Nehemia 2:14 - ŊMALƐ KRƆŊKRƆŊ LƐ

¹⁴ Kɛkɛ ni mifoŋ kɛtee Nubu Agbo lɛ naa kɛ Maŋtsɛ Kpaakpo lɛ hu naa; shi kooloo ni mita nɔ lɛ naaa he ko etsɔ̃ yɛ nikikiŋkoi lɛ amli kɛho.

Ṅmãle̱ Kroṅkroṅ Le̱

¹⁴ Ke̱ke̱ ni mifoṅ ke̱-te *nubu agbó le̱ nā ke̱ maṅtše̱ kpākpo le̱ nā; ši kolo ni mitá no̱ le̱ náá gbe̱ aho. *5,15.

Nehemia 2:14 Iomraidhean Croise

2 Maŋtsɛmɛi 18:17

Kɛkɛ ni Asiria maŋtsɛ lɛ tsu Tartan kɛ Rabsaris kɛ Rabshake kɛ ta babaoo kɛjɛ Lakish kɛtee Maŋtsɛ Hezekia ŋɔɔ, yɛ Yerusalɛm. Be ni amɛyashɛ jɛi lɛ, amɛyadamɔ ŋwɛigbɛ kpaakpo lɛ nujɔɔ lɛ masɛi, yɛ niiahefɔlɔi abɔɔ lɛ tɛmpɔŋ lɛ nɔ.

2 Maŋtsɛmɛi 20:20

Agbɛnɛ Hezekia he saji ni eshwɛ lɛ kɛ ekãa ni efee lɛ kɛ kpaakpo kɛ ehe nujɔɔ ni efee ni ekɛtsɛ nu kɛba Yerusalɛm lɛ, aŋma yɛ Yuda Maŋtsɛmɛi Ayinɔ Saji Awolo lɛ mli.

2 Kronika 32:30

Maŋtsɛ Hezekia nɛɛ nɔŋŋ ji mɔ ni yatsi Gihon Nuhiŋmɛi lɛ naa yɛ yiteŋgbɛ, ni edɔ nu lɛ yi, ni ehã ebatsɔ̃ Yerusalɛm anaigbɛ lɛ. Nɔ fɛɛ nɔ ni Hezekia mɔ etsumɔ mli lɛ eshwere.

Nehemia 12:37

Amɛtsɔ̃ Nubu Agbo lɛ he; ni amɛtee amɛhiɛ tɛ̃ɛ kɛyakwɔ atrakpoi ni akwɔɔ kɛyaa David maŋ lɛ mli lɛ. Amɛkwɔ yɛ kwɔɔhe lɛ, ni amɛtsɔ̃ David we lɛ he kɛtee Nu Agbo lɛ he yɛ bokãgbɛ.

Nehemia 3:15

Nubu Agbo lɛ Shallum, Kol-Hoze bi lɛ ni ji Mizpa mlijaa fã lumɔ lɛ, ji mɔ ni basaa. Lɛ ema, ni eha nɔ, ni etara enaa shinai lɛ kɛ amɛhe sai kɛ amɛsɛɛ adabaŋi lɛ. Lɛ nɔŋŋ etswa Shela Kpaakpo lɛ he gbogbo lɛ ni yɔɔ maŋtsɛ trom lɛ masɛi lɛ, aahu kɛyashi atrakpoi ni kpelekeɔ shi kɛjɛɔ David maŋ lɛ mli lɛ he.

Nehemia 3:16

Nɔ ni tsa enɛ nɔ lɛ, Nehemia, Azbuk bi lɛ ni ji Bet-Zur mlijaa fã lumɔ lɛ, basaa. Esaa kɛyashi David saŋi lɛ kɛ kpaakpo ni aje gbɛ afee lɛ kɛ tabilɔi ashihilɛhe lɛ ŋlɛnɔ.

Jajelɔ 2:6

mije bukoi ni akɛ amɛmli nu shwieɔ tsei ni atɛo lɛ anɔ;