Nehemia 5:2 - ŊMALƐ KRƆŊKRƆŊ LƐ

² Maŋbii lɛ ateŋ mɛi komɛi kɛɔ akɛ, “Wɔ kɛ wɔbii lɛ, wɔyi fa yɛ wɔshĩai amli. Ahã wɔ abele bɔ ni sa ni wɔye koni wɔyi ana wala.”

Ṅmãle̱ Kroṅkroṅ Le̱

² Edšake̱ meikomei ye̱ ní kē̱o̱ ake̱: Wo̱ke̱ wo̱bihĩĩ ke̱ wo̱biyei le̱, wo̱yi fá; ahãwo̱ able ní wo̱ye ní wo̱yi aná wala!

Nehemia 5:2 Iomraidhean Croise

1 Mose 41:57

Asaŋ mɛi jɛ majimaji fɛɛ anɔ kɛba Ijipt koni amɛbahe abele yɛ Yosef ŋɔɔ yɛ Ijipt ejaakɛ hɔmɔ lɛ naa wa naakpa yɛ je lɛ mli fɛɛ.

1 Mose 42:2

Etee nɔ ekɛɛ akɛ, “Naa, minu akɛ abele yɛ Ijipt; nyɛyaa jɛi ni nyɛyahea abele nyɛbahãa wɔ koni wɔyi ana wala ni wɔkagboi.”

1 Mose 43:8

Kɛkɛ ni Yuda kɛɛ etsɛ Yakob akɛ, “Okɛ gbekɛ lɛ awo midɛŋ ni wɔyi mli kɛya, koni wɔ kɛ bo kɛ wɔbii bibii lɛ ayi ana wala, ni wɔkagboi.

1 Mose 47:19

Mɛɛ hewɔ oookwɛ ni wɔgboi ni wɔshikpɔji lɛ hu aje wɔdɛŋ lɛ? Ŋɔɔ niyenii ohe wɔ kɛ wɔshikpɔji lɛ koni wɔtsɔ̃mɔ Farao nyɔji koni wɔshikpɔji lɛ hu atsɔ̃ enɔ. Hã wɔ dumɔwui koni wɔyi ana wala ni wɔkagboi ni wɔshikpɔŋ lɛ batsɔ amaŋfɔ̃.”

2 Maŋtsɛmɛi 4:1

Gbalɔi aku lɛ mli bii lɛ ateŋ mɔ kome ŋa okulafo tee Elisha ŋɔɔ, ni eyakɛɛ lɛ akɛ, “Ataa, naa, otsulɔ ni ji miwu lɛ egbo, ni ole akɛ esheɔ Yehowa gbeyei. Shi amrɔ nɛɛ mɔ ko ni miwu lɛ hiɛ lɛ nyɔmɔ ebamɔmɔ mibihii lɛ kɛtee eyafee amɛ enyɔji.”

Nehemia 5:3

Mɛi krokomɛi hu kɛɔ akɛ, “Hɔ̃mɔ lɛ hewɔ lɛ, wɔkɛ wɔŋmɔji kɛ wɔwain tromi kɛ wɔshĩai totoɔ awaba koni wɔna shika wɔkɛhe abele.”

Hagai 1:6

Nyɛduɔ nii babaoo, shi fioo pɛ nyɛnaa nyɛkpaa. Nyɛyeɔ nii, shi nyɛtɔrɔɔɔ; ni nyɛnuɔ dãa shi nyɛtɔrɔɔɔ dãa. Nyɛbuɔ mama, shi mɔ ko mɔ ko he efeee kulɔɔ. Ni mɔ ni yeɔ apaa ni awoɔ lɛ nyɔmɔ hu lɛ, ekɛwoɔ kotoku ni shishi egbulɔ mli.”

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

5 Mose 23:19

“Kɛji ofa onyɛmi Israelnyo shika loo niyenii loo nɔ ko ni aheɔ ehe kpa lɛ, lɛ lɛ kaahe lɛ nii lɛ he kpa.