Nehemia 7:1 - ŊMALƐ KRƆŊKRƆŊ LƐ

¹ Agbɛnɛ atswa gbogbo lɛ agbe naa, ni mitara agboi lɛ anaa shinai lɛ, ni ato agbonaakwɛlɔi kɛ lalatsɛmɛi kɛ Levibii lɛ.

Ṅmãle̱ Kroṅkroṅ Le̱

¹ Agbe̱ne̱ eba mli ake̱, beni atſa gbogbo le̱, ni mitrá šĩnāi le̱, ni ato agbónākwe̱lo̱i ke̱ lalatše̱mei ke̱ Levibii le̱,

Nehemia 7:1 Iomraidhean Croise

2 Maŋtsɛmɛi 7:10

Kɛkɛ ni amɛshi Siriabii lɛ ashitoohe lɛ kɛtee Samaria. Kɛkɛ ni kpitiyelɔi lɛ bo amɛtsɛ maŋ lɛ agbonaabulɔi lɛ, ni amɛkɛɛ amɛ akɛ, “Wɔtee Siriabii lɛ ashitoohe lɛ; ni naa, anaaa mɔ ko mɔ ko lɛ, anuuu mɔ ko mɔ ko he hu akɛ ja okpɔŋɔi ni afimɔ amɛ aŋmɔlɔ̃ shi; ni tejii lɛ hu ŋmɔlɔ shi; ni bui lɛ hu mamɔ shi bɔ ni eyɔɔ ni Siriabii lɛ shi amɛ lɛ nɔŋŋ.”

2 Kronika 31:2

Maŋtsɛ Hezekia hã akɛ bɔ ni ajara osɔfoi lɛ kɛ Levibii lɛ amli kuikui sa lɛ bɔ̃i nitsumɔ ekoŋŋ bɔ ni ku fɛɛ ku yɛ enitsumɔ krɛdɛɛ lɛ. Mɛi yɛ ni shãa afɔle ni ashãa fɛɛ lɛ, kɛ shidaa afɔlei lɛ; ni mɛi yɛ ni sɔmɔɔ yɛ jamɔ lɛ mli, ni mɛi yɛ ni laa kɛjieɔ Yehowa yi; dani mɛi yɛ ni buɔ Sɔlemɔ we lɛ agboi lɛ anaa.

Ezra 3:8

No hewɔ lɛ, be ni Israelbii lɛ ba Yehowa we lɛ yɛ Yerusalɛm lɛ, enɔ afi ni ji enyɔ yɛ nyɔŋ ni ji enyɔ lɛ nɔ lɛ, Zerubabel, Shealtiel bi lɛ, kɛ Yeshua, Yozadak bi lɛ, kɛ amɛnyɛmimɛi ni eshwɛ lɛ kɛ osɔfoi lɛ kɛ Levibii lɛ, kɛ mɛi fɛɛ ni ku amɛsɛɛ kɛjɛ nomŋɔɔ lɛ mli kɛba Yerusalɛm lɛ bɔ̃i nitsumɔ lɛ. Amɛfamɔ Levibii fɛɛ ni eye afii nyɔŋmai enyɔ kɛyaa lɛ koni amɛkwɛ Yehowa we lɛ nitsumɔ lɛ nɔ.

Nehemia 10:39

Ejaakɛ esa akɛ Israelbii lɛ kɛ Levibii lɛ kɛ abele kɛ wain hee kɛ mu lɛ aya ayawo nitoohe lɛ mli he ni he krɔŋkrɔŋ lɛ nibii lɛ kɛ osɔfoi lɛ ni sɔ̃mɔɔ lɛ kɛ agbonaakwɛlɔi lɛ kɛ lalatsɛmɛi lɛ yɔɔ lɛ. Wɔŋmɛŋ wɔNyɔŋmɔ lɛ we lɛ he nitsumɔ lɛ he wɔfɔŋ shi dɔŋŋ.

Nehemia 11:3

Yuda maji lɛ amli lɛ, mɔ fɛɛ mɔ hi lɛ diɛŋtsɛ emaŋ yɛ shikpɔŋ lɛ nɔ: Israelbii, kɛ osɔfoi kɛ Levibii kɛ Sɔlemɔ we sɔ̃ɔlɔi kɛ Solomon tsuji abii lɛ.

Nehemia 12:24

Levibii lɛ atsɛmɛi awei lɛ ayitsei ni ji Hashibia kɛ Sherebia kɛ Yeshua, Kadmiel bi lɛ, to gbɛjianɔ. Afee kui enyɔ; ku kome miijie Nyɔŋmɔ yi, ni amɛmiida lɛ shi; belɛ ku ni ji enyɔ ni yɔɔ amɛhiɛ lɛ miihere nɔ. Amɛ jie Nyɔŋmɔ yi, ni amɛda lɛ shi tamɔ bɔ ni Nyɔŋmɔ gbɔmɔ David ewo kitã lɛ.

Nehemia 6:1

Sanbalat kɛ Tobia kɛ Geshem, Arabianyo lɛ, kɛ wɔhenyɛlɔi krokomɛi lɛ nu akɛ mitswa gbogbo lɛ, ni ehe ko ni ekumɔ bɛ dɔŋŋ; ni eshwɛ agboi lɛ anaa shinai lɛ pɛ ni matara.

Nehemia 6:15

Gbii nyɔŋmai enumɔ kɛ enyɔ sɛɛ lɛ, agbe nitsumɔ lɛ naa. Agbe naa yɛ nyɔŋ ni ji Elul lɛ nɔ gbi ni ji nyɔŋmai enyɔ kɛ enumɔ lɛ nɔ.

Nehemia 6:19

Mɛi bawieɔ Tobia he ekpakpa amɛhãa mi, ni amɛyagbaa lɛ nɔ ni mi hu mikɛɔ. Tobia ŋmalaa mi woji, ni ekɛwoɔ mihe gbeyei.