Nehemia 5:9 - ŊMALƐ KRƆŊKRƆŊ LƐ

⁹ Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Ṅmãle̱ Kroṅkroṅ Le̱

⁹ Ni misā mikē̱: Noni nyefeo̱ ne̱ ehĩĩ! Ani esaa ake̱ nyenyieo̱ ye̱ wo̱-Nyoṅmo̱ le̱ gbeyeišemo̱ mli, ye̱ dšeṅmãdši ní dši wo̱henye̱lo̱i le̱ ahora ní ame̱-abo̱wo̱ le̱ hewo̱ lo?

Nehemia 5:9 Iomraidhean Croise

1 Mose 20:11

Abraham to he akɛ, “Miyasusu akɛ ekolɛ mɛi ni yɔɔ biɛ nɛɛ lɛ sheee Nyɔŋmɔ gbeyei, ni amɛbaagbe mi yɛ miŋa lɛ hewɔ.

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

2 Samuel 12:14

Shi kɛ̃lɛ akɛ obuuu Yehowa yɛ nɔ ni ofee lɛ hewɔ lɛ, bi lɛ ni abaafɔ ahã bo lɛ yi naŋ wala; gbo eeegbo.”

Nehemia 4:4

Misɔle mikɛɛ, “Bo toi, wɔNyɔŋmɔ. Bo bɔ ni agbeɔ wɔhe guɔ toi. Hã ni ahora ni amɛbɔɔ wɔ lɛ aku sɛɛ abua amɛ diɛŋtsɛ amɛyiteŋ; hã aŋɔ amɛ nom, ni aha amɛnii.

Nehemia 5:10

Mi kɛ minyɛmimɛi lɛ kɛ miwebii lɛ hu, wɔfaa wɔnyɛmimɛi Yudafoi lɛ shika kɛ abele. Nyɛhãa wɔkɛ nɛkɛ hekpawoo nɛɛ akea.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Lalai 90:11

Namɔ le omlifu lɛ mli walɛ? Namɔ le gbeyei ni esa akɛ asheɔ bo yɛ omlila lɛ hewɔ?

Abe̱i 16:29

Basabasafeelɔ lakaa ehe gbɔmɔ, ni ekpalaa lɛ kɛyaa gbɛ fɔŋ nɔ.

Abe̱i 17:26

Ehiii akɛ agbala jalɔ toi aloo ayi ablade yɛ jalɛ sane hewɔ.

Abe̱i 18:5

Ehiii akɛ akwɛ efɔŋfeelɔ hiɛ ni abu lɛ bem, aloo atsɔ̃ jalɔ sane hiɛ abu shi.

Abe̱i 19:2

Shwe ni ashweɔ nɔ ko ni nilee bɛ mli lɛ ehiii; ni mɔ ni nyiɛɔ kplakpla lɛ eduɔ gbɛ.

Abe̱i 24:23

Nilelɔi awiemɔi lɛ ekomɛi hu nɛ. Hiɛaŋkwɛmɔ yɛ kojomɔ mli lɛ, ehiii.

Ezekiel 36:20

Be ni amɛtee majimaji lɛ amli lɛ, he fɛɛ he ni amɛshɛ lɛ amɛgbe migbɛi krɔŋkrɔŋ lɛ he guɔ; ejaakɛ nɔ ni mɛi kɛɛ yɛ amɛhe ji akɛ, ‘Yehowa webii nɛ, shi kɛ̃lɛ naa amɛ ni amɛje amɛNyɔŋmɔ lɛ shikpɔŋ lɛ nɔ.’

3 Mose 25:36

Kaahe lɛ nɔ ko he kpa, ni kaaŋmɛ nyɔmɔ ko ni ewoɔ bo nɔ; shi oshe oNyɔŋmɔ lɛ gbeyei; ni oŋmɛ onyɛmi Israelnyo lɛ gbɛ koni ehi omasɛi.

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Romabii 2:24

Ejaakɛ aŋma akɛ, “Nyɛhewɔ lɛ awieɔ Nyɔŋmɔ gbɛi lɛ he musubɔɔ wiemɔi yɛ jeŋmaji lɛ ateŋ.”

1 Timoteo 5:14

No hewɔ lɛ, miisumɔ akɛ yei okulafoi ni drako lɛ agbã, ni amɛfɔ bii, ni amɛye amɛwe nɔ, ni amɛkahã henyɛlɔ lɛ miina hegbɛ ko kɛmiijɛ wɔ.

Tito 2:5

amɛjwɛŋmɔ akã shi, amɛhe atse, amɛtsu amɛshĩa nii jogbaŋŋ, amɛmli ahi, amɛba amɛhe shi amɛhã amɛ diɛŋtsɛ amɛwumɛi, koni akawie Nyɔŋmɔ wiemɔ lɛ he musubɔɔ wiemɔ.

1 Petro 2:12

ni nyɛba nyɛjeŋ jogbaŋŋ yɛ jeŋmajiaŋbii lɛ ateŋ, koni be mli ni amɛwieɔ nyɛhe akɛ efɔŋfeelɔi lɛ, amɛkɛ nyɛnitsumɔi kpakpai lɛ ni amɛbaana lɛ awo Nyɔŋmɔ hiɛ nyam yɛ saramɔ Gbi lɛ nɔ.

1 Samuel 2:24

Nyɛkafea nakai kɔkɔɔkɔ, mibii. Saji ni minuɔ yɛ Yehowa webii anaa yɛ nyɛhe lɛ, ehiii.