Kpojiemɔ 10:3 - ŊMALƐ KRƆŊKRƆŊ LƐ

³ Ni ebo kɛ gbee ni wa, tamɔ jata huuɔ; ni be ni eboɔ lɛ, nyɔŋmɔshiimɔi kpawo lɛ wo amɛgbei.

Ṅmãle̱ Kroṅkroṅ Le̱

³ Ni ebo ke̱ gbē wā, *take̱ dšata hū̃o̱; ni beni eboo̱ le̱, nyoṅmo̱simo̱i kpawo le wo ame̱gbēi. *Ier. 25,30. Hos. 11,10. Amos 1,2.

Kpojiemɔ 10:3 Iomraidhean Croise

Lalai 29:3

Anuɔ Yehowa gbee yɛ ŋshɔ nɔ. Anunyam Nyɔŋmɔ lɛ miishi; Yehowa yɛ ŋshɔi wuji anɔ tete.

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Yesaia 31:4

Ejaakɛ bɔ ni Yehowa kɛɛ mi nɛ, “Bɔ ni kɛji jata loo jatabi miihũu yɛ emilɛ loo he, ni atsɛ tookwɛlɔi asafo tete awo ehe, ni amɛbolɔmɔ wooo ehe gbeyei, ni ebuuu hoo ni amɛaafee lɛ tete lɛ, nakai Yehowa, Taiatsɛ lɛ, aaaba abawu yɛ Zion Gɔŋ kɛ ehewɔ gɔŋkpɔi lɛ anɔ.

Yesaia 42:13

Yehowa efã tamɔ tabilɔ; etee emlifu shi tamɔ kãkãlɔ. Eebo waa; eebɔ oshe! Eetsɔ̃ɔ ehenyɛlɔi lɛ ehewalɛ.

Yesaia 5:29

Amɛhuuɔ tamɔ jata, amɛhuuɔ tamɔ jata oblahii pɛ; amɛshiɔ amɛsɛŋ ni amɛyeɔ kooloo ni amɛgbɔbiɔ lɛ nɔ, ni amɛmɔɔ lɛ kɛyaa, ni mɔ ko nyɛɛɛ kooloo ni amɛmɔ lɛ yiwala ahere.

Yeremia 25:30

“No hewɔ lɛ, bo Yeremia, gbaa nɛkɛ gbalɛ nɛɛ oshi gbɔmɛi nɛɛ. Okɛɛ amɛ akɛ, ‘Yehowa aaajɛ ŋwɛi ehũu, ni ebaawo egbee kɛaajɛ eshihilɛhe krɔŋkrɔŋ lɛ. Eeehũu waa ewo ewebii lɛ ni eeebolɔ tamɔ wainŋalɔi, eeehũu ewo shikpɔŋ lɛ nɔ bii fɛɛ.

Ezekiel 10:5

Anu adebɔɔ nibii lɛ afijiaŋ gbɛɛmɔ lɛ yɛ kpo nɔ gbɛ kpo lɛ nɔ tɔ̃ɔ. Ni gbɛɛmɔ lɛ tamɔ Nyɔŋmɔ Ofe lɛ gbee kɛji eewie lɛ.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Amos 1:2

Amos kɛɛ akɛ, “Yehowa miihũu tamɔ jata yɛ Zion Gɔŋ lɛ nɔ, ni egbee miishi yɛ Yerusalɛm. Shikpɔji lɛ anɔ jwɛi fɔ aaaŋala, ni Karmel Gɔŋ lɛ yiteŋ aaagbi.”

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Kpojiemɔ 14:2

Ni minu gbee ko kɛjɛ ŋwɛi tamɔ nui pii agbɛɛmɔ, ni asaŋ etamɔ nyɔŋmɔshimɔ kpeteŋkple gbɛɛmɔ; ni gbee ni minu lɛ tamɔ saŋkutswalɔi ni miitswa amɛsaŋkui agbee.

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.