Nehemia 8:2 - ŊMALƐ KRƆŊKRƆŊ LƐ

² No hewɔ lɛ, nyɔŋ ni ji kpawo lɛ nɔ klɛŋklɛŋ gbi lɛ nɔ lɛ, Osɔfo Ezra kɛ Mla lɛ ba asafo lɛ hiɛ. Hii kɛ yei kɛ mɛi fɛɛ ni kɛji amɛnu wiemɔi lɛ ni amɛaanu shishi lɛ yɛ jɛi.

Ṅmãle̱ Kroṅkroṅ Le̱

² Ni oso̱fo Ezra ke̱ mla le̱ ba asafo le̱ hĩe, hĩĩ ke̱ yei ke̱ mei fẽ ni ké̱ ame̱nu ni ame̱anu šiši le̱ ye̱ dše̱i, ye̱ nyõṅ ni dši kpawo le̱ no̱ kleṅkleṅ gbĩ le̱ no̱. 5 Mose 31,10-13.

Nehemia 8:2 Iomraidhean Croise

Nehemia 10:29

wɔ kɛ wɔnyɛmimɛi ni ji wɔhiɛnyiɛlɔi lɛ efee ekome kɛmiikã kitã. Kɛ wɔku mli lɛ, efee loomɔ ehã wɔ. Wɔmiikã kitã akɛ wɔbaaye Nyɔŋmɔ mla lɛ ni atsɔ̃ Nyɔŋmɔ tsulɔ Mose nine nɔ awo lɛ nɔ. Wɔbaajwɛŋ nɔ ni wɔye Yehowa, wɔNuŋtsɔ lɛ, kitãi kɛ emlai kɛ ekpɔi lɛ fɛɛ anɔ.

Nehemia 13:1

Nakai gbi lɛ be ni akaneɔ Mose Mla lɛ yɛ maŋbii lɛ atoiŋ lɛ, ana ni aŋmã yɛ mli akɛ Amonnyo loo Moabnyo akaba Nyɔŋmɔ maŋbii lɛ ahenaabuamɔ lɛ mli kɔkɔɔkɔ;

Nehemia 8:18

Gbi fɛɛ gbi, kɛjɛ klɛŋklɛŋ gbi lɛ nɔ kɛyashi naagbee gbi lɛ nɔ lɛ, akaneɔ Nyɔŋmɔ Mla Wolo lɛ. Amɛye gbijurɔ lɛ gbii kpawo, ni gbi ni ji kpaanyɔ lɛ nɔ lɛ amɛkpe naagbee kpee, tamɔ bɔ ni ato lɛ.

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Yesaia 28:9

Amɛkɛɔ akɛ, “Namɔ kwraa nii ebaatsɔ̃ɔ mɔ, ni namɔ kwraa ebaagbala sane mli etsɔ̃ɔ? Abifabii ni atse amɛ fufɔ, loo mɛi ni ayahole amɛ yɛ fufɔ naa?

3 Mose 23:24

“Kɛɛmɔ Israelbii lɛ akɛ nyɔɔŋ ni ji kpawo lɛ klɛŋklɛŋ gbi lɛ, nyɛyea lɛ kpoo akɛ hejɔɔmɔ gbijurɔ. Akpã tɛtɛrɛmantɛrɛ akɛ kaimɔ nɔ kɛshiɛ gbi lɛ, koni akpe kpee krɔŋkrɔŋ kɛja.

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

4 Mose 29:1

Nyɔŋ ni ji kpawo lɛ klɛŋklɛŋ gbi lɛ nɔ lɛ, nyɛkpea kpee krɔŋkrɔŋ ni nyɛjaa Yehowa. Akatsu nitsumɔ ko nitsumɔ ko ni wa yɛ gbi lɛ nɔ. Nyɛtɛtrɛmantrɛ lɛ kpãmɔ gbi ni;

Bɔfoi 15:21

Ejaakɛ kɛjɛ blema beebe lɛ Mose yɛ mɛi ni shiɛɔ lɛ yɛ maŋ fɛɛ maŋ nɔ, ni daa hejɔɔmɔ gbi lɛ akaneɔ ewoji lɛ yɛ kpeehei lɛ.”

5 Mose 17:18

“Kɛji maŋtsɛ nɛɛ bata maŋtsɛ sɛi lɛ nɔ lɛ, ekwɛ Nyɔŋmɔ mlai nɛɛ anɔ wolo lɛ ni yɔɔ Levibii osɔfoi lɛ adɛŋ lɛ nɔ, koni eŋma nakai wolo lɛ henɔ pɛpɛɛpɛ kome ehã ehe.

Yoshua 8:35

Wiemɔ ko kwraa bɛ nibii ni Mose ewo amɛ he kitã lɛ fɛɛ mli ni Yoshua kaneee yɛ Israel asafo lɛ, ni ji hii kɛ yei kɛ gbekɛbii kɛ gbɔi ni yɔɔ amɛteŋ lɛ, fɛɛ ahiɛ etsɔ̃ɔɔ amɛ.