Nehemia 3:1 - ŊMALƐ KRƆŊKRƆŊ LƐ

¹ Kɛkɛ ni osɔfonukpa Eliashib, kɛ enyɛmimɛi osɔfoi lɛ tswa Toi Agboi lɛ agbogbo lɛ; amɛtara enaa shinai lɛ, ni amɛjɔɔ nɔ kɛfee lɛ krɔŋkrɔŋ amɛhã Nyɔŋmɔ. Amɛfee gbogbo lɛ krɔŋkrɔŋ aahu kɛyashi Hamea mɔɔ gojoo lɛ kɛ Hananel mɔɔ gojoo lɛ he.

Ṅmãle̱ Kroṅkroṅ Le̱

¹ Ke̱ke̱ ni oso̱fonukpa Eliašib ke̱ enyemimei oso̱foi le̱ te ši ni ame̱mã tōi agbó le̱, ni ame̱fele̱ kroṅkroṅ, ni ame̱trá enā šĩnāi le̱; ame̱fele̱ kroṅkroṅ āhũ ke̱-yaši Hamea mō̃ ní kwo̱ le̱ ke̱ Hananel mō̃ ní kwo̱ le̱ he.

Nehemia 3:1 Iomraidhean Croise

Nehemia 12:10

Yeshua fɔ Yoiakim, ni Yoiakim fɔ Eliashib, ni Eliashib fɔ Yoiada.

Nehemia 12:30

Osɔfoi lɛ kɛ Levibii lɛ tsuu amɛhe. Asaŋ amɛtsuu maŋ lɛ kɛ agboi lɛ kɛ gbogbo lɛ hu ahe.

Nehemia 12:39

Wɔtse mli kɛtsɔ̃ Efraim Agbo lɛ kɛ Agbo Momo lɛ kɛ Loi Agbo lɛ he. Wɔyawa wɔdamɔ shi yɛ Bulɔi Agbo lɛ naa.

Nehemia 13:28

Osɔfonukpa Eliashib bi ji Yoiada. Yoiada bii lɛ ateŋ mɔ kome yaŋɔ Sanbalat Horonnyo lɛ biyoo, ni ekɛ Sanbalat fee shaanuu. No hewɔ lɛ, mishwie Yoiada bi lɛ yɛ mihe.

Nehemia 13:4

Shi dani abaafee enɛ lɛ, osɔfoi Eliashib ni akɛ lɛ eto nitoohei ni yɔɔ wɔNyɔŋmɔ lɛ we lɛ anɔ lɛ, kɛ Tobia efee ekome kɛto gbɛjianɔ.

Nehemia 3:20

Esɛɛ lɛ, Baruk, Zabai bi lɛ, basaa gbogbo lɛ fã kroko kɛjɛ gbogbo lɛ koŋ kɛyashi osɔfonukpa Eliashib shĩa lɛ shinaa lɛ naa.

Nehemia 3:21

Baruk sɛɛ lɛ, Meremot, ni ji Hakoz bi Uria bi lɛ, basaa fã kroko kɛjɛ Eliashib we lɛ shinaa lɛ naa kɛyashi Eliashib we lɛ naagbeehe lɛ tɔ̃ɔ.

Nehemia 3:32

Gbogbo lɛ naagbee fã ni kã ŋwɛitsu lɛ kɛ Toi Agboi lɛ teŋ lɛ, mɛi ni saa no ji shika ŋaalɔi lɛ kɛ jarayelɔi lɛ.

Nehemia 6:1

Sanbalat kɛ Tobia kɛ Geshem, Arabianyo lɛ, kɛ wɔhenyɛlɔi krokomɛi lɛ nu akɛ mitswa gbogbo lɛ, ni ehe ko ni ekumɔ bɛ dɔŋŋ; ni eshwɛ agboi lɛ anaa shinai lɛ pɛ ni matara.

Nehemia 7:1

Agbɛnɛ atswa gbogbo lɛ agbe naa, ni mitara agboi lɛ anaa shinai lɛ, ni ato agbonaakwɛlɔi kɛ lalatsɛmɛi kɛ Levibii lɛ.

Lalai 30:1

Oo Yehowa, makafo O, ejaakɛ ojie mi, ni ohãaa mihenyɛlɔi aye mi yɔɔ.

Lalai 48:12

Nyɛnyiɛa kɛbɔlea Zion he kpula; nyɛkanea emli mɔji ni kwɔlɔ lɛ.

Abe̱i 3:6

kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ.

Abe̱i 3:9

Okɛ onii ni oyɔɔ kɛ onibaanii fɛɛ mli klɛŋklɛŋ nɔ awo Yehowa hiɛ nyam;

Yeremia 31:38

Kɛkɛ ni Yehowa kɛɛ akɛ, “Naa, be miiba, ni abaasaa atswa Yerusalɛm maŋ lɛ ahã mi, Yehowa, kɛjɛ Hananel Mɔɔ ni kwɔ lɛ he kɛyashi Koŋ Agbo lɛ naa.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.

Yohane 5:2

Kpaakpo ko yɛ Yerusalɛm yɛ Toi Agboi lɛ masɛi, ni Hebri wiemɔ mli lɛ atsɛɔ lɛ Betesda, ni koii enumɔ yɛ he.

5 Mose 20:5

“Osɔfo lɛ wiemɔ lɛ sɛɛ lɛ, asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni ema tsu hee ni egbeleko naa lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baagbele tsu lɛ naa.