Nehemia 5:13 - ŊMALƐ KRƆŊKRƆŊ LƐ

¹³ Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Ṅmãle̱ Kroṅkroṅ Le̱

¹³ Misã mihoso mitade le̱ tšitši hũ ni mikē̱: Mofẽmo ní yee ne̱ke̱ šiwō ne̱ no̱ le̱, bo̱ni Nyoṅmo̱ aahosole̱ ke̱-dše ewe ke̱ enitšumo̱ mli ne̱, bo̱ noṅṅ ní aahosole̱ ni afele̱ ſe̱m ne̱! Ni asafo mū le̱ fẽ kē̱: Amen! ni ame̱dšie Iehowa yi. Ni maṅ le̱ ye šiwō ne̱ no̱.

Nehemia 5:13 Iomraidhean Croise

2 Maŋtsɛmɛi 23:3

Kɛkɛ ni maŋtsɛ lɛ yadamɔ maŋtsɛmɛi ashidaamɔhe lɛ, yɛ Sɔlemɔ we lɛ, ni ekɛ Yehowa kpãŋ akɛ, ebaanyiɛ Yehowa sɛɛ, ni ebaaye emlai lɛ kɛ ekitãi lɛ kɛ ekpɔi lɛ anɔ kɛ etsui muu lɛ fɛɛ, kɛ esusuma muu lɛ fɛɛ koni eye nɛkɛ kpãŋmɔ nɛɛ mli wiemɔi ni aŋmã yɛ wolo nɛɛ mli lɛ fɛɛ nɔ. Maŋ muu lɛ fɛɛ wo shi akɛ amɛbaaye kpãŋmɔ nɛɛ nɔ.

1 Kronika 16:36

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ!” Kɛkɛ ni maŋ muu lɛ fɛɛ here nɔ amɛkɛɛ, “Amen!” Ni amɛ jie Yehowa yi.

Nehemia 8:6

Kɛkɛ ni Ezra jie Yehowa, Nyɔŋmɔ kpeteŋkple lɛ, yi. Maŋ muu lɛ fɛɛ here nɔ amɛkɛɛ, “Amen! Amen!” Amɛhole amɛniji anɔ. No sɛɛ lɛ, amɛmamɔ amɛyi shi, ni amɛkɛ amɛhiɛ bumɔ shi, ni amɛja Yehowa.

Lalai 119:106

Mikã kitã, ni mima nɔ mi akɛ maye ojalɛ mlai lɛ anɔ.

Lalai 50:14

Ŋɔɔ shidaa afɔle ohã Nyɔŋmɔ; koni oye oshi ni owo ŋwɛi flooflonyo lɛ nɔ;

Lalai 76:11

Nyɛwoa Yehowa, nyɛNyɔŋmɔ lɛ shi; ni nyɛyea nyɛshiwoi lɛ anɔ. Nyɛhãa mɛi fɛɛ ni bɔle lɛ lɛ kɛ nikeenii abahã, mɔ ni he yɔɔ gbeyei naakpa lɛ,

Abe̱i 28:4

Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.

Jajelɔ 5:5

Faŋ nɔ ni owooo shi kwraa, fe nɔ ni owo shi ni oyeee nɔ.

4 Mose 5:22

Kɛji nɛkɛ nu nɛɛ ni gbalaa loomɔ kɛbaa lɛ bote omli lɛ, ehã omusu afũu, ni oyoohe abɛ.’ ” Yoo lɛ ahere osɔfo lɛ nɔ akɛ, “Amen. Amen!”

Mateo 10:14

Ni kɛji mɔ ko hereee nyɛ, ni ebooo nyɛwiemɔi lɛ atoi lɛ, kɛ nyɛmiije nakai shĩa lɛ loo nakai maŋ lɛ mli lɛ, nyɛkpokpoa nyɛnajiashi mlu lɛ.

Bɔfoi 13:51

Shi amɛ lɛ amɛkpokpo amɛnajiashi mlu amɛshwie amɛnɔ, ni amɛyiŋ kɛtee Ikonium.

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

1 Korintobii 14:16

Ejaakɛ kɛ okɛ mumɔ miijɔɔ lɛ, te aaafee tɛŋŋ ni mɔ ni leee mli eko lɛ aahere oshidaa lɛ nɔ akɛ “Amen”, akɛni eleee nɔ ni okɛɔ lɛ?

1 Samuel 15:28

Kɛkɛ ni Samuel kɛɛ Saul akɛ, “Yehowa shɔ̃ Israel nɔ maŋtsɛyeli lɛ yɛ odɛ̃ŋ kɛjɛ ŋmɛnɛ, ni ekɛhã onaanyo ni hi fe bo.