Nehemia 3:15 - ŊMALƐ KRƆŊKRƆŊ LƐ

¹⁵ Nubu Agbo lɛ Shallum, Kol-Hoze bi lɛ ni ji Mizpa mlijaa fã lumɔ lɛ, ji mɔ ni basaa. Lɛ ema, ni eha nɔ, ni etara enaa shinai lɛ kɛ amɛhe sai kɛ amɛsɛɛ adabaŋi lɛ. Lɛ nɔŋŋ etswa Shela Kpaakpo lɛ he gbogbo lɛ ni yɔɔ maŋtsɛ trom lɛ masɛi lɛ, aahu kɛyashi atrakpoi ni kpelekeɔ shi kɛjɛɔ David maŋ lɛ mli lɛ he.

Ṅmãle̱ Kroṅkroṅ Le̱

¹⁵ Ni nubu agbó le̱ Šalun, Kol-Hoze bi le̱, moni dši Mizpa mlidšã fã no̱ lumo̱ le̱, basā; le̱ emã, ni eha no̱, ni etrá enā šĩnāi le̱ ke̱ ame̱he sro̱tōi le̱ ke̱ ame̱se̱ adabãṅi le̱; le̱ noṅṅ etſa *Šiloa kpākpo le̱ he gbogbo le̱ ye̱ maṅtše̱ trom le̱ mase̱i āhū ke̱-yaši atrakpoi ní kplekeo̱ ši ke̱-dše̱o̱ David mã le̱ṅ le̱ he. *Ioh. 9,7.

Nehemia 3:15 Iomraidhean Croise

2 Samuel 5:9

David kɛ Zion fee eshihilɛhe, ni ewo jɛi gbɛi akɛ David Maŋ. Esaa etswa maŋ lɛ ehee, kɛjɛ Milo lɛ he kɛba mli gbɛ ekɛbabɔle mɔɔ lɛ he kpula kɛkpe.

2 Maŋtsɛmɛi 25:4

Kɛkɛ ni agbu gbɛ kɛtsɔ̃ maŋ lɛ gbogbo lɛ mli, ni maŋtsɛ lɛ kɛ etabilɔi lɛ fɛɛ jo foi nyɔɔŋ kɛtsɔ̃ agbo lɛ ni naa kã gbogboi enyɔ ni yɔɔ maŋtsɛ trom lɛ masɛi lɛ ateŋ lɛ gbɛ lɛ nɔ, ni amɛjo foi kɛtsɔ̃ Yordan Jɔɔ lɛ mli gbɛ lɛ nɔ; tsɛbelɛ Babilonbii lɛ egba kɛbɔle maŋ lɛ kɛkpe.

2 Kronika 32:30

Maŋtsɛ Hezekia nɛɛ nɔŋŋ ji mɔ ni yatsi Gihon Nuhiŋmɛi lɛ naa yɛ yiteŋgbɛ, ni edɔ nu lɛ yi, ni ehã ebatsɔ̃ Yerusalɛm anaigbɛ lɛ. Nɔ fɛɛ nɔ ni Hezekia mɔ etsumɔ mli lɛ eshwere.

Nehemia 12:37

Amɛtsɔ̃ Nubu Agbo lɛ he; ni amɛtee amɛhiɛ tɛ̃ɛ kɛyakwɔ atrakpoi ni akwɔɔ kɛyaa David maŋ lɛ mli lɛ. Amɛkwɔ yɛ kwɔɔhe lɛ, ni amɛtsɔ̃ David we lɛ he kɛtee Nu Agbo lɛ he yɛ bokãgbɛ.

Nehemia 2:14

Kɛkɛ ni mifoŋ kɛtee Nubu Agbo lɛ naa kɛ Maŋtsɛ Kpaakpo lɛ hu naa; shi kooloo ni mita nɔ lɛ naaa he ko etsɔ̃ yɛ nikikiŋkoi lɛ amli kɛho.

Nehemia 2:17

Shi agbɛnɛ mikɛɛ amɛ akɛ, “Nyɛ diɛŋtsɛ nyɛmiina nɔ amane mli ni wɔyɔɔ, bɔ ni Yerusalɛm ekumɔ kɛbua shi, ni ehe agboi lɛ hu ashã. Nyɛbaa ni nyɛhãa wɔtswaa Yerusalɛm gbogbo lɛ koni wɔhiɛshishwiemɔ nɛɛ sɛɛ afo.”

Nehemia 3:12

Enɔtsamɔ lɛ Shalum, Halohesh bi lɛ, ni ji Yerusalɛm mlija fã lumɔ lɛ basaa; ebiyei lɛ ye bua lɛ kɛsaa.

Nehemia 3:14

Tumo Agbo lɛ diɛŋtsɛ lɛ mɔ ni saa ji Malkia, Rekab bi lɛ ni ji Bet-Hakerem mlijaa fã lumɔ lɛ. Lɛ ema ni etara enaa shinai lɛ kɛ amɛhe sai kɛ amɛsɛɛ adabaŋi lɛ.

Nehemia 3:19

ni Ezer, Yeshua bi lɛ ni ji Mizpa lumɔ lɛ, basaa fã hu yɛ he ni atsɔ̃ɔ akwɔɔ kɛyaa tawuunii toohe lɛ yɛ gbogbo lɛ koŋ lɛ.

Nehemia 3:7

Nɔ ni tsa enɛ nɔ kɛyashi faa lɛ anaiagbɛ, he ni amralo lɛ shihilɛhe lɛ yɔɔ lɛ, Melatia, Gibeonnyo lɛ, kɛ Yadon, Meronotnyo lɛ, kɛ Gibeon kɛ Mizpabii lɛ ji mɛi ni basaa.

Nehemia 3:9

Nɔ ni tsa nɔ lɛ, Refaia, Hur bi lɛ ni ji Yerusalɛm mlijaa fã lumɔ lɛ, ji mɔ ni basaa.

Jajelɔ 2:6

mije bukoi ni akɛ amɛmli nu shwieɔ tsei ni atɛo lɛ anɔ;

Yesaia 8:6

“Maŋ nɛɛ kwa Shiloa Faa lɛ mli nu ni hoɔ blɛoo lɛ, ni amɛkpokpo yɛ Maŋtsɛ Rezin kɛ Maŋtsɛ Peka, Remalia bi lɛ, hiɛ.

Yeremia 40:6

Kɛkɛ ni Yeremia tee Gedalia, Ahikam bi lɛ, ŋɔɔ yɛ Mizpa, ni ekɛ lɛ hi shi yɛ maŋbii ni eshwɛ yɛ shikpɔŋ lɛ nɔ lɛ ateŋ.

Luka 13:4

Aloo nyɛsusuɔ akɛ, mɛi nyɔŋma kɛ kpaanyɔ lɛ ni Siloam mɔɔ lɛ ku shwie amɛnɔ ni egbe amɛ lɛ, amɛ amɛ ji nɔtɔ̃lɔi fe gbɔmɛi fɛɛ ni yɔɔ Yerusalɛm?

Yohane 9:7

ni ekɛɛ lɛ akɛ, “Yaaju ohe yɛ Siloam (eshishi ji, Mɔ ni atsu lɛ) Kpaakpo lɛ mli.” Kɛkɛ ni etee eyaju ehe, ni eba ni eena nii.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.

Kojolɔi 20:3

Kɛkɛ ni Benyaminbii lɛ nu he akɛ Israelbii lɛ efã kɛtee Mizpa. Agbɛnɛ Israelbii lɛ kɛɛ, “Nyɛtsɔ̃a wɔ bɔ ni fee ni aye nɛkɛ sane fɔŋ nɛɛ.”