Kpojiemɔ 1:8 - ŊMALƐ KRƆŊKRƆŊ LƐ

⁸ “Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Ṅmãle̱ Kroṅkroṅ Le̱

⁸ Midsi Alfa le̱ ke̱ Omega le̱, štšidšē le̱ ke̱ nāgbē le̱, Nuṅtšo̱ Nyoṅmo̱ le̱ ní dši moni yo̱ le̱ ke̱ moni ye̱ le̱ ke̱ moni baba le̱, (ní dši) Ofe le̱ ke̱. Ies. 41,4. Kpods. 1,4; 4,3; 21,6.

Kpojiemɔ 1:8 Iomraidhean Croise

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 35:11

Nyɔŋmɔ kɛɛ lɛ akɛ, “Mi ji Nyɔŋmɔ Ofe lɛ; fɔ ni oyi afa. Maŋ kɛ maji babaoo aaajɛ omli, ni maŋtsɛmɛi hu aaajɛ omli.

1 Mose 43:14

Aba mli akɛ Nyɔŋmɔ Ofe lɛ ahã nuu lɛ musuŋ atsɔ̃ lɛ yɛ nyɛhe, koni eŋmɛɛ nyɛnyɛmi mɔ kome lɛ kɛ Benyamin he ehã nyɛ. Shi mi lɛ, kɛji aaakpakpaa mibii lɛ fɛɛ yɛ mihe jiŋŋ, efeee nɔ ko.”

1 Mose 48:3

Yakob kɛɛ Yosef akɛ, “Nyɔŋmɔ Ofe lɛ jie ehe kpo etsɔ̃ɔ mi yɛ Luz yɛ Kanaan shikpɔŋ lɛ nɔ, ni ejɔɔ mi ni ekɛɛ mi akɛ,

1 Mose 49:25

Otsɛ Yakob Nyɔŋmɔ lɛ ji mɔ ni aaaye abua bo. Nyɔŋmɔ Ofe lɛ baajɔɔ bo. Lɛ eeejɔɔ bo kɛ jɔɔmɔi ni jɛ ŋwɛi kɛ jɔɔmɔi ni jɛ shikpɔŋ lɛ shishi nui lɛ amli. Eeejɔɔ bo kɛ fufɔ ni kɔ̃ɔ, eeejɔɔ bo kɛ fɔmɔnii kpakpa.

2 Mose 3:14

Ni Nyɔŋmɔ kɛɛ Mose akɛ, “Mi ji mɔ ni mi ji. Kɛɛmɔ Israelbii lɛ akɛ, ‘Mi ji mɔ ni mi ji tsu mi nyɛŋɔɔ nɛɛ.’ ”

2 Mose 6:3

mi mijie mihe kpo mitsɔ̃ɔ Abraham kɛ Isak kɛ Yakob akɛ Nyɔŋmɔ Ofe lɛ. Shi migbɛi Yehowa lɛ, mihãaa akɛ no ale mi.

Yesaia 41:4

Namɔ tsu enɛ, ni namɔ fee enɛ? Namɔ tsɛɔ yinɔbii kɛjɛɔ jeŋ shishitoohe tɔ̃ɔ? Mi, Yehowa, mi ji klɛŋklɛŋ mɔ; ni mi, Yehowa, mi kɛ naagbee mɔ aaafee naagbelɔ.

Yesaia 43:10

Yehowa kɛɛ akɛ, “Israelbii, nyɛ ji midasefoi, mɛi ni miŋɔ akɛ mitsuji koni nyɛle mi ni nyɛhe mi nyɛye, ni nyɛnu shishi akɛ, mi, mi koome ji Nyɔŋmɔ. Mi, misɛɛ lɛ, Nyɔŋmɔ ko Nyɔŋmɔ ko bɛ; eko bako dã ni ekoeko baŋ hu.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Yesaia 48:12

“Ao, Yakob, bo mi toi; Israel, bo mɔ ni mitsɛ, bo mi toi. Mi ni, mi ji klɛŋklɛŋ mɔ, ni mi nɔŋŋ ji naagbee mɔ lɛ!

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

4 Mose 24:4

mɔ ni nuɔ nɔ ni Nyɔŋmɔ kɛɔ ni enaa ninaa ni Ofe lɛ jieɔ etsɔ̃ɔ lɛ, mɔ ni buɔ shi, shi enaa nii lɛ.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”

Kpojiemɔ 2:8

“Ni Smirna asafo lɛ bɔfo lɛ; ŋmaa oyahã lɛ akɛ, ‘Nii ni klɛŋklɛŋ mɔ lɛ kɛ naagbee mɔ lɛ, mɔ ni gbo ni ehiɛ kã ekoŋŋ lɛ kɛɛ nɛ:

Kpojiemɔ 21:22

Ni minaaa Sɔlemɔtsu yɛ mli, ejaakɛ Nuŋtsɔ Nyɔŋmɔ Ofe lɛ kɛ Toobi lɛ ji eSɔlemɔtsu.

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:13

Mi ji Alfa lɛ kɛ Omega lɛ, shishijee lɛ kɛ naagbee lɛ, klɛŋklɛŋ mɔ lɛ kɛ naagbee mɔ lɛ.”

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”