Nehemia 2:5 - ŊMALƐ KRƆŊKRƆŊ LƐ

⁵ ni mikɛɛ maŋtsɛ lɛ akɛ, “Kɛji esa maŋtsɛ hiɛ, ni kɛji otsulɔ hiɛ eba nyam yɛ ohiɛ lɛ, no lɛ hã maya Yuda yɛ maŋ ni afu mitsɛmɛi yɛ mli lɛ mli, koni mayasaa mama maŋ lɛ ekoŋŋ.”

Ṅmãle̱ Kroṅkroṅ Le̱

⁵ ni mikē̱ maṅtše̱ le̱ ake̱: Ke̱dši esa maṅtše̱ hĩe, ni ke̱dši otšũlo̱ hĩe eba nyam ye̱ ohĩe le̱, hã maya Iuda ye̱ maṅ ní mitše̱mei asãṅi yo̱ mli le̱ṅ, koni mayato ekoṅ!

Nehemia 2:5 Iomraidhean Croise

2 Samuel 14:22

Ni Yoab ho egbee shi ni ekɛ ehiɛ bu shi, ni ekoto Maŋtsɛ David, ni eda lɛ shi ekɛɛ, “Minuŋtsɔ Maŋtsɛ, ŋmɛnɛ mi, otsulɔ, ena ele akɛ oyɛ mihe tsuijurɔ ejaakɛ, maŋtsɛ, ofee nɔ ni mibi lɛ ohã mi.”

Ezra 5:17

No hewɔ lɛ, kɛji esa Maŋtsɛ hiɛ lɛ, no lɛ ehã atao yɛ he ni akɛ saji ni aŋmala ashwie shi lɛ toɔ, yɛ Babilon lɛ, akɛ eyɛ mli akɛ Maŋtsɛ Koresh ewo akpɔ akɛ ayama nɛkɛ Nyɔŋmɔ We nɛɛ ekoŋŋ yɛ Yerusalɛm lo, koni Maŋtsɛ atsu ni abakɛɛ wɔ nɔ ni esumɔɔ ni afee yɛ sane nɛɛ he.”

Nehemia 2:4

Kɛkɛ ni maŋtsɛ lɛ bi mi akɛ, “Mɛni ji nɔ ni otaoɔ?” No hewɔ lɛ, misɔle mikpa ŋwɛi Nyɔŋmɔ lɛ fai,

Nehemia 2:6

Nɛkɛ be nɛɛ mli lɛ, Maŋnyɛ lɛ ta maŋtsɛ lɛ masɛi, ni maŋtsɛ lɛ bi mi akɛ, “Gbii enyiɛ oyaaye, ni mɛɛbe oooku osɛɛ oba ekoŋŋ?” Esa maŋtsɛ lɛ hiɛ akɛ eŋmɛ mi gbɛ ni maya; ni mito lɛ be.

Ester 1:19

No hewɔ lɛ, kɛji Maŋtsɛ miisumɔ lɛ, Maŋtsɛ awo akpɔ, ni aŋma ashi Persia kɛ Media mlai lɛ anɔ, (asaŋ ni akɛɛ hu) akɛ Maŋnyɛ Vashti akana Maŋtsɛ Ahashwerosh hiɛ dɔŋŋ. No sɛɛ lɛ, Nii, okɛ emaŋnyɛyeli lɛ ahã yoo kroko ni fe lɛ.

Ester 5:8

“Kɛji mihiɛ eba nyam yɛ Maŋtsɛ hiɛ, ni Nii yɛ he suɔmɔ akɛ eeefee nɔ ni mabi lɛ ehã mi lɛ, no lɛ Nii kɛ Haman aba okplɔ̃ kroko ko ni mibaŋmɛ amɛ wɔ lɛ he koni mikɛ nɔ ni miyɔɔ ni mabi lɛ aŋmɛ Nii hiɛ wɔ.”

Ester 7:3

Maŋnyɛ Ester here nɔ ni ekɛɛ akɛ, “Maŋtsɛ, kɛji mihiɛ eba nyam yɛ ohiɛ, ni maŋtsɛ yɛ he tsuijurɔ akɛ ebaafee nɔ ni mibabi lɛ lɛ, nɔ ni mibiɔ ji akɛ akɛ miwala ake mi; asaŋ akɛ mimaŋbii hu awala ake amɛ.

Ester 8:5

ni ekɛɛ lɛ akɛ, “Nii, kɛji esa ohiɛ lɛ, no lɛ hã aŋmã wolo koni akɛyatsi yiŋsha ni Hamedata bi Haman, Agagnyo lɛ, to koni ekɛkpãtã Yudafoi ni yɔɔ Maŋtsɛ shikpɔji fɛɛ anɔ lɛ ahiɛ lɛ naa.

Abe̱i 3:4

no dani ooona nyam kɛ bulɛ kpakpa yɛ Nyɔŋmɔ kɛ gbɔmɛi ahiɛ.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

Mateo 23:27

“Kpoo hã nyɛ, mlatsɔɔlɔi kɛ Farisifoi, osatofoi! Nyɛtamɔ gbohii asaŋi ni asha he ni amɛhewɔ efee fɛo moŋ, shi amɛmligbɛ lɛ eyimɔ obɔ̃bɔ̃ kɛ gbohii awui kɛ muji nibii srɔtoi fɛɛ.

Rut Wolo Lɛ 2:13

Kɛkɛ ni Rut kɛɛ, “Minuŋtsɔ, omli jɔ hã mi, ejaakɛ oshɛje mimii, ni okɛ oweyoo ewie yɛ mlihilɛ naa, tsɛbelɛ mi kɛ oweyei lɛ ekoeko tete yeee hegbɔ.”