Kpojiemɔ 1:12 - ŊMALƐ KRƆŊKRƆŊ LƐ

¹² Ni mitsɔ̃ mihe koni makwɛ mɔ gbee ni kɛ mi wieɔ lɛ. Ni be ni mitsɔ̃ mihe lɛ, mina shika kanetsei kpawo,

Ṅmãle̱ Kroṅkroṅ Le̱

¹² Ni mitšṍ mihe koni makwe̱ gbē le̱ ní ke̱mi wieo̱ le̱. Ni beni mitšṍ mihe le̱, mina *šikakanetšei kpawo, *K. 20.

Kpojiemɔ 1:12 Iomraidhean Croise

2 Mose 25:37

Ofee kanei kpawo omamɔ kanetso lɛ nɔ, koni kɛji asu lɛ amɛkpɛ kɛya hiɛgbɛ.

2 Mose 37:23

Ekɛ shika ŋmiiŋmi nɔŋŋ fee kanetso lɛ he kanei kpawo lɛ kɛ ehe abɛɛlei lɛ kɛ ehe lagbee nii lɛ kɛ kanetso lɛ he aklotɛi bibii lɛ fɛɛ.

Mika 6:9

Ehi akɛ ashe Yehowa gbeyei. Eeetsɛ maŋ lɛ ekɛɛ, “Nyɛboa toi, nyɛ mɛi ni nyɛbuaa nyɛhe naa kɛkpeɔ yɛ maŋ lɛ mli!

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Kpojiemɔ 1:13

kɛ mɔ ko yɛ kanetsei lɛ ateŋ ni tamɔ Gbɔmɔ Bi, ni ewo atade yuu ni ekɛ shika kpãa efi etsitsi.

Kpojiemɔ 1:19

No hewɔ lɛ, ŋmaa nii ni ona lɛ kɛ nii ni yɔɔ kɛ nii ni baaba yɛ nii nɛɛ asɛɛ lɛ.

Kpojiemɔ 1:20

Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”