Nehemia 9:16 - ŊMALƐ KRƆŊKRƆŊ LƐ

¹⁶ Shi amɛ kɛ wɔtsɛmɛi lɛ wo amɛhe; amɛfee amɛhe kuɛŋtilɔi, ni amɛyeee okitãi lɛ anɔ.

Ṅmãle̱ Kroṅkroṅ Le̱

¹⁶ Ši ame̱ ke̱ wo̱tše̱mei le̱ fe hewõnii, ni *ame̱fe ame̱he kue̱ṅtĩlo̱i, ni ame̱-boo okitãi le̱ atoi. *2 Mose 32,9.

Nehemia 9:16 Iomraidhean Croise

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 29:6

Wɔtsɛmɛi lɛ eyayeee anɔkwa, ni amɛfeefee nibii ni ejaaa yɛ Yehowa, wɔNyɔŋmɔ lɛ, hiɛ. Amɛkwa lɛ, amɛkɔ amɛnane yɛ biɛ ni ji Yehowa We lɛ, ni amɛtsɔ̃ amɛsɛɛ amɛhã Yehowa.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 36:13

Zedekia hu tse Maŋtsɛ Nebukadnezar hiɛ atua be mli ni Nebukadnezar ehã Zedekia kɛ Nyɔŋmɔ ekã lɛ, Nebukadnezar lɛ, kitã. Zedekia kuɛŋ yati, ni ekpliŋ etsui, ni emiii akɛ ejeɔ ehe sɛɛ ni eboɔ Yehowa, Israel Nyɔŋmɔ lɛ, toi.

Nehemia 9:10

Ofee okadii, ni otsu naakpɛɛnii yɛ Farao kɛ etsuji lɛ fɛɛ kɛ eshikpɔŋ lɛ nɔ bii lɛ fɛɛ ahiɛ, ejaakɛ ole akɛ Farao kɛ etsuji lɛ wo amɛhe amɛwo wɔtsɛmɛi lɛ; okɛ enɛ he gbɛi ohã ohe, tamɔ bɔ ni eyɔɔ ŋmɛnɛ nɛɛ.

Nehemia 9:29

Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 81:8

Oo mimaŋbii, nyɛboa toi, be mli ni mibɔɔ nyɛ kɔkɔ! Oo Israel, mina ni obo mi toi!

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 32:9

Yehowa tee nɔ, ni ekɛɛ Mose akɛ, “Mina nɛkɛ maŋ nɛɛ akɛ maŋ ko ni kuɛŋ ti.

Abe̱i 29:1

Mɔ ni afɔɔ lɛ kãmɔ, shi loloolo lɛ ekuɛŋ ti lɛ, trukaa ni aaakumɔ lɛ bɔ ni anaŋ ehe tsabaa.

Yesaia 48:18

Ao, eji oye mikitãi lɛ anɔ kulɛ, oooshwere tamɔ faa; ni okunimyeli aaatsara nɔ tamɔ ŋshɔkei.

Yesaia 48:4

Akɛni mile akɛ ofeɔ ntɛŋ, ni okuɛŋ ti tamɔ dade, ni ohiɛŋtso wa keketee tamɔ akɔɔble hewɔ lɛ,

Yesaia 63:10

Shi amɛ lɛ amɛtse atua, ni amɛfee Emumɔ Krɔŋkrɔŋ lɛ nidɔɔnii. No hewɔ lɛ, etsɔ amɛhenyɛlɔ, ni lɛ diɛŋtsɛ ekɛ amɛ wu.

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 2:31

Nyɛ, yinɔ nɛɛ nɔ bii, nyɛjwɛŋa Yehowa wiemɔi lɛ ahe. Ani mitsɔ̃ ŋa nɔ mihã Israelbii lo; loo shikpɔŋ ni enɔ ewo duŋ kpii? Mɛni hewɔ mɔ, ni miwebii lɛ kɛɔ akɛ, “Wɔye wɔhe; wɔbaaa oŋɔɔ dɔŋŋ lɛ?”

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Ezekiel 5:6

Yerusalɛm eku mimlai lɛ amli fe majimaji krokomɛi fɛɛ; eku mimlai wuji lɛ hu amli fe shikpɔji krokomɛi ni bɔle ehe kɛkpe lɛ. Ekwa mimlai lɛ ni eyeee mikpɔi lɛ hu anɔ.

Bɔfoi 7:51

“Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 9:13

“Yehowa kɛɛ hu akɛ, ‘Mikwɛ nɛkɛ gbɔmɛi nɛɛ aahu, ni mina akɛ amɛkuɛŋ ti.

5 Mose 9:27

Kwɛmɔ otsuji Abraham kɛ Isak kɛ Yakob ahewɔ; kaadi gbɔmɛi nɛɛ akuɛŋtilɛ loo amɛnifɔɔjianii kɛ nishaianii lɛ asɛɛ,’

5 Mose 9:6

No hewɔ lɛ, nyɛnaa nyɛlea akɛ jeee nyɛjalɛ hewɔ ni Yehowa, nyɛNyɔŋmɔ lɛ, kɛ nɛkɛ shikpɔŋ kpakpa nɛɛ hãa nyɛ koni nyɛŋɔ lɛ, ejaakɛ nyɛ tuuŋtu lɛ maŋ ni kuɛŋ ti ji nyɛ.

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

Hebribii 3:15

Ni akɛɛ akɛ, “Ŋmɛnɛ, kɛji nyɛnu egbee lɛ, Nyɛkawajea nyɛtsui, tamɔ bɔ ni nyɛtsɛmɛi lɛ fee yɛ mlilawoo lɛ mli” lɛ,