Nehemia 2:4 - ŊMALƐ KRƆŊKRƆŊ LƐ

⁴ Kɛkɛ ni maŋtsɛ lɛ bi mi akɛ, “Mɛni ji nɔ ni otaoɔ?” No hewɔ lɛ, misɔle mikpa ŋwɛi Nyɔŋmɔ lɛ fai,

Ṅmãle̱ Kroṅkroṅ Le̱

⁴ Ke̱ke̱ ni maṅtše̱ le̱ kē̱mi ake̱: Meni dši noni otaoo̱? Ke̱ke̱ ni mikpa ṅwei Nyoṅmo̱ le̱ fai,

Nehemia 2:4 Iomraidhean Croise

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

1 Maŋtsɛmɛi 3:5

Nyɔɔŋ be ni eyɔɔ jɛi lɛ, Nuŋtsɔ Naa Nyɔŋmɔ jie ehe kpo etsɔ̃ɔ lɛ yɛ lamɔ mli. Ni Nyɔŋmɔ kɛɛ lɛ akɛ, “Bi mi nɔ ni otaoɔ ni mahã bo!”

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Nehemia 1:4

Be ni minu wiemɔ nɛɛ miho mita shi, ni mifo. “Miye ŋkɔmɔ gbii abɔ, ni mihi ŋmãa. Misɔle mikpa Nyɔŋmɔ fai,

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Nehemia 2:20

Mito he akɛ, “Ŋwɛi Nyɔŋmɔ lɛ, lɛ eeehã wɔnyɛ wɔfee. No hewɔ lɛ, wɔ, ni ji etsuji lɛ, wɔbaawo gbogbo lɛ tswaa nɔ; shi nyɛ lɛ nyɛbɛ gbɛfaŋ nɔ ko loo hegbɛ ko loo kaimɔ nɔ ko yɛ Yerusalɛm.”

Nehemia 2:5

ni mikɛɛ maŋtsɛ lɛ akɛ, “Kɛji esa maŋtsɛ hiɛ, ni kɛji otsulɔ hiɛ eba nyam yɛ ohiɛ lɛ, no lɛ hã maya Yuda yɛ maŋ ni afu mitsɛmɛi yɛ mli lɛ mli, koni mayasaa mama maŋ lɛ ekoŋŋ.”

Ester 5:3

Kɛkɛ ni maŋtsɛ lɛ kɛɛ lɛ akɛ, “Maŋnyɛ Ester, mɛni sane ni, mɛni otaoɔ? Nɔ ni ji lɛ bi, ni abaafee ahã bo aahu, kɛji mimaŋtsɛyeli lɛ mlijaa ni po.”

Ester 5:6

Be mli ni anuɔ wain lɛ, maŋtsɛ lɛ bi Ester akɛ, “Mɛni ji osane lɛ; mɛni otaoɔ? Nɔ ni ji lɛ bi, ni mafee mahã bo aahu kɛji mi maŋtsɛyeli lɛ mlijaa ni po.”

Ester 7:2

Be ni anuɔ dãa yɛ niyenii lɛ ashi yɛ gbi ni ji enyɔ lɛ nɔ lɛ, maŋtsɛ lɛ kɛɛ Ester ekoŋŋ akɛ, “Maŋnyɛ Ester, mɛni ji osane lɛ; mɛni otaoɔ? Nɔ ni ji lɛ bi, ni mafee mahã bo aahu, kɛji maŋtsɛyeli lɛ mlijaa po ni.”

Lalai 136:26

Oo, nyɛdaa Ŋwɛi Nyɔŋmɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Abe̱i 3:6

kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ.

Marko 10:51

Yesu bi lɛ akɛ, “Mɛni otaoɔ akɛ mifee mihã bo?” Ni shwilafo lɛ kɛɛ lɛ akɛ, “Rabuni, (eshishi ji Minuŋtsɔ), akɛ mana nii.”

Bɔfoi 23:19

Ni asafoiatsɛnukpa lɛ mɔ enine mli ni ekɛ lɛ tee afã, ni eyabi lɛ akɛ, “Mɛɛ sane oyɔɔ ni obaakɛɛ mi?”

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.