Nehemia 8:16 - ŊMALƐ KRƆŊKRƆŊ LƐ

¹⁶ Kɛkɛ ni maŋ lɛ je kpo amɛtee, ni amɛyaŋɔ tsei aniji lɛ kɛba, ni amɛkɛbafee asesei amɛhã amɛhe, mɔ fɛɛ mɔ lɛ yɛ etsu yiteŋ. Amɛfee asesei yɛ amɛkpoi anɔ kɛ Nyɔŋmɔ We lɛ kpoi lɛ anɔ kɛ Nu Agbo lɛ naa blohu lɛ mli kɛ Efraim Agbo lɛ naa blohu lɛ mli.

Ṅmãle̱ Kroṅkroṅ Le̱

¹⁶ Ke̱ke̱ ni maṅ le̱ dše kpo ni ame̱yaṅõ ke̱-ba, ni ame̱ke̱-bafe asesei ame̱hã ame̱he, mofẽmo le̱ ye̱ etšũ yiteṅ, lo ame̱kpoi ano̱ ke̱ Nyoṅmo̱ we le̱ kpoi le̱ ano̱ ke̱ *nu agbó le̱ nā blohũ le̱ṅ ke̱ Efraim agbó le̱ nā blohũ le̱ṅ. *K. 1.

Nehemia 8:16 Iomraidhean Croise

2 Samuel 11:2

Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

2 Maŋtsɛmɛi 14:13

Ni Israel Maŋtsɛ Yehoash mɔ Yuda Maŋtsɛ Amazia, yɛ Bet-Shemesh, ni eŋɔ lɛ nom. Ni eba Yerusalɛm, ni ebakumɔ Yerusalɛm gbogboi lɛ, kɛjɛ Efraim Agbo lɛ naa kɛyashi Koŋ Agbo lɛ naa ni ekɛlɛ ji ninetalɔi ohai ejwɛ.

2 Kronika 20:5

Yuda maji lɛ anɔ bii lɛ kɛ Yerusalɛmbii lɛ hu yabua shi yɛ kpo hee lɛ nɔ yɛ Yehowa Sɔlemɔtsu lɛ hiɛ. Ni Yehoshafat ho edamɔ shi yɛ asafo lɛ hiɛ,

2 Kronika 33:5

Eku sɛɛ ekoŋŋ emamɔ afɔleshãa latɛi yɛ Yehowa we lɛ kpoi enyɔ lɛ anɔ koni akɛja nibii ni yɔɔ ŋwɛi lɛ.

Nehemia 12:37

Amɛtsɔ̃ Nubu Agbo lɛ he; ni amɛtee amɛhiɛ tɛ̃ɛ kɛyakwɔ atrakpoi ni akwɔɔ kɛyaa David maŋ lɛ mli lɛ. Amɛkwɔ yɛ kwɔɔhe lɛ, ni amɛtsɔ̃ David we lɛ he kɛtee Nu Agbo lɛ he yɛ bokãgbɛ.

Nehemia 12:39

Wɔtse mli kɛtsɔ̃ Efraim Agbo lɛ kɛ Agbo Momo lɛ kɛ Loi Agbo lɛ he. Wɔyawa wɔdamɔ shi yɛ Bulɔi Agbo lɛ naa.

Nehemia 3:26

Palal sɛɛ lɛ, Pedaia, Parosh bi lɛ, kɛ Sɔlemɔ we sɔ̃ɔlɔi ni hiɔ Ofel lɛ basaa gbogbo lɛ fã kroko kɛyashi he ko ni yɔɔ Nu Agbo lɛ bokãgbɛ kɛ mɔɔ ni etsɛ̃ kɛje kpo lɛ masɛi.

Nehemia 8:1

Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Nehemia 8:3

Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

Yeremia 19:13

Yerusalɛm maŋ lɛ mli shĩai kɛ Yuda maŋtsɛmɛi awei fɛɛ he ni ashãshãa tsofakɛŋma yɛ amɛtsui lɛ ayiteiaŋ akɛhã ŋulamii, asaŋ ni akɛ dãa shwie shi ahã nyɔŋmɔi krokomɛi yɛ jɛi lɛ, abaabule amɛ fɛɛ tswɛm tamɔ Tofet.’ ”

Yeremia 32:29

Babilonbii ni ebatua maŋ lɛ baana abote maŋ lɛ mli, ni amɛbaama maŋ lɛ naa la koni amɛshã. Amɛbaashã shĩai ni maŋbii lɛ shã tsofakɛŋma yɛ amɛyiteiaŋ amɛkɛhã Baal, asaŋ ni amɛfɔse wain hu amɛshwie shi akɛ afɔle yɛ jɛi amɛhã nyɔŋmɔi krokomɛi, ni amɛkɛ nakai feemɔ wo mimli la lɛ.

5 Mose 22:8

“Kɛji oma tsu hee lɛ, foo afabaŋ okɛbɔle tsu lɛ yiteŋ naabu fɔfɔoo lɛ, koni mɔ ko akaje tsu lɛ yiteŋ ebagbee shi ni obaye elá yi sɔ̃.