Nehemia 2:18 - ŊMALƐ KRƆŊKRƆŊ LƐ

¹⁸ Ni migba amɛ akɛ miNyɔŋmɔ lɛ kɛ mi yɛ. Migba amɛ maŋtsɛ lɛ wiemɔ ni ekɛ mi wie lɛ hu. Amɛhere nɔ amɛkɛɛ, “Nyɛhãa wɔbɔia gbogbo lɛ tswaa! Ni amɛsaa amɛhe amɛhã nitsumɔ kpakpa lɛ.”

Ṅmãle̱ Kroṅkroṅ Le̱

¹⁸ Ni migbaame̱ mi-Nyoṅmo̱ le̱ nine ni mli hĩ ye̱ mino̱ le̱, ke̱ maṅtše̱ le̱ wiemo̱i le̱ hũ ni ekē̱mi le̱. Ke̱ke̱ ni ame̱kē̱: Nyehãa wo̱tea ši ni we̱mãa! Ni ame̱wadše ame̱nidšiaṅ ame̱hã nitšumo̱ kpakpa le̱.

Nehemia 2:18 Iomraidhean Croise

2 Samuel 2:7

No hewɔ lɛ, nyɛwajea nyɛhe, ni nyɛfea ekãa, ejaakɛ nyɛmaŋtsɛ Saul egbo, ni Yuda akutso lɛ ebafɔ mi mu kɛwo mi amɛmaŋtsɛ.”

1 Kronika 11:10

Hii kakabãi ni Maŋtsɛ David yɔɔ lɛ ateiaŋ onukpai, mɛi ni fi esɛɛ kpɛŋŋ yɛ emaŋtsɛyeli lɛ mli, ni asaŋ Israel fɛɛ hu fata amɛhe ni awo David maŋtsɛ tamɔ bɔ ni Yehowa ewo shi eto yɛ Israel he lɛ agbɛii kɛ amɛhe saji baa nɛɛ.

1 Kronika 19:13

Feemɔ ekãa ni ohã wɔfee hii yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

2 Kronika 32:5

Kɛkɛ ni Hezekia kɛ hiɛdɔɔ saa Yerusalɛm he gbogbo lɛ hei ni ekumɔ lɛ fɛɛ etswa kɛtee ŋwɛi; asaŋ etswa mɔji yɛ gbogbo lɛ nɔ heihei. Esaa etswa gbogbo kroko hu ewo maŋ lɛ he, ni efee enyɔ. Ewaje Yerusalɛm kpɔ mli ni atsɛɔ jɛi akɛ Milo lɛ. Efee akplɔi kɛ tsɛŋi babaoo diɛŋtsɛ hu.

Ezra 6:22

Amɛkɛ nyamɔ ye Akpiti Gbijurɔ lɛ gbii kpawo; ejaakɛ Yehowa ehã amɛmli efili amɛ, akɛni ehã Asiria maŋtsɛ lɛ tsui emɔ amɛ koni ewo amɛ hewalɛ yɛ Nyɔŋmɔ ni ji Israel Nyɔŋmɔ lɛ We lɛ he nitsumɔ lɛ mli lɛ.

Nehemia 2:8

Asaŋ mibi wolo ko hu ni mikɛyahã Asaf, mɔ ni kwɛɔ maŋtsɛ koo lɛ nɔ lɛ, koni ehã mi tsumaa tsei. Tsei nɛɛ mikɛbaakpɛ mɔɔ agboi mawo Sɔlemɔ we lɛ he, kɛ maŋ lɛ he gbogbo lɛ kɛ shĩa ni miyahi mli lɛ he. Akɛni miNyɔŋmɔ lɛ kɛ mi yɛ hewɔ lɛ, maŋtsɛ lɛ fee nɔ ni mitaoɔ lɛ fɛɛ ehã mi.

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

1 Samuel 23:16

ni Saul bi Yonatan tiu lɛ kɛtee jɛi, ni eyawo David hewalɛ koni ekɛ ehiɛ afɔ Nyɔŋmɔ nɔ.