Nehemia 8:8 - ŊMALƐ KRƆŊKRƆŊ LƐ

⁸ Mɛi ni kaneɔ wolo lɛ ni ji Nyɔŋmɔ Mla lɛ, kane lɛ faŋŋ, ni amɛtsɔ̃ɔ shishi koni anu nɔ ni akaneɔ lɛ shishi faŋŋ.

Ṅmãle̱ Kroṅkroṅ Le̱

⁸ Ni ame̱kane wolo le̱ ní dši Nyoṅmo̱ mla le̱ faṅṅ, ni ame̱tšõ šiši, koni anu noni akaneo̱ le̱ šiši.

Nehemia 8:8 Iomraidhean Croise

2 Maŋtsɛmɛi 23:2

Ni Maŋtsɛ Yosia kɛ Yuda hii lɛ kɛ Yerusalɛmbii lɛ kɛ osɔfoi lɛ kɛ gbalɔi lɛ kɛ maŋ muu lɛ fɛɛ, kɛjɛ mɔ bibioo nɔ kɛyashi mɔ wulu nɔ yiŋ kɛtee Yehowa we lɛ. Kɛkɛ ni maŋtsɛ lɛ kane kpãŋmɔ wolo lɛ ni ana yɛ Yehowa we lɛ mli wiemɔi lɛ fɛɛ yɛ amɛtoiŋ.

Ezra 4:18

“Wolo ni nyɛkɛtsu akɛbahã wɔ lɛ, akane shishitsɔɔmɔ atsɔ̃ɔ mi.

Nehemia 8:12

No hewɔ lɛ, maŋ muu lɛ fɛɛ yiŋ amɛtee, ni amɛyaye nii, ni amɛnu nɔ ko. Amɛkɛ eko maje, ni amɛna miishɛɛ babaoo; ejaakɛ wiemɔi ni akane atsɔ̃ɔ amɛ lɛ, amɛnu shishi faŋŋ.

Nehemia 8:7

Yeshua kɛ Bani kɛ Sherebia kɛ Yamin kɛ Akub kɛ Shabetai kɛ Hodia kɛ Maaseia kɛ Kelita kɛ Azaria kɛ Yozabad kɛ Hanan kɛ Pelaia kɛ Levibii lɛ ji mɛi ni tsɔ̃ɔ maŋ lɛ Mla lɛ shishi. Be ni amɛtsɔ̃ɔ Mla lɛ shishi lɛ, belɛ maŋ lɛ damɔ amɛdaamɔhe lɛ.

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Nehemia 9:3

Amɛte shi amɛdamɔ shi, ni amɛkɛ ŋmɛlɛtswai etɛ̃ kane Yehowa, amɛNyɔŋmɔ lɛ, Mla Wolo lɛ. Amɛkɛ ŋmɛlɛtswai etɛ̃ hu jaje amɛhe eshai, ni amɛja Yehowa, amɛNyɔŋmɔ lɛ.

Ezekiel 46:10

Kɛji maŋbii lɛ miibote mli lɛ, lumɔ lɛ kɛ amɛ abote mli; ni kɛ amɛmiije kpo hu, ekɛ amɛ aje kpo.

Habakuk 2:2

Yehowa hã mi hetoo nɛɛ, “Kpɛ ninaa nɛɛ faŋŋ yɛ tɛi tɛtɛrɛbii anɔ koni anyɛ akane oya.

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Luka 24:32

Ni amɛkɛɛkɛɛ amɛhe akɛ, “Ani nɔ ko etaaa wɔmli be ni ekɛ wɔ wieɔ yɛ gbɛ lɛ nɔ ni etsɔ̃ɔ wɔ Ŋmalɛi lɛ amli lɛ?”

Luka 24:45

Kɛkɛ lɛ egbele amɛjwɛŋmɔ naa, koni amɛna Ŋmalɛi lɛ anaa.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.