Nehemia 1:9 - ŊMALƐ KRƆŊKRƆŊ LƐ

⁹ shi kɛji nyɛkpale kɛba miŋɔɔ, ni nyɛye mikitãi lɛ anɔ lɛ, kɛji mɛi ni agbɛ ashwã lɛ yaje jeŋ naagbeehe tete lɛ, mabua amɛnaa kɛaajɛ jɛi tɔ̃ɔ, ni makpala amɛ kɛaaba he ni mito ni aja mi yɛ lɛ.’

Ṅmãle̱ Kroṅkroṅ Le̱

⁹ Ši ke̱dši nyekpale ke̱-ba mĩṅõ ni nyeye mikitãi le̱ ano̱ ni nyefe le̱, no le̱ ke̱dši nye mei ni *aše̱re̱ aſie le̱ yadše̱ ṅwei nāgbēbe tete le̱, mabua ame̱nā ke̱-adše̱ dše̱i tō̃ ni makplaame̱ ke̱-ba he ní mihala koni mahã migbei ahĩ dše̱i le̱. *5 Mose 30,1.

Nehemia 1:9 Iomraidhean Croise

1 Maŋtsɛmɛi 8:48

Kɛji amɛshwa amɛhe anɔkwale mli yɛ nakai nomŋɔɔ shikpɔŋ lɛ nɔ, ni amɛsɔle be ni amɛmiikwɛ shikpɔŋ ni akɛhã amɛblematsɛmɛi lɛ kɛ maŋ nɛɛ ni bo diɛŋtsɛ ohala kɛ Sɔlemɔtsu nɛɛ ni mimã mihã bo nɛɛ lɛ,

1 Maŋtsɛmɛi 9:3

Yehowa kɛɛ lɛ akɛ, “Minu osɔlemɔ kɛ ofai ni okpa yɛ mihiɛ lɛ. Mitsuu Sɔlemɔ we ni omã nɛɛ he, koni aja mi yɛ jɛi kɛya naanɔ. Mihiŋmɛi kɛ mitsui aaahi he daa.

1 Kronika 16:35

Asaŋ nyɛkɛa akɛ, “Heremɔ wɔ, Ao wɔNyɔŋmɔ kɛ Herelɔ, ni obua wɔnaa, ni ohere wɔ yɛ jeŋ maji lɛ adɛŋ, koni wɔda bo shi ni wɔkafo ogbɛi krɔŋkrɔŋ lɛ, ni wɔshwã wɔfɔ̃ onɔ.

Ezra 6:12

Nyɔŋmɔ mɔ ni fee shĩa nɛɛ ejamɔhe lɛ abutu maŋtsɛ fɛɛ maŋtsɛ kɛ maŋ fɛɛ maŋ ni aaaka akɛ eeetsake fãmɔ nɛɛ hiɛ aloo akɛ eeekumɔ nɛkɛ Nyɔŋmɔ We nɛɛ ni yɔɔ Yerusalɛm lɛ. Mi, Dario, miwo akpɔ nɛɛ. Aye nɔ pɛpɛɛpɛ.”

Lalai 106:47

Oo Yehowa, wɔNyɔŋmɔ, heremɔ wɔyiwala; ni obua wɔnaa kɛjɛ majimaji lɛ anɔ kɛba, koni wɔda bo shi, ni wɔjie ogbɛi krɔŋkrɔŋ lɛ yi.

Lalai 107:3

Mɛi ni ebua amɛnaa kɛjɛ shikpɔji lɛ anɔ lɛ, kɛjɛ bokãgbɛ kɛ anaigbɛ lɛ, kɛjɛ kooyigbɛ kɛ wuoyigbɛ lɛ, akɛɛ nakai.

Lalai 147:2

Yehowa ji mɔ ni maa Yerusalɛm maŋ lɛ; ebuaa Israelbii ni agbɛ amɛ ashwã lɛ anaa.

Yesaia 11:12

Yehowa aaashi aflaŋaa etsɔ̃ɔ maji lɛ kɛto okadi akɛ eebua Israelbii ni ashɛrɛ amɛ ashwie lɛ kɛ Yudabii ni agbɛ amɛ ashwã lɛ anaa kɛjɛ jeŋ koji ejwɛ lɛ nɔ kɛbakpe.

Yesaia 27:12

Ao Israel, nakai gbi lɛ, Yehowa aaahala nyɛ ekomekome kɛjɛ Eufrate Faa lɛ naa kɛyaashi Ijipt husu lɛ nɔ, tamɔ mɔ ko ni miigbee ŋmãa.

