Nehemia 3:26 - ŊMALƐ KRƆŊKRƆŊ LƐ

²⁶ Palal sɛɛ lɛ, Pedaia, Parosh bi lɛ, kɛ Sɔlemɔ we sɔ̃ɔlɔi ni hiɔ Ofel lɛ basaa gbogbo lɛ fã kroko kɛyashi he ko ni yɔɔ Nu Agbo lɛ bokãgbɛ kɛ mɔɔ ni etsɛ̃ kɛje kpo lɛ masɛi.

Ṅmãle̱ Kroṅkroṅ Le̱

²⁶ Ši so̱lemo̱we súolo̱i le̱ hĩo̱ Ofel ke̱-yaši nu agbó le̱ ṅe̱le̱no̱ ye̱ bokãgbe̱ ke̱ heni mō̃ ni tšẽ ke̱-dše kpo le̱ yo̱ le̱.

Nehemia 3:26 Iomraidhean Croise

1 Kronika 9:2

Nomi lɛ ateŋ mɛi tsutsu ni ku amɛsɛɛ kɛba amɛ diɛŋtsɛ amɛshikpɔŋ lɛ nɔ amɛbahi amɛmaji amli ekoŋŋ lɛ ateŋ mɛi komɛi ji Israelbii kɛ osɔfoi lɛ kɛ Levibii lɛ kɛ Sɔlemɔ we lɛ mli sɔ̃ɔlɔi lɛ.

2 Kronika 27:3

Maŋtsɛ Yotam ji mɔ ni tswa Kooyi Agbo lɛ ni akɛboteɔ Yehowa We lɛ kpo lɛ nɔ lɛ; ni etswa Ofel Gbogbo lɛ hu nɔ kɛtee ŋwɛi saŋŋ.

2 Kronika 33:14

Sane nɛɛ sɛɛ lɛ Manase tswa gbogbo hee ebɔle David Maŋ lɛ he gbogbo momo lɛ he, kɛjɛ Gihon Nuhiŋmɛi lɛ anaigbɛ, yɛ jɔɔ lɛ mli, aahu kɛho Loo Agbo lɛ he kɛbɔle maŋ lɛ fã ko ni atsɛɔ jɛi akɛ Ofel lɛ. Ehã gbogbo nɛɛ kwɔ fe gbogbo momo lɛ. Asaŋ eto tatsɛmɛi ehã tabilɔi ni yɔɔ Yuda maji fɛɛ ni atswa gbogbo awo amɛhe lɛ amli.

Nehemia 10:28

Wɔ, Israelbii, osɔfoi kɛ Levibii kɛ agbonaakwɛlɔi kɛ lalatsɛmɛi kɛ Sɔlemɔ we sɔ̃ɔlɔi kɛ mɛi fɛɛ hu ni yɛ Nyɔŋmɔ Mla lɛ toiboo naa lɛ amɛtse amɛhe yɛ shikpɔji lɛ anɔ bii lɛ ahe lɛ, wɔ kɛ wɔŋamɛi kɛ wɔbii hii kɛ yei ni hiɛ efã,

Nehemia 11:21

Shi mɛi ni sɔ̃mɔɔ yɛ Sɔlemɔ we lɛ hi Ofel. Amɛnukpai ji Ziha kɛ Gishpa.

Nehemia 12:37

Amɛtsɔ̃ Nubu Agbo lɛ he; ni amɛtee amɛhiɛ tɛ̃ɛ kɛyakwɔ atrakpoi ni akwɔɔ kɛyaa David maŋ lɛ mli lɛ. Amɛkwɔ yɛ kwɔɔhe lɛ, ni amɛtsɔ̃ David we lɛ he kɛtee Nu Agbo lɛ he yɛ bokãgbɛ.

Nehemia 3:27

Pedaia sɛɛ lɛ, Tekoabii lɛ basaa gbogbo lɛ fã ni kwɛɔ mɔɔ wulu somromoo ni etsɛ̃ kɛje kpo lɛ. Amɛsaa gbogbo lɛ aahu kɛyashi Ofel gbogbo lɛ he.

Nehemia 8:1

Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Nehemia 8:16

Kɛkɛ ni maŋ lɛ je kpo amɛtee, ni amɛyaŋɔ tsei aniji lɛ kɛba, ni amɛkɛbafee asesei amɛhã amɛhe, mɔ fɛɛ mɔ lɛ yɛ etsu yiteŋ. Amɛfee asesei yɛ amɛkpoi anɔ kɛ Nyɔŋmɔ We lɛ kpoi lɛ anɔ kɛ Nu Agbo lɛ naa blohu lɛ mli kɛ Efraim Agbo lɛ naa blohu lɛ mli.

Nehemia 8:3

Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

Yesaia 32:14

Ejaakɛ aaajo foi ashi mɔɔ, ni aaashi maŋ ni emli eyi kɛ gbɔmɛi lɛ afɔ̃ shi. Gɔŋkpɔ kɛ buumɔ̃ɔ lɛ aaatsɔ̃ kooloi abui kɛ ŋaŋ tejii amiishɛɛnamɔhe kɛ toi hu aniyelihe kɛaatee naanɔ.