Nehemia 8:9 - ŊMALƐ KRƆŊKRƆŊ LƐ

⁹ Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Ṅmãle̱ Kroṅkroṅ Le̱

⁹ Ke̱ke̱ ni Nehemia ní dši *amralo le̱ ke̱ oso̱fo Ezra ni dši woloṅmālo̱ le̱ ke̱ Levibii ní tšõo̱ maṅ le̱ nii le̱ kē̱ maṅ mū le̱ fẽ ake̱: Nme̱ne̱ gbĩ ne̱ ye̱ kroṅkroṅ hã Iehowa, nye-Nyoṅmo̱ le̱; nyekayea ṅko̱mo̱ ni nyekafóa hũ! Edšake̱ maṅ mū le̱ fẽ mīfó, beni amenu mla le̱ mli wiemo̱i le̱. *5,14.

Nehemia 8:9 Iomraidhean Croise

2 Maŋtsɛmɛi 22:11

Ni be ni Maŋtsɛ Yosia nu Mla Wolo lɛ mli wiemɔi lɛ, ekɛ dɔlɛ gbala etadei yɛ ehe.

2 Maŋtsɛmɛi 22:19

otsake otsui, ni oba ohe shi yɛ mi, Yehowa, mihiɛ, ni okɛ dɔlɛ gbala otadei yɛ ohe, ni okɛ dɔlɛ fo yɛ mihiɛ, be ni onu nɔ ni miwie yɛ biɛ kɛ biɛ nɛɛ bii ahe akɛ amɛbaatsɔ̃mɔ amaŋfɔ̃ kɛ loomɔ hewɔ lɛ, mi hu minu osɔlemɔ lɛ, mi Yehowa, mi mikɛɛ.

2 Kronika 15:3

Israel hi shi be kplaŋŋ ni ebɛ anɔkwa Nyɔŋmɔ lɛ, ebɛ osɔfoi ni tsɔ̃ɔ maŋbii lɛ anii, ni ebɛ mla hu.

2 Kronika 30:22

Ni Maŋtsɛ Hezekia jie Levibii lɛ ayi pam yɛ bɔ ni amɛhe esa kɛ sɔɔmɔ kɛji aaja Yehowa lɛ hewɔ. Maŋbii lɛ shãshãa shidaa afɔlei, ni amɛyeyee nii kɛyashi gbii kpawo, ni amɛda Yehowa, amɛtsɛmɛi aNyɔŋmɔ lɛ, shi.

2 Kronika 34:19

Be ni Maŋtsɛ Yosia nu Mla Wolo lɛ mli sane lɛ, egbala ehe atadei;

2 Kronika 34:21

“Nyɛyaa ni nyɛyabia Yehowa nii nyɛhãa mi kɛ Israel kɛ Yudabii fɛɛ ni eshwɛ yɛ wolo ni ayana lɛ mli wiemɔi lɛ ahewɔ; ejaakɛ Yehowa mli ni efu wɔ lɛ naa wa jogbaŋŋ ejaakɛ wɔtsɛmɛi lɛ eyayeee Yehowa wiemɔ nɔ koni amɛfee amɛnii yɛ Wolo nɛɛ mli wiemɔi lɛ anaa.”

2 Kronika 35:3

Ekɛɛ Levibii lɛ ni amɛ ji Israel muu fɛɛ tsɔɔlɔi lɛ, ni asaŋ amɛjɔɔ amɛhe nɔ amɛhã Yehowa sɔɔmɔ lɛ akɛ, “Nyɛkɛ Kpãŋmɔ Adeka lɛ ayamaa Sɔlemɔ we lɛ ni Maŋtsɛ Solomon, Israel Maŋtsɛ David bi lɛ, ma lɛ mli. Ehiaaa akɛ nyɛaatere adeka lɛ kɛya kɛba. Agbɛnɛ nyɛsɔmɔa Yehowa, nyɛNyɔŋmɔ lɛ, kɛ emaŋ Israel.

Ezra 2:63

Amralo lɛ kɛɛ amɛ akɛ amɛkaye niyenii krɔŋkrɔŋ fe fɛɛ lɛ eko kɛyashi beyinɔ ni osɔfo ko aaate shi ni ekɛ Urim kɛ Tumim aaatao nɔ ni Nyɔŋmɔ sumɔɔ akɛ afee.

