Nehemia 4:7 - ŊMALƐ KRƆŊKRƆŊ LƐ

⁷ Shi be ni Sanbalat kɛ Tobia kɛ Arabiabii kɛ Amonbii kɛ Ashdodbii lɛ nu akɛ atsara Yerusalɛm gbogboi lɛ kɛkpe, ni abɔ̃i fɔji lɛ tsiimɔ lɛ, amɛmli wo la naakpa.

Ṅmãle̱ Kroṅkroṅ Le̱

⁷ [13.] Nohewo̱ le̱ miṅõ mei mito gbogbo le̱ se̱ hei ni kwo̱o̱ ni kã ši kplanā le̱; ni mito maṅ le̱ ye̱ ame̱wekui le̱ anā, ke̱ ame̱klantei ke̱ ame̱kplo̱i ke̱ ame̱gãii.

Nehemia 4:7 Iomraidhean Croise

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

2 Maŋtsɛmɛi 24:2

Ni Yehowa tsu Babilonbii atai lɛ kɛ Siriabii atai lɛ kɛ Moabbii atai lɛ kɛ Amonbii atai lɛ kɛbatua Yehoiakim koni amɛfite Yuda taakɛ Yehowa tsɔ̃ etsuji gbalɔi lɛ anɔ ewie lɛ.

2 Kronika 20:1

Saji nɛɛ asɛɛ lɛ Moabbii lɛ kɛ Amonbii lɛ na Meunbii lɛ ekomɛi fata amɛhe, kɛkɛ ni amɛfã ta kɛbatua Yuda.

Ezra 5:8

Wɔmiitao ni Maŋtsɛ ana ale akɛ wɔyiŋ wɔtee Yuda shikpɔŋ lɛ nɔ, ni wɔtee Nyɔŋmɔ kpeteŋkple lɛ we lɛ. Aama kɛ tɛi kpeleikpelei, ni akɛ tsei eshwie egbogboi lɛ anɔ. Ahiɛ nɛkɛ nitsumɔ nɛɛ mli kɛ mɔdɛŋbɔɔ, ni eeya nɔ jogbaŋŋ yɛ mɛi ni tsuɔ nii lɛ adɛŋ.

Nehemia 2:10

Shi be ni Sanbalat, Horonnyo lɛ, kɛ Tobia, Amonnyo ni ji nyɔŋ lɛ nu lɛ, edɔ amɛ naakpa akɛ nuu ko eba ni ebatao Israelbii lɛ ejurɔyeli.

Nehemia 2:19

Shi be ni Sanbalat, Horonnyo lɛ, kɛ Tobia, Amonnyo ni ji nyɔŋ lɛ kɛ Geshem, Arabianyo lɛ, nu lɛ, amɛŋmɔ wɔ, ni amɛye wɔhe fɛo amɛkɛɛ, “Mɛɛ sane nyɛyeɔ nɛɛ? Aso nyɛmitse Maŋtsɛ lɛ hiɛ atua?”

Nehemia 4:1

Be ni Sanbalat nu akɛ wɔ, Yudafoi lɛ, wɔmiitswa gbogbo lɛ, emli fu ni emli wo la naakpa. Eye wɔhe fɛo,

Nehemia 4:6

No hewɔ lɛ, wɔtswa gbogbo lɛ kɛkpe kɛyashi enɔkwɔlɛ lɛ mlijaa, ejaakɛ maŋ lɛ yɛ nitsumɔ lɛ he tsui.

Nehemia 4:8

Amɛ fɛɛ tswɛm amɛtee apam akɛ amɛmiiba ni amɛbatua Yerusalɛm ni amɛhã jɛi afee basabasa.

Nehemia 6:16

Be ni wɔhenyɛlɔi lɛ fɛɛ nu lɛ, jeŋmaji ni bɔle wɔ lɛ fɛɛ she gbeyei, ni amɛhiɛ gboi wo amɛyitseiaŋ, ejaakɛ amɛyoo akɛ, nitsumɔ lɛ, Nyɔŋmɔ yelikɛbuamɔ naa ni anyɛ atsu.

Yeremia 25:20

kɛ maŋsɛɛbii ni yɔɔ amɛteŋ lɛ hu. Uz shikpɔŋ lɛ nɔ maŋtsɛmɛi lɛ fɛɛ kɛ Filistibii ashikpɔŋ lɛ nɔ maŋtsɛmɛi lɛ ni yɔɔ Ashkelon kɛ Gaza kɛ Ekron kɛ mɛi ni eshwɛ yɛ Ashdod maŋ lɛ mli lɛ hu fɛɛ nu eko.

Yeremia 41:10

Kɛkɛ ni Ishmael ŋɔ maŋtsɛ biyei lɛ kɛ mɛi fɛɛ ni tatsɛ Nebuzaradan eŋɔ ewo Gedalia nɔkwɛmɔ shishi yɛ Mizpa kɛ maŋbii krokomɛi fɛɛ ni eshwɛ yɛ Mizpa lɛ nom, ni ekɛ amɛ yi mli, ni efo mli kɛtee Amonbii lɛ ashikpɔŋ lɛ nɔ.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Amos 1:8

Mibaplene Ashdod maŋ lɛ mli bii kɛ lumɔ ni yeɔ Ashkelon nɔ lɛ hu; ni mibatsɔ̃ mihiɛ mawo Ekron hu, ni mibakpãtã Filistibii ni baashwɛ lɛ fɛɛ ahiɛ.”

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Bɔfoi 5:33

Shi be ni amɛnu lɛ ewo amɛmli la ni amɛto amɛyiŋ akɛ amɛaagbe amɛ.

Kpojiemɔ 12:17

Kɛkɛ ni drako lɛ mli fu yoo lɛ, ni eyiŋ etee ni ekɛ yoo lɛ shwiei ni eshwɛ ni yeɔ Nyɔŋmɔ kitãi lɛ anɔ ni amɛhiɛ Yesu Kristo odase lɛ mli lɛ ayawu.

1 Samuel 11:2

Shi Nahash, Amonbii amaŋtsɛ lɛ, hã amɛ hetoo ekɛɛ, “Dani mikɛ nyɛ aaakpãŋ ni wɔfee ekome lɛ, ja nyɛhã mifamɔ nyɛninejurɔ hiŋmɛii fɛɛ yɛ nyɛyitsei ahe koni kpa ni nyɛbaaje lɛ ahã Israel muu lɛ fɛɛ hiɛ ashwie shi.”