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Yeremia 12:15

Shi be ni mishwie amɛ sɛɛ lɛ, mimusuŋ aaatsɔ̃ mi yɛ amɛhe, ni mibaku sɛɛ mikɛ amɛteŋ mɔ fɛɛ mɔ aba lɛ diɛŋtsɛ emaŋ kɛ eshikpɔŋ nɔ ekoŋŋ.

Yeremia 3:14

Ao! Nyɛ bii ni yeee anɔkwa, nyɛkpalea nyɛbaa, ejaakɛ mi ji nyɛnuŋtsɔ lɛ; ni nyɛmaŋ fɛɛ maŋ mli lɛ maŋɔ gbɔmɔ kome, ni weku fɛɛ weku mli lɛ maŋɔ gbɔmɛi enyɔ, ni mikɛ amɛ baaba Yerusalɛm. Mi, Yehowa, mikɛɛ.

Yeremia 31:10

“Nyɛ majimaji, nyɛboa mi toi, ni nyɛgbaa yɛ shɔŋŋ yɛ ŋshɔnaa majiaŋ. Nyɛkɛa akɛ, ‘Mɔ ni gbɛ Israel shwã lɛ ebaabua amɛnaa, ni ebaakwɛ amɛ tamɔ tookwɛlɔ kwɛɔ etoo ku pɛ.

Yeremia 32:37

Naa, mi nɔŋŋ mabua maŋbii ni mikɛ mlifu kɛ mlila kɛ grimɔ ni naa wa jogbaŋŋ eshwie amɛ kɛtee maŋsɛɛ lɛ anaa kɛjɛ nakai shikpɔji lɛ anɔ, ni mikɛ amɛ baaku sɛɛ kɛba shikpɔŋ nɛɛ nɔ ekoŋŋ; ni mahã amɛhi shi shweshweeshwe;

Yeremia 6:22

Bɔ ni Yehowa kɛɔ nɛ, “Naa, mɛi komɛi miijɛ kooyigbɛ shikpɔŋ lɛ nɔ kɛmiiba; maŋ wulu ko miifã kɛjɛ shikpɔŋ lɛ naagbeehe tɔ̃ɔ kɛba.

Ezekiel 14:6

No hewɔ lɛ, agbɛnɛ kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛtsakea nyɛtsuii ni nyɛkpalea kɛjea nyɛmãgãi lɛ ahe, ni nyɛjiea nyɛhe kɛjea nihiinii lɛ fɛɛ ahe.”

Ezekiel 36:24

Ejaakɛ maŋɔ nyɛ kɛaajɛ maji lɛ amli, ni mabua nyɛnaa kɛaajɛ shikpɔji lɛ fɛɛ anɔ, ni mikɛ nyɛ aaaba nyɛ diɛŋtsɛ nyɛshikpɔŋ lɛ nɔ.

3 Mose 26:3

“Kɛji nyɛba nyɛjeŋ yɛ mikpɔi lɛ anaa, ni nyɛbu mikitãi lɛ, ni nyɛye amɛnɔ lɛ,

Zakaria 8:7

Bɔ ni Yehowa, Taiatsɛ lɛ, kɛɛ nɛ, naa, mibahere mimaŋbii lɛ ayiwala kɛaajɛ bokã kɛ anai shikpɔji lɛ fɛɛ anɔ;

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

5 Mose 12:21

Kɛji nyɛmaji lɛ kɛ he koome ni Yehowa, nyɛNyɔŋmɔ lɛ, eŋɔ akɛ aja lɛ yɛ jɛi lɛ teŋ jɛkɛ lɛ, no lɛ nyɛgbea nyɛtoi kɛ nyɛtsinai lɛ ni Yehowa kɛduro nyɛ lɛ, yɛ nyɛmaji lɛ amli, koni nyɛye bɔ fɛɛ bɔ ni nyɛaanyɛ tamɔ bɔ ni miwo nyɛ ehe kitã lɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

5 Mose 30:1

“Mikɛ saji nɛɛ ni ji jɔɔmɔ kɛ loomɔ miishwie nyɛhiɛ; kɛ ena eba nyɛnɔ beiaŋ ni nyɛyɔɔ maji anɔ fɛɛ ni Yehowa, nyɛNyɔŋmɔ lɛ, eshwie nyɛ kɛtee lɛ, ni nyɛaakai nɔ ni mikɛɛ nyɛfee lɛ,