Ezra 7:11

Wolo ni Maŋtsɛ Artashasta kɛhã Ezra, osɔfo kɛ mlatsɔɔlɔ lɛ ni le Yehowa kitãi kɛ akpɔi ni ewo Israel lɛ amli jogbaŋŋ lɛ mli sane nɛ,

Nehemia 10:1

Mɔ klɛŋklɛŋ ni sɔo naa lɛ ji Nehemia, amralo lɛ, ni ji Hakalia bi lɛ, ni lɛ esɛɛ lɛ Zedekia. Mɛi komɛi hu ni kɛ amɛnine wo shishi nɛ: osɔfoi

Nehemia 12:26

Mɛnɛɛmɛi hi shi yɛ Yoakim, Yozadak bi Yeshua bi lɛ, kɛ Amralo Nehemia kɛ Osɔfo Ezra ni ji woloŋmalɔ lɛ yinɔ.

Nehemia 7:65

Amralo lɛ kɛɛ amɛ akɛ amɛkaye nii krɔŋkrɔŋ fe fɛɛ lɛ eko, kɛyashi beyinɔ ni osɔfoi lɛ aaaba ni aaanyɛ atsɔ̃ Urim kɛ Tumim nɔ akɛle nɔ gbɔmɛi ni ji amɛ.

Nehemia 7:70

Tsɛmɛi awei lɛ onukpai lɛ ekomɛi bake nii yɛ Sɔlemɔtsu lɛ saamɔ hewɔ. Amralo lɛ hã shika ŋmiiŋmi kiloi kpaanyɔ, lalakãi nyɔŋmai enumɔ, osɔfoi atadei ohai enumɔ kɛ nyɔŋmai etɛ̃.

Nehemia 8:2

No hewɔ lɛ, nyɔŋ ni ji kpawo lɛ nɔ klɛŋklɛŋ gbi lɛ nɔ lɛ, Osɔfo Ezra kɛ Mla lɛ ba asafo lɛ hiɛ. Hii kɛ yei kɛ mɛi fɛɛ ni kɛji amɛnu wiemɔi lɛ ni amɛaanu shishi lɛ yɛ jɛi.

Jajelɔ 3:4

Yaafo be yɛ, ni ŋmɔlɔ be hu yɛ; awerɛhoyeli be yɛ, ni be yɛ ni ajoɔ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

3 Mose 23:24

“Kɛɛmɔ Israelbii lɛ akɛ nyɔɔŋ ni ji kpawo lɛ klɛŋklɛŋ gbi lɛ, nyɛyea lɛ kpoo akɛ hejɔɔmɔ gbijurɔ. Akpã tɛtɛrɛmantɛrɛ akɛ kaimɔ nɔ kɛshiɛ gbi lɛ, koni akpe kpee krɔŋkrɔŋ kɛja.

Maleaki 2:13

Asaŋ nɔ ni ji enyɔ hu ni nyɛfeɔ nɛ. Nyɛwoɔ yara ni nyɛdɔmɔɔ ŋtsɔi, ni nyɛkɛ nyɛyaafonu fɔɔ Yehowa afɔleshãa latɛ lɛ, ejaakɛ nyɛfɔleshãa nibii lɛ esaaa Yehowa hiɛ dɔŋŋ aahu po ni eeemɔ mli kɛ tsuijurɔ yɛ nyɛdɛŋ.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 7:9

Shi mihi shi pɛŋ ni mibɛ mla; shi be ni kitã lɛ ba lɛ, esha lɛ hiɛ tsɛ ekoŋŋ;

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 26:14

Miyeko nii nɛɛ ni mijie lɛ eko yɛ mikɔmɔyeli beiaŋ lɛ, mifiteko nii lɛ eko be ni mibule mihe lɛ, mikɛ eko hu eshãko afɔle mihãko gbonyo ko. Miye Yehowa, miNyɔŋmɔ lɛ, gbee nɔ, ni mifee nɔ fɛɛ nɔ ni owo mi shi akɛ mifee lɛ.

Yakobo 4:9

Nyɛwerɛ ahoa nyɛhe ni nyɛyea ŋkɔmɔ ni nyɛfoa. Nyɛŋmɔlɔ lɛ atsɔ̃ ŋkɔmɔyeli, ni nyɛmiishɛɛ hu atsɔ̃ gbliniifeemɔ.