Nehemia 8:12 - ŊMALƐ KRƆŊKRƆŊ LƐ

¹² No hewɔ lɛ, maŋ muu lɛ fɛɛ yiŋ amɛtee, ni amɛyaye nii, ni amɛnu nɔ ko. Amɛkɛ eko maje, ni amɛna miishɛɛ babaoo; ejaakɛ wiemɔi ni akane atsɔ̃ɔ amɛ lɛ, amɛnu shishi faŋŋ.

Ṅmãle̱ Kroṅkroṅ Le̱

¹² Ni maṅ mū le̱ fē yiṅ ame̱te ni ame̱yaye nii ni amenu noko ní ame̱ke̱ ekomei mãdše, ni ame̱ná mīše̱ babaō; edšake̱ wiemo̱i ni adšadše atšõame̱ le̱ ame̱nn šiši.

Nehemia 8:12 Iomraidhean Croise

1 Kronika 29:22

Nakai gbi lɛ Israelbii lɛ yeyee nii ni amɛnunuu dãi yɛ Yehowa hiɛ kɛ nyamɔ babaoo. Amɛsaa amɛwo Solomon, David bi lɛ, maŋtsɛ nɔ ni ji shii enyɔ nɔ. Amɛfɔ lɛ mu yɛ Yehowa gbɛi mli akɛ lumɔ kɛ Zadok hu akɛ osɔfo.

Nehemia 8:10

Ezra kɛɛ amɛ akɛ, “Nyɛyaa ni nyɛyayea nii ni hi naakpa, ni nyɛnua wain ni ŋɔɔ dɔkɔdɔkɔ. Ni nyɛkɛ eko amajea mɛi ni afeko nɔ ko atoko amɛ lɛ, ejaakɛ ŋmɛnɛ gbi nɛɛ lɛ gbi krɔŋkrɔŋ ni hã wɔNuŋtsɔ lɛ. No hewɔ hu lɛ nyɛwerɛ akahoa nyɛhe, ejaakɛ Yehowa he nyamɔ lɛ ji nɔ ni baawo nyɛ hewalɛ.”

Nehemia 8:11

Levibii lɛ shɛje maŋ lɛ fɛɛ mii amɛkɛɛ, “Nyɛfɔa ŋkɔmɔyeli, ejaakɛ ŋmɛnɛ gbi nɛɛ gbi krɔŋkrɔŋ ni, hewɔ lɛ nyɛwerɛ akahoa nyɛhe.”

Nehemia 8:13

Enɔ jetsɛremɔ lɛ tsɛmɛi awei lɛ amli onukpai ni yɔɔ maŋ muu lɛ fɛɛ mli lɛ kɛ osɔfoi lɛ kɛ Levibii lɛ babua amɛhe naa yɛ Ezra, woloŋmalɔ lɛ, ŋɔɔ koni amɛbabo Mla Wolo lɛ mli wiemɔi lɛ toi.

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 119:111

Miŋɔ omlai lɛ mifee migbɛfaŋnɔ kɛmiiya naanɔ, ejaakɛ nomɛi ahe miishɛɛ mitsui naa.

Lalai 119:127

No hewɔ lɛ, miisumɔ okitãi lɛ fe shika; hɛɛ fe shika krɔŋŋ.

Lalai 119:130

Owiemɔi lɛ amlitsɔ̃ɔmɔ, gbeleɔ jwɛŋmɔ mli fãŋŋ, ni ehãa mɔ ni leee nii leɔ nii.

Lalai 119:14

Minaa okpɔi lɛ ahe miishɛɛ fe bɔ ni mimli filiɔ mi yɛ ninamɔ kpɔtɔɔ he.

Lalai 119:16

Mimli aaafli mi yɛ okpɔi lɛ ahe; mihiɛ kpaŋ owiemɔ lɛ nɔ.

Lalai 119:171

Minaabu aaafɔse oyijiemɔ, ejaakɛ otsɔ̃ɔ mi omlai lɛ.

Lalai 119:174

Oo Yehowa, miishwe odɛ̃ŋ yiwalaheremɔ lɛ; ni omla lɛ ji nɔ ni shɛjeɔ mimii.

Lalai 119:72

Mla ni jɛ onaa lɛ, ehi hã mi fe shika kɛ jwiɛtɛi akpei abɔ.

Lalai 119:97

Oo, misumɔɔ omla lɛ akɛ nɔ ko! Gbi muu fɛɛ lɛ, no he mijwɛŋɔ.

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Luka 24:32

Ni amɛkɛɛkɛɛ amɛhe akɛ, “Ani nɔ ko etaaa wɔmli be ni ekɛ wɔ wieɔ yɛ gbɛ lɛ nɔ ni etsɔ̃ɔ wɔ Ŋmalɛi lɛ amli lɛ?”

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Kpojiemɔ 11:10

Ni mɛi ni yɔɔ shikpɔŋ lɛ nɔ lɛ aaanya yɛ amɛnɔ ni amɛmli aaafli amɛ, ni amɛ aaamajemajee amɛhe keenii, ejaakɛ nɛkɛ gbalɔi enyɔ nɛɛ piŋ mɛi ni yɔɔ shikpɔŋ lɛ nɔ lɛ.