ 2:1 Iomraidhean Croise

Ezekiel 46:10

Kɛji maŋbii lɛ miibote mli lɛ, lumɔ lɛ kɛ amɛ abote mli; ni kɛ amɛmiije kpo hu, ekɛ amɛ aje kpo.

Mateo 18:20

Ejaakɛ he ni mɛi enyɔ loo mɛi etɛ̃ ebua amɛhe naa yɛ, yɛ migbɛi mli lɛ, miyɛ amɛteŋ yɛ jɛi.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Yohane 5:35

Yohane ji kane ni tsoɔ ni ekpɛɔ lɛ, shi nyɛ lɛ, nyɛsumɔ akɛ nyɛmli afili nyɛ be kukuoo kɛkɛ yɛ elá lɛ mli.

Bɔfoi 18:19

Ni amɛba Efeso, ni ekɛ amɛ gbala mli yɛ jɛi. Ni etee kpeehe lɛ, ni ekɛ Yudafoi lɛ yayiyii.

Bɔfoi 18:21

shi moŋ ekɛ amɛ ye shɛɛ ekɛɛ, “Kɛji Nyɔŋmɔ miisumɔ lɛ, maku misɛɛ maba nyɛŋɔɔ ekoŋŋ.” Ni efã kɛjɛ Efeso.

Bɔfoi 19:1

Be ni Apolo yɔɔ Korinto lɛ, Paulo yakpa gɔŋ nɔ maji lɛ anɔ kɛbaje Efeso. Ni ebana kaselɔi komɛi,

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

Kpojiemɔ 1:16

Ehiɛ ŋulamii kpawo yɛ eninejurɔ, ni tsi kɛ enaa nta ni naa ba jɛ edaaŋ, ni ehiɛ tamɔ hulu ni miitso kɛ ehewalɛ fɛɛ.

Kpojiemɔ 1:20

Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Kpojiemɔ 12:1

Ni ana naakpɛɛ okadi kpeteŋkple ko yɛ ŋwɛi: yoo ko ni hulu ha ehe, ni nyɔɔŋtsere yɛ enajiaŋshi, ni ŋulamii nyɔŋma kɛ enyɔ akekre fi eyitso.

Kpojiemɔ 2:12

“Ni Pergamo asafo lɛ bɔfo lɛ; ŋmaa oyahã lɛ akɛ, Nii ni mɔ ni hiɛ tsi kɛ enaa nta ni naa ba lɛ kɛɛ nɛ:

Kpojiemɔ 2:18

“Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.

Kpojiemɔ 2:8

“Ni Smirna asafo lɛ bɔfo lɛ; ŋmaa oyahã lɛ akɛ, ‘Nii ni klɛŋklɛŋ mɔ lɛ kɛ naagbee mɔ lɛ, mɔ ni gbo ni ehiɛ kã ekoŋŋ lɛ kɛɛ nɛ:

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,