Nehemia 7:2 - ŊMALƐ KRƆŊKRƆŊ LƐ

² Kɛkɛ ni mitu Yerusalɛm miwo minyɛmi Hanani kɛ Hanania, mɔɔ lɛ mli lumɔ lɛ, dɛŋ, ejaakɛ nuu anɔkwafo ni sheɔ Nyɔŋmɔ gbeyei fe mɛi pii ji Hanania.

Ṅmãle̱ Kroṅkroṅ Le̱

² ke̱ke̱ ni miwo minyemi Hanani ke̱ Hanania, mō̃ le̱ṅ lumo̱ le̱, kitã ye̱ Ierusalem he; edšake̱ nū ano̱kwafo ní šeo̱ Nyoṅmo̱ gbeyei dšile̱ fè mei pī.

Nehemia 7:2 Iomraidhean Croise

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

1 Maŋtsɛmɛi 18:3

Nɛkɛ be mli lɛ Obadia ji mɔ ni kwɛɔ maŋtsɛwe lɛ nɔ. Obadia ji gbɔmɔ ko ni sheɔ Yehowa gbeyei naakpa,

Nehemia 1:2

ni Hanani ni ji minyɛmimɛi lɛ ateŋ mɔ kome lɛ kɛ hii komɛi jɛ Yuda ba. Mibi amɛ Yudafoi ni aŋɔ amɛ nom lɛ ateŋ mɛi ni hiɛ kã lolo lɛ ahe sane kɛ Yerusalɛm hu he sane.

Nehemia 10:23

Hoshea, Hanania, Hashub,

Nehemia 13:13

Mito nitoohe lɛ nɔkwɛlɔi: amɛ ji Osɔfoi Shelemia kɛ Zadok, woloŋmalɔ lɛ, kɛ Pedaia ni jɛ Levibii lɛ ateŋ lɛ. Amɛsɛɛmɔ ji Hanan, Matania bi Zakur bi lɛ. Mito gbɔmɛi nɛɛ, ejaakɛ abuɔ amɛ anɔkwafoi. Amɛnitsumɔ ji akɛ amɛja nii lɛ amɛhã amɛnyɛmimɛi nitsulɔi lɛ.

Nehemia 2:8

Asaŋ mibi wolo ko hu ni mikɛyahã Asaf, mɔ ni kwɛɔ maŋtsɛ koo lɛ nɔ lɛ, koni ehã mi tsumaa tsei. Tsei nɛɛ mikɛbaakpɛ mɔɔ agboi mawo Sɔlemɔ we lɛ he, kɛ maŋ lɛ he gbogbo lɛ kɛ shĩa ni miyahi mli lɛ he. Akɛni miNyɔŋmɔ lɛ kɛ mi yɛ hewɔ lɛ, maŋtsɛ lɛ fee nɔ ni mitaoɔ lɛ fɛɛ ehã mi.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Nehemia 7:3

Mikɛɛ amɛ akɛ, “Nyɛkahãa agbelea Yerusalɛm agboi lɛ aŋmɛ; ja hulu naa ewa dã. Kɛji bulɔi lɛ damɔ shi amɛmiibu lɛ, aŋamɔ shinai lɛ ni alalaa sɛɛ. Nyɛtoa bulɔi ni ji Yerusalɛmbii. Mɔ fɛɛ mɔ ahi ebuu nɔ, ni mɔ fɛɛ mɔ adamɔ shi ni eekwɛ eshĩa lɛ hiɛ.”

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Lalai 101:6

Mana shikpɔŋ lɛ nɔ anɔkwafoi lɛ mɔbɔ, bɔ ni afee ni amɛkɛ mi ahi shi. Mɔ ni baa ejeŋ jogbaŋŋ ni shwamɔ ko bɛ ehe lɛ, lɛ eeesɔmɔ mi.

2 Mose 18:21

Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

Daniel 6:4

Kɛkɛ ni onukpai nɔkwɛlɔi krokomɛi lɛ kɛ amraloi lɛ bɔ mɔdɛŋ akɛ amɛaana tɔ̃mɔ ko yɛ Daniel he lo, koni amɛkɛfolɔ enaa. Shi akɛni Daniel yeɔ anɔkwa hewɔ lɛ amɛnaaa sane ko loo tɔ̃mɔ ko yɛ ehe.

4 Mose 12:7

Shi mitsulɔ Mose nɔ bɛ nakai. Lɛ edɛŋ mitu mimaŋ Israel fɛɛ kuramɔ miwo.

Mateo 24:45

“Belɛ namɔ ji tsulɔ anɔkwafo kɛ nilelɔ mɔ ni enuŋtsɔ kɛ lɛ eto ewebii lɛ anɔ, koni ehã amɛ amɛŋmaa yɛ be ni sa mli lɛ?

Mateo 25:21

Enuŋtsɔ lɛ kɛɛ lɛ akɛ, ‘Aekoo, tsulɔ kpakpa kɛ anɔkwafo, oye anɔkwa yɛ nii fioo he, mato bo nii pii anɔkwɛlɔ; botemɔ onuŋtsɔ miishɛɛ lɛ mli.’

1 Korintobii 4:2

Shi nɔ ni eshwɛ ni ataoɔ yɛ tsuji nukpai adɛŋ ji akɛ ana amɛ akɛ anɔkwafoi.

2 Timoteo 2:2

Ni nii ni onu yɛ minaa yɛ odasefoi pii ahiɛ lɛ, tuu owo gbɔmɛi anɔkwafoi adɛŋ, mɛi ni aaanyɛ atsɔ̃ɔ mɛi krokomɛi hu lɛ.