Nehemia 8:1 - ŊMALƐ KRƆŊKRƆŊ LƐ

¹ Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Ṅmãle̱ Kroṅkroṅ Le̱

¹ Ni maṅ le̱ blūblu bakpe ye̱ blohũ ko ni yo̱ nu agbó le̱ hĩe le̱ mli, ni ame̱kē̱ *Ezra, woloṅmālo̱ le̱, ake̱ eyako̱ Mose mla le̱ ní Iehowa wo Israel le̱ wolo le̱ ke̱-ba. *Ezra 7,6.

Nehemia 8:1 Iomraidhean Croise

2 Maŋtsɛmɛi 23:2

Ni Maŋtsɛ Yosia kɛ Yuda hii lɛ kɛ Yerusalɛmbii lɛ kɛ osɔfoi lɛ kɛ gbalɔi lɛ kɛ maŋ muu lɛ fɛɛ, kɛjɛ mɔ bibioo nɔ kɛyashi mɔ wulu nɔ yiŋ kɛtee Yehowa we lɛ. Kɛkɛ ni maŋtsɛ lɛ kane kpãŋmɔ wolo lɛ ni ana yɛ Yehowa we lɛ mli wiemɔi lɛ fɛɛ yɛ amɛtoiŋ.

2 Kronika 34:15

Kɛkɛ ni Hilkia wo enaa nɔ, ni ekɛɛ Shafan, woloŋmalɔ lɛ, akɛ, “Miyana Mla Wolo lɛ yɛ Yehowa we lɛ mli.” Kɛkɛ ni ekɛ Wolo lɛ hã Shafan;

2 Kronika 34:30

Kɛkɛ ni lɛ kɛ Yuda hii lɛ kɛ Yerusalɛm maŋbii lɛ fɛɛ kɛ osɔfoi lɛ kɛ Levibii lɛ, no ji maŋ muu lɛ fɛɛ kɛjɛ mɔ wulu nɔ kɛyashi mɔ bibioo nɔ, yi mli kɛtee Yehowa we lɛ. Maŋtsɛ Yosia kane Kpãŋmɔ Wolo ni ayana yɛ Yehowa we lɛ mli lɛ mli wiemɔi lɛ fɛɛ yɛ maŋ muu lɛ toiŋ.

Ezra 7:1

Nii nɛɛ asɛɛ yɛ Persia Maŋtsɛ Artashasta yinɔ lɛ, nuu ko ni atsɛɔ lɛ Ezra lɛ yiŋ kɛjɛ Babilon kɛba. Lɛ ji Ezra, Seraia bi kɛ Azaria nabi lɛ. Ezra kaŋsowa kɛ nanashishiu kɛ nanadadao kɛ nii kɛ nii ji Hilkia kɛ

Ezra 7:10

Ejaakɛ nɔ ni kã Ezra tsui nɔ ji akɛ eeekase Yehowa mla lɛ ni eye nɔ, ni etsɔ̃ɔ mɛi akpɔi lɛ kɛ mlai lɛ yɛ Israel maŋ lɛ mli.

Ezra 7:11

Wolo ni Maŋtsɛ Artashasta kɛhã Ezra, osɔfo kɛ mlatsɔɔlɔ lɛ ni le Yehowa kitãi kɛ akpɔi ni ewo Israel lɛ amli jogbaŋŋ lɛ mli sane nɛ,

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Nehemia 12:26

Mɛnɛɛmɛi hi shi yɛ Yoakim, Yozadak bi Yeshua bi lɛ, kɛ Amralo Nehemia kɛ Osɔfo Ezra ni ji woloŋmalɔ lɛ yinɔ.

Nehemia 12:37

Amɛtsɔ̃ Nubu Agbo lɛ he; ni amɛtee amɛhiɛ tɛ̃ɛ kɛyakwɔ atrakpoi ni akwɔɔ kɛyaa David maŋ lɛ mli lɛ. Amɛkwɔ yɛ kwɔɔhe lɛ, ni amɛtsɔ̃ David we lɛ he kɛtee Nu Agbo lɛ he yɛ bokãgbɛ.

Nehemia 3:26

Palal sɛɛ lɛ, Pedaia, Parosh bi lɛ, kɛ Sɔlemɔ we sɔ̃ɔlɔi ni hiɔ Ofel lɛ basaa gbogbo lɛ fã kroko kɛyashi he ko ni yɔɔ Nu Agbo lɛ bokãgbɛ kɛ mɔɔ ni etsɛ̃ kɛje kpo lɛ masɛi.

Nehemia 8:16

Kɛkɛ ni maŋ lɛ je kpo amɛtee, ni amɛyaŋɔ tsei aniji lɛ kɛba, ni amɛkɛbafee asesei amɛhã amɛhe, mɔ fɛɛ mɔ lɛ yɛ etsu yiteŋ. Amɛfee asesei yɛ amɛkpoi anɔ kɛ Nyɔŋmɔ We lɛ kpoi lɛ anɔ kɛ Nu Agbo lɛ naa blohu lɛ mli kɛ Efraim Agbo lɛ naa blohu lɛ mli.

Nehemia 8:3

Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

3 Mose 9:5

Amɛkɛ nii ni Mose fã amɛ akɛ amɛkɛba lɛ ba Kpee Buu lɛ hiɛ, ni asafo muu lɛ fɛɛ bua amɛhe naa yɛ jɛi koni amɛja Yehowa.

Maleaki 4:4

“Nyɛkaia nibii ni mitsulɔ Mose etsɔ̃ɔ nyɛ lɛ, ni ji mlai kɛ akpɔi kɛ gbɛnaa nitsumɔi ni mikɛhã lɛ yɛ Horeb Gɔŋ lɛ nɔ akɛ ekɛbahã Israelbii koni amɛye nɔ lɛ.

Mateo 13:52

Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 23:2

“Mlatsɔɔlɔi lɛ kɛ Farisifoi lɛ, Mose sɛ̃i lɛ nɔ amɛtara lɛ.

Mateo 23:34

No hewɔ lɛ, naa, miitsu gbalɔi kɛ nilelɔi kɛ mlatsɔɔlɔi kɛba nyɛŋɔɔ, ni nyɛaagbe amɛteŋ mɛi komɛi ni nyɛaasɛŋ mɛi komɛi, ni mɛi krokomɛi lɛ nyɛaayi amɛ kpelebii yɛ nyɛkpeehei lɛ, ni nyɛaawa amɛ yi kɛaajɛ maŋ kome mli kɛaatee ekroko mli.

5 Mose 31:11

be ni Israel maŋtso muu fɛɛ ebapue yɛ Yehowa, nyɛNyɔŋmɔ lɛ, hiɛ yɛ he ni lɛ eŋɔ akɛ jɛi aja lɛ yɛ lɛ, akane nɛkɛ mlai nɛɛ fɛɛ yɛ Israel fɛɛ hiɛ awo amɛtoiiaŋ.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.

Kojolɔi 20:8

Kɛkɛ ni maŋ muu lɛ fɛɛ te shi damɔ shi tamɔ gbɔmɔ kome, ni amɛkɛɛ akɛ, “Wɔteŋ mɔ ko mɔ ko eyaŋ ebuu mli, ni wɔteŋ mɔ ko ekuŋ esɛɛ eyaŋ eshĩa.