Nehemia 5:12 - ŊMALƐ KRƆŊKRƆŊ LƐ

¹² Kɛkɛ ni amɛkɛɛ, “Wɔkɛbaaku sɛɛ wɔhã amɛ ni wɔheŋ nɔ ko yɛ amɛdɛŋ. Wɔɔɔfee tamɔ bɔ ni okɛɛ lɛ.” Mitsɛ osɔfoi lɛ kɛba, ni mihã maŋhiɛnyiɛlɔi lɛ kamɔ kitã akɛ amɛaafee bɔ ni amɛwo shi nɛɛ.

Ṅmãle̱ Kroṅkroṅ Le̱

¹² Ke̱ke̱ ni ame̱kē̱: Wo̱o̱dãi wo̱hã, ni wo̱heṅ noko ye̱ ame̱dẽ; ni wo̱o̱fe nakai, tamo̱ bo̱ni okē̱ le̱. Ke̱ke̱ ni mitšé̱ oso̱foi le̱ ke̱-ba, ni mihã ame̱kãmo̱ kitãi ake̱ ame̱afe bo̱ni ame̱wo ši ne̱.

Nehemia 5:12 Iomraidhean Croise

Ezra 10:12

Kɛkɛ ni asafo muu lɛ fɛɛ here nɔ waa amɛkɛɛ, “Nakai ni; esa akɛ wɔfee bɔ ni okɛɛ lɛ.

Ezra 10:5

Kɛkɛ ni Ezra te shi, ni ebi osɔfoi kɛ Levibii lɛ nukpai lɛ kɛ Israel maŋ muu lɛ fɛɛ koni amɛkãmɔ kitã akɛ amɛbaafee bɔ ni akɛɛ lɛ ni amɛkãmɔ kitã lɛ.

Nehemia 10:29

wɔ kɛ wɔnyɛmimɛi ni ji wɔhiɛnyiɛlɔi lɛ efee ekome kɛmiikã kitã. Kɛ wɔku mli lɛ, efee loomɔ ehã wɔ. Wɔmiikã kitã akɛ wɔbaaye Nyɔŋmɔ mla lɛ ni atsɔ̃ Nyɔŋmɔ tsulɔ Mose nine nɔ awo lɛ nɔ. Wɔbaajwɛŋ nɔ ni wɔye Yehowa, wɔNuŋtsɔ lɛ, kitãi kɛ emlai kɛ ekpɔi lɛ fɛɛ anɔ.

Nehemia 10:30

Wɔkɛ wɔbiyei haŋ shikpɔŋ lɛ nɔ bii lɛ gbãlã, ni asaŋ wɔŋɔŋ amɛbiyei wɔhaŋ wɔbihii.

Nehemia 10:31

Kɛji shikpɔŋ lɛ nɔ bii lɛ kɛ guɔnii loo abele ba hɔ̃ɔmɔ yɛ hejɔɔmɔ gbi lɛ nɔ loo gbi krɔŋkrɔŋ lɛ eko nɔ lɛ wɔheŋ. Asaŋ daa afi nɔ ni ji kpawo lɛ nɔ lɛ, wɔhuŋ wɔŋmɔji lɛ, ni nyɔmɔ fɛɛ nyɔmɔ ni ahiɛ wɔ lɛ wɔkɛbaake.

Nehemia 13:25

Mihiɛ dɔ wo amɛ, ni milomɔ amɛ. Miyi amɛteŋ mɛi komɛi, ni mifamɔ amɛyiteŋ tsɔi. Mihã amɛkã Nyɔŋmɔ kitã akɛ amɛkɛ amɛbiyei lɛ haŋ maŋsɛɛbii abihii gbãlã, ni amɛŋɔŋ maŋsɛɛbii abiyei amɛhaŋ amɛbihii lɛ. Asaŋ amɛ diɛŋtsɛ hu amɛkɛ maŋsɛɛbii ehiŋ shi.

Nehemia 5:11

Nyɛkɛ amɛŋmɔji kɛ amɛwain tromi kɛ amɛmu tromi kɛ amɛshĩai lɛ akũa sɛɛ ahãa amɛ ŋmɛnɛ gbi nɛɛ nɔŋŋ. Nyɛkɛ shika kɛ abele kɛ wain kɛ mu mlijai oha mli ekome ni ji hekpa ni nyɛheɔ yɛ amɛdɛŋ lɛ hu akũa sɛɛ ahãa amɛ.”

Mateo 26:63

Shi Yesu etswaaa esɛŋ. Ni osɔfonukpa lɛ kɛɛ lɛ akɛ, “Mina Nyɔŋmɔ, hiɛkãalɔ lɛ, akɛ kɛji bo ji Kristo, Nyɔŋmɔ Bi lɛ, kɛɛmɔ wɔ!”

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”