Nehemia 6:9 - ŊMALƐ KRƆŊKRƆŊ LƐ

⁹ Amɛ fɛɛ lɛ, wɔhe gbeyei kɛkɛ amɛtaoɔ amɛwo, ni amɛsusuɔ akɛ wɔnijiaŋ baaje wui yɛ nitsumɔ lɛ he koni egɔ̃. Shi misɔle mikɛɛ, “Oo Nyɔŋmɔ, wo mi ekãa.”

Ṅmãle̱ Kroṅkroṅ Le̱

⁹ Edšake̱ ame̱fẽ le̱, wo̱he gbeyei ke̱-ke̱ ame̱taoo̱ ame̱wo, ni ame̱susuo̱ ake̱: Ame̱nidšiaṅ badše wui ye̱ nitšumo̱ le̱ he, ni agõ. — Nohewo̱ le̱ agbe̱ne̱, wadšemo̱ minidšiaṅ!

Nehemia 6:9 Iomraidhean Croise

2 Kronika 15:7

Shi nyɛ lɛ, nyɛfia shi, ni nyɛnijiaŋ akajea wui ejaakɛ nɔ ni nyɛtsuɔ nɛɛ efeŋ yaka.”

2 Kronika 32:18

Asiria maŋtsɛ lɛ tsuji lɛ bolɔ kɛ gbee waa yɛ Yudafoi amaŋ wiemɔ lɛ mli amɛtsɛ Yerusalɛmbii ni yɔɔ maŋ lɛ gbogbo lɛ nɔ lɛ koni amɛwo amɛhe gbeyei, ni amɛhã amɛ jijaa bɔ ni afee ni amɛnyɛ maŋ lɛ amɛŋɔ.

Ezra 1:6

Mɛi ni kɛ amɛ je shwieka lɛ fɛɛ wa amɛ kɛ jwiɛtɛi okpolui pɛmpɛbii kɛ shika kɛ nibiinibii kɛ kooloi kɛ nibii ni jara wa; ni asaŋ amɛhã nikeenii yɛ tsuijurɔ naa.

Nehemia 6:14

Misɔle mikɛɛ, “MiNyɔŋmɔ, kaimɔ ni okɛ Tobia kɛ Sanbalat aye kɛ joomɔ yɛ nibii ni amɛfee lɛ naa. Kaimɔ gbalɔyoo Noadia kɛ gbalɔi krokomɛi lɛ hu koni okɛ amɛ aye; amɛ amɛtaoɔ ni kulɛ amɛwo mihe gbeyei lɛ.”

Lalai 138:3

Gbi nɔ ni mitsɛ bo lɛ, ohere mi nɔ; owo mi ekãa, ni misusuma na hewalɛ.

Lalai 56:3

Kɛji gbeyei mɔ mi lɛ, mikɛ mihiɛ fɔ̃ɔ bo onɔ.

Lalai 68:35

Nyɔŋmɔ he yɛ gbeyei kɛji eeba kɛjɛ ehe krɔŋkrɔŋ lɛ, Israel Nyɔŋmɔ lɛ, lɛ ehãa ewebii ahewalɛ ni ewoɔ amɛ ekãa. Ajie Nyɔŋmɔ yi!

Lalai 71:1

Oo Yehowa, bo abo mibaa; kaahã mihiɛ miigbo gbi ko gbi ko!

Yesaia 40:29

Ehãa mɔ ni egbɔjɔ naa hewalɛ, ni mɔ ni bɛ nyɛmɔ lɛ, ehãa lɛ nyɛmɔ ni mli wa.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yeremia 38:4

Kɛkɛ ni lumɛi nɛɛ tee ni amɛyakɛɛ Maŋtsɛ Zedekia akɛ, “Hã agbe nɛkɛ nuu nɛɛ, ejaakɛ tabilɔi ni eshwɛ yɛ maŋ lɛ mli lɛ kɛ maŋ muu lɛ fɛɛ anijiaŋ miije wui yɛ nɛkɛ wiemɔi nɛɛ ni ewieɔ ewoɔ amɛtoiiaŋ lɛ ahewɔ. Nuu nɛɛ taooo maŋbii lɛ ekpakpa, fe efɔŋ moŋ.”

Ezekiel 30:24

Ni mawo Babilon Maŋtsɛ lɛ hewalɛ, ni mikɛ miklante lɛ baawo edɛŋ; shi Farao lɛ, lɛ lɛ maku enine, ni eeekɛ̃mɔ yɛ Babilon Maŋtsɛ lɛ hiɛ tamɔ mɔ ni apila lɛ gbele nɔ.

Zakaria 10:12

Mawo amɛ hewalɛ lɛ yɛ Yehowa mli, ni amɛbaanya yɛ egbɛi mli. Mi, Yehowa, mi mikɛɛ.”

2 Korintobii 12:9

ni ekɛɛ mi akɛ, “Miduromɔ lɛ fa hã bo, ejaakɛ mihewalɛ lɛ, gbedeefeemɔ mli eyeɔ emuu yɛ.” No hewɔ lɛ, misumɔɔ titri akɛ mashwã mafɔ̃ migbedeefeemɔi lɛ anɔ moŋ, koni Kristo hewalɛ lɛ abu mihe.

Efesobii 3:16

Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Hebribii 12:12

Hewɔ lɛ nyɛwajea niji ni egbede kɛ nakutsei ni egbɔjɔ lɛ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

1 Samuel 30:6

Sane wulu bakã David nɔ, ni ehe jara lɛ jogbaŋŋ diɛŋtsɛ, ejaakɛ ewebii lɛ kɛɛ amɛbaatswia lɛ tɛ, ejaakɛ mɔ fɛɛ mɔ musuŋ miishã lɛ yɛ ebihii kɛ ebiyei lɛ ahewɔ. Shi Yehowa, David Nyɔŋmɔ lɛ, waje David ni ewo lɛ hewalɛ.