Nehemia 8:6 - ŊMALƐ KRƆŊKRƆŊ LƐ

⁶ Kɛkɛ ni Ezra jie Yehowa, Nyɔŋmɔ kpeteŋkple lɛ, yi. Maŋ muu lɛ fɛɛ here nɔ amɛkɛɛ, “Amen! Amen!” Amɛhole amɛniji anɔ. No sɛɛ lɛ, amɛmamɔ amɛyi shi, ni amɛkɛ amɛhiɛ bumɔ shi, ni amɛja Yehowa.

Ṅmãle̱ Kroṅkroṅ Le̱

⁶ Ke̱ke̱ ni Ezra dšie Iehowa, Nyoṅmo̱ kpeteṅkple le̱, yi; ni maṅ mū le̱ fẽ here no̱ ake̱: Amen, amen! ni ame̱hole ame̱nidši ano̱, ni ame̱mãmo̱ ame̱yi-tšei ašĩ, ni ame̱ke̱ ame̱hĩe bumo̱ ši ame̱ dšá Iehowa.

Nehemia 8:6 Iomraidhean Croise

1 Mose 14:22

Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

1 Mose 24:26

Kɛkɛ ni tsulɔ lɛ ma eyi shi, ni eja Yehowa ni ekɛɛ,

1 Kronika 16:36

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ!” Kɛkɛ ni maŋ muu lɛ fɛɛ here nɔ amɛkɛɛ, “Amen!” Ni amɛ jie Yehowa yi.

1 Kronika 29:10

Kɛkɛ ni Maŋtsɛ David jie Yehowa yi yɛ asafo muu lɛ fɛɛ hiɛ ekɛɛ akɛ, “Aaajie oyi, Bo Yehowa, ni ji wɔtsɛ Yakob Nyɔŋmɔ lɛ, kɛjɛ naanɔ kɛyashi naanɔ.

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:18

Kɛkɛ ni Maŋtsɛ Yehoshafat ma eyi shi ni ekɛ ehiɛ bu shi, ni Yudabii lɛ kɛ Yerusalɛm maŋ lɛ mli bii lɛ fɛɛ hu bumɔ shi, ni amɛja Yehowa.

2 Kronika 29:10

“Mito miyiŋ akɛ mi kɛ Yehowa, Israel Nyɔŋmɔ lɛ, baakpãŋ bɔ ni afee ni efo emlifu lɛ sɛɛ ehã wɔ.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

2 Kronika 6:4

ekɛɛ akɛ, “Ajie Yehowa, Israel Nyɔŋmɔ lɛ, yi. Lɛ ewo mitsɛ David shi, ni asaŋ ehã eba mli bɔ ni ekɛɛ lɛ akɛ,

Nehemia 5:13

Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Nehemia 8:7

Yeshua kɛ Bani kɛ Sherebia kɛ Yamin kɛ Akub kɛ Shabetai kɛ Hodia kɛ Maaseia kɛ Kelita kɛ Azaria kɛ Yozabad kɛ Hanan kɛ Pelaia kɛ Levibii lɛ ji mɛi ni tsɔ̃ɔ maŋ lɛ Mla lɛ shishi. Be ni amɛtsɔ̃ɔ Mla lɛ shishi lɛ, belɛ maŋ lɛ damɔ amɛdaamɔhe lɛ.

Lalai 134:2

Nyɛholea nyɛniji anɔ yɛ sɔlemɔ mli yɛ He Krɔŋkrɔŋ lɛ; ni nyɛjiea Yehowa yi.

Lalai 141:2

Hã mifaikpamɔ afee tamɔ tsofakɛŋma yɛ ohiɛ; ni miniji anɔholemɔ afee tamɔ gbɛkɛ afɔle!

Lalai 28:2

Kɛji mibo mitsɛ bo koni ohere mi, ni mihole miniji anɔ mitsɔ̃ɔ ohe krɔŋkrɔŋ lɛ, bo mifaikpamɔ gbee lɛ toi.

Lalai 41:13

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ. Amen! Amen!

Lalai 63:4

Bei abɔ ni mihiɛ kã nɛɛ lɛ, majie oyi; mahole miniji anɔ masɔle matsɛ bo.

Lalai 95:3

Ejaakɛ Nyɔŋmɔ kpeteŋkple ji Yehowa, Maŋtsɛ ni fe nyɔŋmɔi fɛɛ.

2 Mose 12:27

nyɛkɛa amɛ akɛ, ‘Yehowa Hehoo afɔle ni, ejaakɛ be ni etswia Ijiptbii lɛ nii lɛ, eho Israelbii ashĩai lɛ ahe yɛ Ijipt ni etɛ̃ wɔshĩai lɛ eshĩ.’ ” Kɛkɛ ni Israelbii lɛ mamɔ amɛyi shi, ni amɛja Yehowa,

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Yeremia 28:6

ni mikɛɛ lɛ akɛ, “Amen! Yehowa aaafee nakai. Yehowa ahã ogbalɛ ni ogba nɛɛ aba mli akɛ ebaaŋɔ Yehowa Sɔlemɔ we lɛ mli nibii lɛ kɛ nomii lɛ fɛɛ kɛjɛ Babilon kɛba biɛ nɛɛ ekoŋŋ.

Yāfó 3:41

Nyɛhãa wɔgbelea wɔtsuii amli ni wɔholea wɔniji anɔ wɔhãa Nuŋtsɔ ni yɔɔ ŋwɛi lɛ ni wɔkɛhã akɛ,

3 Mose 9:24

Trukaa lɛ Yehowa hã la ba ni ebashã shãa afɔle lɛ kɛ fɔi lɛ ni yɔɔ afɔleshãa latɛ lɛ nɔ lɛ. Be ni maŋ muu lɛ fɛɛ na lɛ, amɛbolɔ, ni amɛkɛ amɛhiɛ bumɔ shi.

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

1 Korintobii 14:16

Ejaakɛ kɛ okɛ mumɔ miijɔɔ lɛ, te aaafee tɛŋŋ ni mɔ ni leee mli eko lɛ aahere oshidaa lɛ nɔ akɛ “Amen”, akɛni eleee nɔ ni okɛɔ lɛ?

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

1 Timoteo 2:8

No hewɔ lɛ, miitao akɛ hii asɔle yɛ he fɛɛ he ni amɛhole niji ni he tse nɔ ni mlifu loo naataamɔ akaba mli.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

Kpojiemɔ 7:11

Ni bɔfoi lɛ fɛɛ damɔ maŋtsɛ sɛ̃i lɛ kɛ onukpai lɛ kɛ hiɛkãalɔi ejwɛ lɛ ahe kɛkpe, ni amɛja Nyɔŋmɔ