Nehemia 9:5 - ŊMALƐ KRƆŊKRƆŊ LƐ

⁵ Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Ṅmãle̱ Kroṅkroṅ Le̱

⁵ Ke̱ke̱ ni Levibii le̱, Iešua ke̱ Kadmiel ke̱ Bani ke̱ Hašabneia ke̱ Šerebia ke̱ Hodia ke̱ Šebania ke̱ Petahia kē̱: Nyetea ši ni nyedšiea Iehowa, nye-Nyoṅmo̱ le̱, yi, ke̱-dše̱ nāno̱ ke̱-yaši nāno̱! ni aadšie onumnyam gbe̱i le̱ ní kwo̱ fè yidšiemo̱ ke̱ kafomo̱ fẽ le̱ yi.

Nehemia 9:5 Iomraidhean Croise

1 Maŋtsɛmɛi 8:14

Israel asafo muu lɛ fɛɛ damɔ shi, kɛkɛ ni Maŋtsɛ Solomon tsɔ̃ ehiɛ ehã amɛ, ni ejɔɔ amɛ fɛɛ.

1 Maŋtsɛmɛi 8:15

Ekɛɛ, “Ajɔɔ Yehowa, Israel Nyɔŋmɔ lɛ, mɔ ni wo mitsɛ David shi, ni ekɛ ehewalɛ lɛ ehã eshiwoo lɛ eba mli.

1 Maŋtsɛmɛi 8:22

Solomon ho edamɔ Yehowa afɔleshãa latɛ lɛ hiɛ, yɛ Israel asafo muu lɛ fɛɛ hiɛ, ni egbɛ enijiaŋ kɛtee ŋwɛi,

1 Maŋtsɛmɛi 8:27

“Aso bo Nyɔŋmɔ, ooobahi shikpɔŋ nɛɛ nɔ lo! Naa, ŋwɛi kɛ ŋwɛii amli ŋwɛi nyɛɛɛ bo ato, aahu ni Sɔlemɔtsu bibioo nɛɛ ni mimã nɛɛ!

1 Kronika 16:36

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ!” Kɛkɛ ni maŋ muu lɛ fɛɛ here nɔ amɛkɛɛ, “Amen!” Ni amɛ jie Yehowa yi.

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

1 Kronika 29:13

No hewɔ lɛ, wɔNyɔŋmɔ, wɔmiida bo shi, ni wɔmiijie ogbɛi ni hiɛ yɔɔ nyam lɛ yi.

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:13

Nɛkɛ be mli lɛ Yuda hii fɛɛ kɛ amɛŋamɛi kɛ amɛbii kɛ hɔi blublu ewo shi yɛ Yehowa Sɔlemɔtsu lɛ hiɛ.

2 Kronika 20:19

Ni Levibii ni jɛ Kohat shwiei lɛ kɛ Kora shwiei lɛ hu ateŋ lɛ ho amɛdamɔ shi, ni amɛla kɛ gbee ni wa kɛkafo Yehowa, Israel Nyɔŋmɔ lɛ.

Ezra 3:11

Amɛla ni amɛhereheree nɔ amɛkɛkafo Yehowa, ni amɛkɛda lɛ shi amɛkɛɛ, “Ejaakɛ ehi, ejaakɛ esuɔmɔ ni ekɛsumɔɔ Israel lɛ yɛ kɛmiiya naanɔ.” Maŋ muu lɛ fɛɛ bɔ oshe waa amɛkɛkafo Yehowa yɛ Yehowa shĩa lɛ shishitoo lɛ hewɔ.

Nehemia 9:4

Yeshua kɛ Bani kɛ Kadmiel kɛ Shebania kɛ Buni kɛ Sherebia kɛ Bani kɛ Kenani ho damɔ Levibii lɛ akpoku lɛ nɔ, ni amɛsɔle waa amɛtsɛ Yehowa, amɛNyɔŋmɔ lɛ.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Lalai 106:2

Namɔ aaanyɛ Yehowa hewalɛ nitsumɔi lɛ agba? Namɔ aaanyɛ eyijiemɔ lɛ agba kɛwula shi?

Lalai 134:1

Nyɛjiea Yehowa yi, nyɛ Yehowa tsuji fɛɛ ni sɔmɔɔ nyɔɔŋ yɛ Yehowa we lɛ!

Lalai 145:2

Daa gbi lɛ majie oyi, ni majie ogbɛi lɛ yi daa kɛaatee naanɔi anaanɔ.

Lalai 145:5

Majwɛŋ onunyam falɛ kɛ ogbojee kɛ onaakpɛɛ nitsumɔi lɛ ahe.

Lalai 146:2

Gbii abɔ ni mihiɛ kã nɛɛ, majie Yehowa yi! Mala majie miNyɔŋmɔ lɛ yi miwala be fɛɛ.

Lalai 16:2

Mikɛɔ Yehowa akɛ, “Bo ji miNuŋtsɔ; osɛɛ lɛ mibɛ nɔ kpakpa ko.”

Lalai 66:2

Nyɛlaa kɛkafoa enunyam gbɛi lɛ; nyɛkɛ yijiemɔ ni sa lɛ lɛ awoa ehiɛ nyam.

Lalai 99:3

Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 15:6

Yehowa, ohewalɛ lɛ hiɛ eba nyam, Yehowa, ohewalɛ lɛ tserɛɔ henyɛlɔ mli.

Daniel 2:20

Daniel wo enaa nɔ ni ekɛɛ akɛ, “Ajie Nyɔŋmɔ, mɔ dɛŋ ni nilee kɛ hewalɛ lɛ fɛɛ yɔɔ lɛ, yi kɛya naanɔi anaanɔ.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

5 Mose 28:58

“Kɛji okwɛɛɛ ni ahi koni oye nɛkɛ mlai ni aŋma yɛ nɛkɛ wolo nɛɛ mli lɛ anɔ, ni oooshe Yehowa, oNyɔŋmɔ lɛ, gbɛi ni yɔɔ nyam kɛ gbeyei fɛɛ lɛ gbeyei lɛ,

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

Kojolɔi 13:18

Shi Yehowa bɔfo lɛ kɛɛ Manoa akɛ, “Mɛɛba obiɔ migbɛi? Migbɛi lɛ, naakpɛɛ gbɛi ni.”