Nehemia 9:8 - ŊMALƐ KRƆŊKRƆŊ LƐ

⁸ Ona akɛ eyeɔ bo anɔkwa, ni okɛ lɛ kpãŋ akɛ okɛ Kanaanbii kɛ Hitbii kɛ Amorbii lɛ kɛ Perizbii kɛ Yebusbii kɛ Girgashbii ashikpɔŋ lɛ baahã eshwiei lɛ; ni oye oshiwoo lɛ nɔ, ejaakɛ jalɔ ji bo.

Ṅmãle̱ Kroṅkroṅ Le̱

⁸ Ni ona ake̱ etšui ye̱ ano̱kwa ye̱ ohĩe, ni oke̱le̱ kpãṅ ake̱ oke̱ Kanaanbii le̱ ke̱ Hitbii le̱ ke̱ Amorbii le̱ ke̱ Perizbii le̱ ke̱ Iebusbii le̱ ke̱ Girgašbii le̱ ašikpoṅ le̱ aahã esešibii le̱; ni oye owiemo̱ le̱ no̱, edšake̱ dšalo̱ dšio. 1 Mose 15,18-21.

Nehemia 9:8 Iomraidhean Croise

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 15:6

Abram kɛ ehiɛ fɔ̃ Yehowa nɔ, ni no hewɔ lɛ, Yehowa na ehe tsuijurɔ.

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

2 Samuel 22:31

Nyɔŋmɔ lɛ, shwamɔ ko bɛ enifeemɔ he; ni ewooo shi ni efee yaka. Etsɔ̃ɔ tamɔ tsɛŋ ehãa mɛi fɛɛ ni baa lɛ abo lɛ.

1 Kronika 1:14

Kanaan nɔŋŋ shwiei ji Yebusbii lɛ kɛ Amorbii lɛ kɛ Girgashbii lɛ,

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Lalai 116:5

Durolɔ kɛ jalɔ ji Yehowa; wɔNyɔŋmɔ lɛ mɔbɔnalɔ ni.

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Ezekiel 33:24

“Gbɔmɔ Adesa, maŋbii ni yɔɔ Israel shikpɔŋ lɛ nɔ amaŋfɔ̃i lɛ amli lɛ kɛɔ akɛ, ‘Abraham lɛ, gbɔmɔ kome too ni, kɛ̃lɛ shikpɔŋ lɛ tsɔ̃ enɔ, shi wɔ lɛ, wɔyi fa; akɛ shikpɔŋ lɛ eha wɔ akɛ wɔŋɔ.’

4 Mose 13:29

Amalekbii lɛ yɛ shikpɔŋ lɛ wuoyigbɛ, ni Hitbii lɛ kɛ Yebusbii lɛ kɛ Amorbii lɛ yɛ gɔji lɛ anɔ, ni Kanaanbii lɛ kã ŋshɔ lɛ naa kɛ Yordan Faa lɛ hu naa.”

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

Bɔfoi 13:22

Ni be ni ekpa lɛ lɛ, etee David shi ni ewo lɛ amɛnɔ maŋtsɛ, ni eye ehe odase ekɛɛ, ‘Mina David, Ishai bi lɛ, nuu ni miyɔɔ ehe tsui ni eeefee misuɔmɔnaanii lɛ fɛɛ lɛ.’

5 Mose 26:3

Yaa osɔfo ni tsuɔ jɛi nii nakai be mli lɛ ŋɔɔ, ni oyakɛɛ lɛ akɛ, ‘Miikɛɛ ŋmɛnɛ gbi nɛɛ, yɛ Yehowa, miNyɔŋmɔ lɛ, hiɛ akɛ mibashɛ shikpɔŋ lɛ ni Nuŋtsɔ lɛ wo wɔtsɛmɛi lɛ ehe shi akɛ ekɛbaahã wɔ lɛ nɔ.’

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Hebribii 11:17

Hemɔkɛyeli naa Abraham ŋɔ Isak eyashã afɔle be ni aka lɛ lɛ, ni ekɛ ebi kome lɛ ba ebahã, be ni enine eshɛ shiwoi lɛ anɔ momo lɛ.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

Yoshua 11:23

Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Yoshua 11:3

Etsu Kanaanbii ni yɔɔ Yordan Faa lɛ bokãgbɛ kɛ anaigbɛ hu lɛ fɛɛ kɛ Amorbii lɛ kɛ Hitbii lɛ kɛ Perizbii lɛ kɛ Yebusbii ni yɔɔ gɔji lɛ anɔ lɛ, kɛ Hivbii ni yɔɔ Hermon Gɔŋ lɛ shishi yɛ Mizpa shikpɔŋ lɛ nɔ lɛ hu aŋɔ̃ɔ.

Yoshua 23:14

“Eshɛ be ni mibaya jeŋjeŋ fɛɛ yaahe agbɛnɛ. Nyɛle anɔkwale mli yɛ nyɛtsuii amli krɛdɛɛ akɛ nɔ kpakpa ko kwraa bɛ ni Yehowa, nyɛNyɔŋmɔ lɛ, wo nyɛ shi akɛ ebaafee ehã nyɛ ni efeko ehako nyɛ. Nɔ fɛɛ nɔ eba mli, ni ekome folo nɛkɛ efeko yaka.

Yoshua 9:1

Majiatsɛmɛi ni yɔɔ Yordan lɛ anaigbɛ lɛ nu Israelbii akunimyeli sane lɛ. Amɛ ji mɛi ni yɔɔ gɔji lɛ anɔ kɛ gɔji lɛ ajɔi lɛ amli kɛ Mediterenia Ŋshɔ lɛ naa maji ni yɔɔ aahu kɛyashi Lebanon lɛ. Majiatsɛmɛi nɛɛ ji Hitbii kɛ Amorbii kɛ Kanaanbii kɛ Perizbii kɛ Hivbii kɛ Yebusbii amajiatsɛmɛi lɛ.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.